| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 24

  1. #1

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي حدث في سيرفس سنتر المعادى ( تجربتى في الكشف على فيرنا مستعملة ) والدروس المستفادة - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته
    كل سنة وانتوا طيبين وربنا يعيد علينا الايام بخير ..

    الموضوع انى كنت بدور على عربية فيرنا مستعمل تكون في حدود 45 الى 48 الف ( وتقريبا كدة صرفت نظر عن الفيرنا دلوقتى بس ما علينا يعنى )

    المهم لقيت اعلان عن عربية لونها موف موديل 2007 كاملة مانيوال ماشية على حسب ما قال 59 الف كيلو فقط بس راشة برة بالكامل نضافة (كما يقال برضه ) ، وفابريكة جوة (المفروض يعنى) و تانى يد ومعاه توكيل ، يعنى الرخصة مش باسمه واستعمال سيدة

    المهم رحت اشوفها ، اول انطباع عنها قبل ما اركبها انها نضيفة جدا فعلا ( من برة نضيفة والاجناب مظبوطة والاكصدامات مظبوطة والرش نضيف مش تعبان ، ومش واخدة معجون كتير والفوانيس نضيفة وكل حاجة نضيفة و الصالون نضيف والكراسى نضيفة جدا وفوقها فرش جلد في قماش جميل جدا وكل حاجة في الصالون شغاالة )

    (العربية -شكلا- مش متبهدلة )


    ركبت العربية وسوقتها في الشوارع الجانبية وكنا اخر النهار والساعة 5 ، فطبعا الشوارع الجانبية اللى بلاحظه فيها العفشة فقط وصعب احكم على العربية او اجربها في حتت ضيقة زي دى ، بس كانت العفشة ممتازة ( طبعا مع الحالة العامة اللى باينة من برة ولما تلاقى العفشة كمان حلوة ، والكيلو متر المكتوب قدامك ممكن جدا تتخدع فيها بسهولة )

    ده حتى لقيت مستوى دواسة الدبرياج استاندرد زي الجديدة ( كل العربيات اللى كنت بجربها كنت الاقيه يا اما معليه يا اما موطيه وده رغم انه شيء لا يعتد بيه نهائيا بس ممكن نفسيا يحسسك ان العربية لسة جديدة فعلا وما اتلعبش فيها )


    المهم عشان ما اطولش عليكم ، لحسن الحظ الراجل بيته جنب السيرفس سنتر بتاع هيونداى
    فقلتله بقولك ايه انا هروح اكشف في التوكيل

    ولان الوقت كان متأخر وكنت راجع من الشغل وورايا سفر فاستعجلت وللاسف ما اتفقتش معاه الكشف مين هيتحمله لو كان فيها مشاكل جوهرية في الاساسيات

    انا طبعا قلتله الكلام ده بس بعد ما العربية دخلت فقاللى ياباشا ما تقلقش العربية اصلا زي الفل انت قلقان ليه !

    وانا في طريقى للتوكيل لما طلعنا على شارع رئيسى حسيت بخنقة وتقطيع في الموتور قلت ممكن العربية مخنوقة وما بتتمشيش وطبعا استعمال سيدة وكدة ، فمحتاجة صيانة عادية فلاتر وبوجيهات وبتاع ..

    بس في نفس الوقت اانا مكنتش مطمن وعشان كدة رحت اكشف (انا قلت العربية دى يا اما لقطة فعلا يا اما -لامؤاخذة- خاذوق كبير ، مفيش وسط )

    الغلطة اللى انا غلطتها انى ما فحصتش العربية بنفسى كويس ، رحت على التوكيل على طول عشان الوقت كان اتأخر وليلة رمضان و كدة والدنيا زحمة ..


    الكشف خد حوالى ساعة وتلت شامل تجربة السيارة على الطريق من قبل الفني ..

