مبروك وان شاء الله هتتبسط منها
عرض للطباعة
مبروك وان شاء الله هتتبسط منها
ألف شكر يا جماعة ربنا يديكو جميعا أحسن منها ومتشكر لكل الردود .
أولا : من ناحية نعومة السيارة انا لسة يعتبر مش مشيت كتير بيها ولكن ملاحظ انها ناعمة بالاخص انى ظبت الكاوتش على 28 لان زى ما احنا عارفين العربية وهى خارجة من المعرض بيكون الكاوتش فيه زيادة كتير جدا جدا .
ثانيا : المواضيع السابقة لى واللى كتبت فيها عن حلول مشاكل البومة تقدروا تعملوا سيرش عن طريق اسم المستخدم وهو heka_m_y وده هيكون سهل جدا عليكوا واللى مش هيعرف يكتبلى وانا هجيب اللينكات.
ثالثا : انا جبت العربية من عند سمير ريان كاش والفئات الموجوده فعلا عليها خصم وكلها 1600 سى سى واوتوماتيك وهاشرح بالتفصيل :
* الفئة الاولى سعرها 125 الف جنيه بدلا من 140 ألف جنيه وهى عربية فاضية تماما واعتقد انها كئيبة شوية لان لون الفرش الداخلى اسود غامق قوى ومافيهاش اى حاجة حتى الكونسولة اللى بين كرسى السائق واللى جنبه مش موجوده والمسطرة اللى السفل التابلوه وماشية فى البابين الاماميين ليست أبنوس عليها حاجة زى القماش الغامق وده مخلى شكلها وحش قوى .
* الفئة الثانية سعرها 128.5 الف جنيه وهى هى الفئة الاولى ولكن تزيد جنط اسبور فقط .
* الفئة الثالثة سعرها 134 الف جنيه ودى اللى اشترتها ودى فرشها الداخلى رمادى فاتح جميل جدا مش اسود زى الفئة الاولى (ملحوظة الفرش البيج بينزل فى الفئة الهاى لاين فقط حتى انا استغربت كتير من الوكيل فى هذا الشىء ) وفيها جنوط اسبور ولكن الاستبن اعتقد جنط عادى فيها أبنوس خشبى مخلى العربية شيك قوى بالاخص انه مش فى التابلوه فقط بل فى البابين الاماميين أيضا وفيها فوجات (فوانيس شبورة) وده عجبنى قوى لانى لما سألت مهندس فى توكيل متسوبيشى عن امكانية تركيب فوجات للفئة الاولى أو الثانية قال لى هيبقى صعب لان ضفيرة الكهربا بتاعت الشارك تختلف عن البومة وممنوع اللعب فيها خالص . وفيها أيضا مخادع خلفية فوق الكنبة الخلفية زى التيوتا .وفيها فتحتين aux لتوصيل موبايل أو كابل aux اللى بيتوصل بفلاشة وده مش موجود فى الفئة الاولى والثانية . وفيها الكساحة الامامية بس مش فيها اعتاب عريضة . وفيها مخدع أمامى كونسولة زى اللى فى البومة . الفتيس اوتوماتيك بس مش استيبترونيك . الطارة صغيرة بس مش مالتى يعنى مافيهاش زراير تحكم .
واللى لاحظته ان تكيفها أقوى من البومة بكتير بالاخص فى قوة الهواء اللى بيخرج من الفتحتين اللى فى نصف التالبوه الهواء قوته جامدة جدا جدا جدا يعنى اللى قاعد ورار هيقول هدى التكييف شوية وطبعا زى ما احنا عارفين ان الفتحتين اللى فى نصف التابلوه فى البومة الهواء الخارج منهم ضعيف جدا وعلى فكرة قوة المروحة تقريبا 6 درجات غير البومة 4 فقط .
* بعد كده تقريبا فى فئتين اعتقد ان واحدة بفتحة سقف تقريبا فى حدود 142 الف جنيه وبعد كده تقريبا الهاى لاين ودى ودى اللى فيها البصمة والطارة المالتى والتكييف التاتش ومثبت السرعة ودى تقريبا بـ 150 الف جنيه أو 160 مش متأكد بصراحة وانا بسأل كنت مركز على الفئة الثالثة فقط .
وممكن تتصلوا بسمير ريان وتعرفوا التفاصيل عن طريق التليفون زى انا ما عملت قبل ما اشترى واللى هيرد عليكوا هيديك أسعار كل الفئات وخصائصها بس انا سمعت ان العرض قرب يخلص يعنى مرة وانا بتصل بيهم فى أنسة قالت لى أن العرض مدته اسبوعين وكده عدى منهم اسبوع تقريبا .
يا رب اكون عند حسن ظن حضراتكم واكون شرحت شوية بالتفصيل اللى تستفيدوا منه جميعا .
الف شكر على الردود وعقبالكوا جميعا .
يا باشا فين لينكات شرح مشاكل البومة والتغلب عليها مثل الاضاءة
الف الف مبروووووووووووووك ياباشا وربن يباركلك فيها ويكفيك شر عيون الناس
مبروك وربنا يباركلك فيها
هيا فيها abs و لا لأ ؟!!!......مبروك عليك :)
الف مبروك ربنا يباركلك فيها ويكفيك شرها
الف مبروك عليك فعلا شارك رائعه اكتر من بومه لكن بومه جميله و قطع غيارها حلوة انا معايا بومه فوق اربع سنين اكتر شىء مش عجبنى فيها هو فرامل على سرعات هاديه مش تحسسك بالقوى انها تقف بتسحف حاجه بسيطه و انا خمنت سبب هو abs لأنها على سرعات فوق 60 جيده و تعطيك شعور مختلف تحت سرعه دى بالنسبه لشارك معرفش فراملها اخبارها ايه لكن شارك باور كهرباء انعم و افضل فى تحكم من باور زيت و جنط 16 مدى شكل و ثبات للعربيه رائع , و عفشه ملتى لنك اقوى و انعم و اثبت فى ملفات و سرعات عاليه و عفشه بومه دونجل كويسه بردوا بس شارك افضل صاج شارك عن تجربه و تخبيط عليه اقوى من بومه صاج جميل
و صالون و تابلوة شكله احدث و تكنولوجيا موتور مايفك جميله و عدادتها وكمبيوتر رحلات افضل من بومه و كمالياتها اكتر زى بلوتوث و بصمه و زينون و ملتى فانكشن و صب
انا شيافها من وجهه نظرى انها افضل من بومه من ناحيه تكنولوجيا باور و موتور و تكييف و عفشه و كماليات لكن سعر اعاده بيع وقطع غيار بومه تكسب
و شايف انا شارك افضل لأنها تطوير بومه و البومه فى 2003 لحد الأن عربيه محترمه و جميله و افضل من عربيات حديثه
و شارك عربييه مميزة فى فئتها و بحبها
و لو مثلا فكرت اغير هيبقى اختياراتى
شارك او فلونس او فوكس لكن فوكس غاليه عليا
ممكن شارك او فلونس
مبروك وياريت الخط يكون أكبر من كده
مبروك عليك .. وربنا يديك خيرها و يكفيك شرها ...
الفئة الثالثة سعرها 134 الف : هل مزودة بـ abs / لا .. ؟
أنا كنت محتار بين الالنترا / الكروز ..
لكن لو الشارك بالسعر ده لو abs ما فيش حيرة فى الاختيار ..
رغم انى كان نفسى فى الطارة المالتى !