عايز حد بتاع شكمانات يكون برنس عشان عايز اغير الشكمان بتاع الاوبل تيجراااا
وياريت لو حد يقولى الشكمان كامل جديد او استيراد بكام ومنين ؟
ورمضان كريم
عرض للطباعة
عايز حد بتاع شكمانات يكون برنس عشان عايز اغير الشكمان بتاع الاوبل تيجراااا
وياريت لو حد يقولى الشكمان كامل جديد او استيراد بكام ومنين ؟
ورمضان كريم
أنت منين ؟
لو ممكن تروح صقر قريش في المعادي أقولك علي بتاع شكمانات جامد هناك عنده جديد ومستعمل
و ايه هيخلى حضرتك تغير الشكمان من اوله لأخره
بايظ
مخبط
العلب كلها شخللت و باظت
حضرتك يا باشا
تشوف بتاع شكمانات
و تشوف البايظ و تغيره بس
بالظبط زي ما قال الكينج طناني
شوف البايظ وغيره فقط
ولو هتشتري انا عن نفسي بفضل الجديد لأن الاستيراد ممكن تلاقي الصدأ والبارومة وكلاه
بالنسبة للشراء والتركيب عليك وعلى ابو اليزيد عنده انواع وخامات تقدر تختار منها وبيركبهالك وانت واقف
الورشة موجودة في الملك الصالح هجيبلك عنوانها فين بالظبط
انما المعرض موجود في شارع احمد سعيد
انت بتروح الورشة وهو بيقولك على التكلفة بالتركيب واسعارهم ممتازة جدا
بيكشفلك على الشكمان بالكامل ولو هتغير حاجة بيشيل تمن الكشف وبيعتبره مجاني
الورشة تابعة للشركة الهندسية للتجارة وصيانة الشكمانات (مافلر ايجيبت)
مركز خدمة الملك الصالح
تيليفون 26834562
كل الشكمانات اللي عندهم بتاعة ابو اليزيد
حضرتك ممكن تتصل بيهم ويدولك العنوان بالظبط
انا اشتريت منهم علبة الشكمان اللي في النص الخامة الجيدة بالتركيب ب 331 جنيه
الف شكر يا رجاله على المساعده وجارى الاتصال بالشركه الهندسية للتجارة وصيانة الشكمانات
بس ابقى ادينا الأخبار
يا جماعه انا متردد اروح للشركه الهندسية ديه ولا اروح لحد بتاع شكمان عنده الشكمان الجى ام الاصلى بتاع العربيه( العلب كلها بايظه عشان كنت بسترخص وتقريبا كده الهيد برده بايظ صوته عالى ) وسحب العربيه (لا يوجد سحب والصوت عالى ) وبالنسبة للراجل بتاع صقر قريش ده موجود فين ؟؟؟؟؟؟؟
يا باشمهندس انك تركب شكمان ابو اليزيد ده مش استرخاص ابدا لأن عنده خامتين وممكن تختار الخامة الجيدة وانا مركبها عندي وعمري ما استرخصت في العربية. بالعكس انا بعملها الصيانات كلها في التوكيل حتى الآن بعد ما عملت 275 الف كيلو.
والمركز اللي بقول لحضرتك عليه ده متخصص وهيكشفو على الشكمان بالكامل ويقلولك محتاج ايه.
ممكن تخليهم بس يكشفوا وبعد كدة تقرر. بس اعمل حسابك انهم هياخدو تمن الكشف. انما لو ركبت حاجة بيشيلو تمن الكشف
بالتوفيق ان شاء الله
تمام الله ينور