    وياللصدمة بقى

    تخيلوا العربية فيها ايه بعد الكشف :

    مهندس التوكيل بيقوللى الموتور اللى فيها غريب جدا ، المانفولد مش بتاع هيونداى وحاجات كتير مختلفة ، وغطا التاكيهات بس هو اللى بتاع الفيرنا ! ( ااااااه يا ولاد النصابة ، يعنى مركب غطا تاكيهات عشان يبان الموتور من بعيد انه بتاعها ، رغم انه فعلا لقيته مختلف جدا وباين الاختلاف )

    وفعلا وانا بسوقها كان احساسى بالموتور انه مش بتاع فيرنا ، كان احساس اقرب ما يكون باللانوس !

    نيجى للمشاكل بقى :

    1 - كبس الموتور 67% فقط والموتور مشكوك فيه انه مش بتاع هيونداى اصلا ودى كانت اكبر صدمة فيها!!!!!! والله اعلم بقى ايه اللى مثبوت في الرخصة موتورها الاصلى ولا الموتور الجديد

    2- الفتيس غرقان في زيته ومحتاج يتفك عشان يتعرف ايه اللى فيه ، اويلسيهات بقى ولا اي كان وتقريبا برضه مش بتاع العربية ومتغير مع الموتور ..
    3 - خبطة في فردة شاسيه يمين (خاذوق كبير جدا برضه )
    4- ترحيلة في العجلة اللى قدام شمال ومأثرة على الزوايا ..
    5- خبطة في السدر من عند المراوح ومردودة على البارد .. وخبطة في الدواسة اليمين قدام تدل على ان العربية اتخبطت من قدام ( الدواسة بيبقى فيها صاجة كدة زيادة معمولة علامة عشان لما العربية تتخبط من قدام ، تأثر عليها وتفتح ، مش عارف هتتفهم ولا لا بس المهندس ورهالى وفهمنى الموضوع ده)
    6- عفرة في الدهان في القايم الوسطانى شمال من تحت ، ناحية االباب الخلفى وشكلها غريب ( الورنيش بتاع البوية منقط مش شكل دهان الفابريكة ابدا ومشكوك في امره )
    7- جميع خلوصات الابواب والرفارف والكبوت والشنطة مش مظبوطة (تدل على الحوادث والفك والتغيير ) ومغير رفرف شمال امامى
    8- شحن الدينامو ضعيف
    9- التكييف ضعيف ومحتاج ضبط وايرات
    10- محتاجة شكمان كامل
    11-العداد غير متماشى مع حالة السيارة


    طبعا ده اللى انا فاكره بس ..

    بس العفشة كلها كانت سليمة فعلا! والتوكيل طلعها سليمة بالكامل !
    عارفين يعنى ايه لما التوكيل يطلع العفشة كلها سليمة !


    الخداع كله في الصالون ونضافة الخوارج رغم انها راشة ، بس الرش نضيف جدا والعفشة الجديدة الخادعة ، يعنى هى عربية مشنة في الاساس اصلا بس متذوقة

    والبس ايها الزبون المحترم مبلغ وقدره في عربية مشيسة ومحتاجة موتور والموتور والفتيس مش بتوعها ، وملعوب في عدادها وملعوب في كل حاجة فيها للصبح بس البس عشان لونها حلو وشكلها نضيف من برة ومن جوة والعفشة حلوة والعداد قليل (كذبا وزورا طبعا )

    طبعا انا بقيت مذهول وتخيلت لو كنت لبست العربية دى وعرفت الحاجات دى بعدين انا كان ممكن يحصل لى ايه ..

