اشتريت سنتر للفابيا و محدش عارف يركبه

اولا كل سنة و انتم طيبيين جميعا و اعاده الله على المؤمنين بالخير و اليمن و البركات


انا اشتريت سنتر لوك فقط من غير ريموت لعربيتى الفابيا بس للاسف كل لما اروح لحد يقولى معرفش اركبه
اسأله ليه يقولى عربيتك بيبانها مصفحه و عشان نركب السنتر لازم نفك المصفح و شغلانه

حد يعرف حد فاهم اركب عنده السنتر

كل سنه وحضرتك طيب
معلش انا كنت عاوز اسألك سؤال خارج الموضوع
انا دلوقتى قدامى عربيه فابيا موديل 2004 هى شكلها سليمه وحالتها كويسه هو طالب فيها 40 الف
انا كنت عاوز اعرف رايك فيها ايه وفى سعرها ولو فى حاجه ممكن ابص عليها فى العربيه ولو فيها اى مشاكل
وهى احسن ولا البونتو
هى الفابيا فى منها المينى وشكل تانى اكبر شويه وفى شكل تالت اكبر شويتين انا عاوز اعرف ايه الفرق بين التلاته وفو فرق فى مواتيرهم وانهو احسن
ملحوظه:اللى معروضه عليا اللى هى الوسط اللى اكبر من المينى بشويه
معلش انا طولت على حضرتك

انا الحمد لله مستريح مع الفابيا جدا و لما ركبت البونتو موديل 2010 مع 2 من اصحابي عجبتنى جدا بردو

لما تيجي تشتري لازم تفكلا فى الحاجات الى جايه:

1- مانوال ولا اوتوماتيك

2- كاملة ولا لأ ( السنتر و الزجاج الكهرباء و التكييف مش كماليات فى الوقت الحالى دى بقت اساسيات بجد )

3 - الحالة العامة ( لما تيجى تشتري المستعمل لازم اول حاجه تيجى فى مخك حالة العربية و ده مش معناه شكلها خالص, اكيد الشكل بيفرق , بس ركز فى كل التفاصيل زى حالة الكاوتش لأنك اكييد حتغيره و ده اقل واجب 1250 جنيه, حالة الفرش نظيف و مشدود ولا متبهدل و متراخى, حالة الموتور طبعا أهم حاجة يكون معاك حد فاهم بزياده علشان لو فيه مشكلة حتزعل اوى بعدين, حاله البطاريه شغاله و جافه ولا بتهيس و سايلة, و طبعا فابريكة ولا عامله حادثة و للانصاف كلنا عملنا حوادث بس فيه فرق من انى خبطت الرفرف مثلا و بعدين رديته و رشيته عادى و فرق بين ان الغربية مقلوبه او مخبوطه فى الشاسيه )

4- بأختصار اوعى تسترخص أوعى , لان الى حتوفره باليمين حتدفعه بالشمال مع الوقت و المجهود و الصنايعيه و بردو مش حتكون راضى زى الاصلى,

5- الشراء يكون بالتنازل فى الشهر العقارى ( نقل ملكيه ) انا عارف انه مكلف بس افضل من التوكيل

و أخيرا بص على الينك ده ان شاء الله يفيدك

و لو عاوزنى ابص معاك عليها معنديش مانع, و كل سنة و انت طيب


http://www.nilemotors.net/Nile/283607-a.html

لأ بس البونتو اللى اقصدها موديل 2002
بص يا باشا هى العربيه سليمه جدا وكويسه وفيها باور وتكييف واتنين ازاز كهربا وسنتر وصالونها فابريكه وحالته كويسه
وطبعا هى مانيوال
انا مش باسترخص ولا حاجه انا بس مش عاوز ازنق نفسى فى الفلوس
وانا محتار بينها وبين البونتو واللانوس
بس انا كنت بسألك عشان سمعت كلام كتير بيقولوا ان الفابيا ال 1200 مش كويسه وفيها مشاكل وهى كده سعرها حلو ولا لأ
وطبعا انا متشكر جدا على اهتمامك وردك ومعلش بقى انا تاعبك معايا

يا باشا دول صنايعية أي كلام ، أنا صلحت ماكينة الزجاج الكهرباء عادي في الاسماعيلية و فكوا الصاج المصفح اللي بيقولوا عليه ده عادي جدا هما 8 صواميل مقاس 10 بيتفكوا في ثانية