الحمد الله على كل شئ (حادث أمامى للصنى)

الحمد الله على كل شئ

بس هل الحادث أو الخبطه ده تستاهل 10000 جنيه تصليح عند السبع وكملن عايز يرش السدر بتاع العربيه+ رفارف

معا العلم ان العربيه لم تتضرر مكانيكيا ولم يحدث تسريب للفريون

كل أصدقائى أجمعوا على أن التوكيل معمول للى مأمن على العربيه وان الصنايعيه بشر زيهم زي غرهم والصنيعى الشاطر مش ممكن يشتغل فى التوكيل لأنه يمتلك حرفه من ذهب

طيب لو حبيت أصلحها بره يبقى فين مع العلم أنى من سكان مصر الجديده وهل هقدر الاقى كل الكلبسات بره ولا لازم أروح لعموا التوكيل

ولو التوكيل يبقى السبع ولا أتو أيجيبت ده لو انا أتجننت

أتمنى أنى أسمع أراكم و أستغل روجولتكم فى مساعدتى

رمضان كريم كل سنه أنتم طيبين

http://t4.pixhost.org/thumbs/1463/13478386_dsc00135.jpg

http://t4.pixhost.org/thumbs/1463/13478396_dsc00144.jpg

http://t4.pixhost.org/thumbs/1463/13478387_dsc00136.jpg

http://t4.pixhost.org/thumbs/1463/13478388_dsc00137.jpg

http://t4.pixhost.org/thumbs/1463/13478389_dsc00138.jpg

بغض النظر عن اي حاجة
الرفارف تترش ليه ؟
وعامة الكبوت ده يتسمكر ويترش كامل في الحرفيين ومش هيتكلف 700 جنيه

خبطة رزلة كلة يترد و مترشش الشنب مهما حصل فية و حاول تشوفلك واحد استيراد بنفس لونة هو و الكبوت و ريح دماغك لان الكبوت مش هيتظبط اوي لو اتسمكر

العربيه مافهاش حاجه غير بس هتغير الكبوت هتجيب نفس اللون من الحرفيين
وسمكري شاطر يردلك الشنب دا ع البارد ومش هيبان بردو

عن تجربة مركز نايل موتورز للدهان و التجديد انا روحتله كذا مرة و رديت علي البارد

هو في الحرفيين يعني مش بعيد عنك و شغله نضيف و ممكن يعملهالك علي البارد "بس هتكون باينه خفيف" او علي السخن و ساعتها مش حتحس باختلاف في اللون

كلمهم و احجز معاد و ان شاء الله خير

10000 جنيه ليه يعني روح الحرفيين هات كبوت استيراد احسن

قدر الله وماشاء فعل

قدر الله ما شاء فعل ... فعلا خبطة رزلة ... بس جت إزي كدة

10000 الاف جنييييييييييية ليييييييييييييية نصب علنى ورسمى ربنا يبنتقم من كل نصاب جشع

صلحها بره التوكيل التوكيل ما ينفعش فى الحاجات ده
اسعاره نارررررررررررررررررر

قدر الله وما شاء فعل والموضوع مش محتاج توكيل 10000 دة رقم خزعبلى على فكرة الكادبون ممكن يتعدل عادى انا عارف ان الخبطة فى علبة

طبعا أنا متشكر جدا لأنكم نصحتونى بس أنا بفكر أستغل العرض بتاع السبع الى فى رمضان

وفعالآ انا هابقى محظوظ لو لقيت كبوت نفس اللون أستراد

ربنا يعمل الى فيه الخير وجزاكم الله خيراً

ولو ملقتش كبوت نفس اللون مش مشكله لو الكبوت محتاج يتغير معتقدش سعرها يعدي جديد وزيرو كام يعني 1500 ولا 2000 جنيه وهيترش الكبوت والاكصدام والرفارف حتت منها فقط يعني قول رش 500 جنيه وسمكره بالكتير اوي 500 برضو وانسى بقى اي حاجه تاني ودي كده ارقام غاليه جدا

انا لو مكانك لو الكبوت ينفع يتسمكر تمام مينفعش اقلبه بواحد استيراد ومش هتفرق معايا اي لون خالص والسمكره والرش سهلين والصدر مش محتاج لا يتغير ولا يترش بس هيبان ان في بويه مقشره منه فقط

عندك رأيين و اختار :
1- الكابوت يتسمكر و يترش
2- تشتري الكابوت استيراد نفس اللون

1500 geneeh

اولا .. اطلع على اوتو ايجيبت بردوا وشوف حيقولولك ايه .. لان فى عرض معاهم 10 % قطع غيار وفى 15 % على المصنعية .. و25% على اغمال السمكرة والدهان .. وده طول السنة .. مش لشهر معين

وشوف حيقولواك ايه بردوا وحتتكلف كام .. بس لازم يكون معاك الاستيكر .. وبخصم 25 % على السمكرة والدهان حتستفاد

او تروح الحرفين .. تشوفلك صدر استيرااد بس مينكش حد مدقدق فيها وسليم .. وتشوفلك كابوت استيراد .. بس منصحكش .. ليه بقا
لان الكابوت استيراد حتلاقيه ب1000 جنيه .. استيراد الاصلى .. ومش تايوانى .. ومع خصم اوتو ايجيبت .. حتاخد حاجة اصلى وجديدة وعليهم خصم

لان انا خايف المكان اللى انت انتخبت فيه من قدام فى الكابوت مالوش ملكة عشان يستعدل .. ولو كان فيه مالكة للاستعدال .. يبقا اعمل بره .. عند اى سمكرى شاطر .. ورش البوية ببويه سيكنز والصدر هاته استيراد

تحياتى
وربنا يعينك
وقدر الله ماشاء فعل

ربنا يعوض عليك وياريت ترفع الصور تانى عشان مش ظاهرة