    انا اخرى فيها كنت هكتشف عيب الموتور وانه مش بتاعها ( بس انا اللى استعجلت وما كشفتش بنفسى ) ، بس لايمكن كنت هطلع كل البلاوى التانية دى لوحدى ومكنتش هعرف ان الموتور 67% فقط !
    ومكنتش هكتشف الخبطات في الشاسيه والسدر والدواسة وترحيلة العجلة الشمال

    رغم ان عندى خبرة لا بأس بها في العربيات

    فالخلاصة :


    * ما حدش يتغر بالشكل ابدا ابدا ولا بالعداد ولا باي حاجة
    * لازم تكشف في التوكيييييل مش في بنزينة ومش بنفسك ومش مجرد سمكرى فقط او ميكانيكى فقط
    * كشف التوكيل شامل وراااااااااائع جدا وبيشمل كل حاجة وما تستخسرش ، ادفع احسن بكتير من انك تلبس العربية
    * قدر الامكان حاول تاخد عربية من اول يد ، عشان انا مثلا في حالتى كنت هدفعه الكشف بالكامل لو كان اول يد لانها كانت هتكون عربيته 100% وكنت هبقى متأكد بنسبة 100% انه حرامى ونصاب وكان هيبقى في كلام تانى خالص ..

    انما الراجل اللى جه معايا انا الصراحة مش عارف ظروفه ايه
    بيقول انه العربية كان جايبها من شهرين وبيبيعها عشان بيتخانقوا عليها هو واخته وهيجيبوا عربيتين بدالها ( مش داخل دماغى الكلام ده )

    بس في نفس الوقت ما قدرتش اواجهه بأي حاجة لان كل حاجة كان يقول انا تانى يد وانا ما اعرفش حاجة
    ولما سمع كل العيوب دى وشه قلب اسود وبقى مضروب على قلبه وكان شكله مخضوض فعلا، فالله اعلم بيه ، وربنا يصبره بقى لو كان انضحك عليه فيها هو كمان

    طبعا انا لما لقيت كدة دفعت تمن الكشف من جيبى من سكات ، وحمدت ربنا انها جت على قد كدة ومشيت

    وبعد كدة ان شاء الله عمرى ما هخلص في عربية الا بكشف التوكيل بس هكون خدت راحتى في الكشف بنفسى عليها مع وجود سمكرى صديق اذا توفر ، و اتفق مع صاحبها انى مش هتحمل الكشف لو فيها حاجة في الاساسيات ما قاالليش عليها ، وطبعا هحاول ادور على حاجة اول يد عشان ما يقولليش ما اعرفش ..

    تجربة مليانة دروس والواحد زهق وجاب اخره ..
    والله دى مش بلد بنى ادمين ولا سوق بنى ادمين
    حاجة تطهق
    ربنا يبعد عنا النصابين وولاد الحرام

    وكل سنة وانتوا طيبين واسف للاطالة


  2. #2

    الصورة الرمزية SASA3

    رقم العضوية : 52307

    تاريخ التسجيل : 06Nov2009

    المشاركات : 1,688

    النوع : ذكر

    الاقامة : Mansoura CitY

    السيارة: nissan sunny 2015

    السيارة[2]: Mitsubishi Lancer 1998

    دراجة بخارية: moto regl

    الحالة : SASA3 غير متواجد حالياً

    افتراضي -

    قول الحمد لله انك متخمتش فيها بقا و فرحان بيها و بشكلها الى بتقول عليه مغرى و عفشتها الجدبده

    دا الى يشوف و يدور يلا قى بلاوى و الله انا خايف ابيع الى معايا يطلع فيها القطط الفاطسة لو كشفت عليها
    هههههههه

    و الكشف فى التوكيل بكام ؟؟

    [sor2]http://www13.0zz0.com/2012/12/24/19/217090392.jpg[/sor2]


  3. #3

    الصورة الرمزية ahmedteam

    رقم العضوية : 51638

    تاريخ التسجيل : 31Oct2009

    المشاركات : 1,153

    النوع : ذكر

    الاقامة : cairo

    السيارة: Lanos

    السيارة[2]: New Accent

    دراجة بخارية: no

    الحالة : ahmedteam غير متواجد حالياً

    افتراضي -

    الحمد لله ان ربنا نجاك منها اكيد انت محترم و نيتك صافيه

    ربنا يبعد عننا ولاد الحرام و كل سنه و انت طيب


  4. #4

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    اقتباس المشاركة الأصلية كتبت بواسطة sasa3 مشاهدة المشاركة
    قول الحمد لله انك متخمتش فيها بقا و فرحان بيها و بشكلها الى بتقول عليه مغرى و عفشتها الجدبده

    دا الى يشوف و يدور يلا قى بلاوى و الله انا خايف ابيع الى معايا يطلع فيها القطط الفاطسة لو كشفت عليها
    هههههههه

    و الكشف فى التوكيل بكام ؟؟
    الحمد لله ، تخيل دى اول عربية الاقيها شكلها نضيف ، وكل العربيات اللى شفتها قبلها كنت بتقفل منها مجرد ما اشوفها هههههه بس طلع انه مش بالشكل ولا العداد خالص

    الكشف شامل ضريبة المبيعات بـ 280 جنيه


  5. #5

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    اقتباس المشاركة الأصلية كتبت بواسطة ahmedteam مشاهدة المشاركة
    الحمد لله ان ربنا نجاك منها اكيد انت محترم و نيتك صافيه

    ربنا يبعد عننا ولاد الحرام و كل سنه و انت طيب
    ربنا يخليك ياباشا ، كلك ذوق والله

    الحمد لله اولا واخيرا ، والله فعلا هى مش بالشطارة خالص وربنا هو اللى بيستر


  6. #6

    الصورة الرمزية SASA3

    رقم العضوية : 52307

    تاريخ التسجيل : 06Nov2009

    المشاركات : 1,688

    النوع : ذكر

    الاقامة : Mansoura CitY

    السيارة: nissan sunny 2015

    السيارة[2]: Mitsubishi Lancer 1998

    دراجة بخارية: moto regl

    الحالة : SASA3 غير متواجد حالياً

    افتراضي -

    اقتباس المشاركة الأصلية كتبت بواسطة amrelsaqqa مشاهدة المشاركة
    الحمد لله ، تخيل دى اول عربية الاقيها شكلها نضيف ، وكل العربيات اللى شفتها قبلها كنت بتقفل منها مجرد ما اشوفها هههههه بس طلع انه مش بالشكل ولا العداد خالص

    الكشف شامل ضريبة المبيعات بـ 280 جنيه

    على فكرة العكس كتير يعنى ممكن تلاقى عربية شكلها من بره مقشرة و مرشةشه رش وحش و كبوتها ماله و الشكله مش فى مكانها

    بس تيجى تبص للمكنه اكنها استوك

    الفتيس و العفشة زى الفل

    الراجل بس الى راكبها مش مهتم بيها اوى شكلناا بس بيهتم بيها فى الاساسات

    [sor2]http://www13.0zz0.com/2012/12/24/19/217090392.jpg[/sor2]


  7. #7

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    فعلاااااااااا

    بس هتعمل ايه بقى
    الواحد برضه بيحب الحاجة الحلوة
    في العربيات وفي اي حاجة ;)
    ودايما اللى بيمشى ورا الشكل بيلبس للاسف :d


  8. #8

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    صور العربية في الاعلان






    صورتها قبل ما ادخلها الكشف ( مصورها بنفسى ) :



    صورتها وهى جوة في السيرفس سنتر المعتمد (مصورها بنفسى ) :



    انا تعمدت اشيل النمر في الصور اللى انا مصورها كأنى صاحب العربية بالظبط عشان مش اي حد يصور عربية ويتكلم عنها ويوقف سوقها سواء بالحق او بالباطل

    الموضوع هدفه نقل التجربة والتوعية والتحذير بشكل عام مش اكتر ..


  9. #9

    الصورة الرمزية ahmad--ezzat

    رقم العضوية : 6201

    تاريخ التسجيل : 22Feb2008

    المشاركات : 12,866

    النوع : ذكر

    الاقامة : cairo

    السيارة: nissan sunny ex 2008

    السيارة[2]: Sonata 2013

    دراجة بخارية: لا

    الحالة : ahmad--ezzat غير متواجد حالياً

    افتراضي -

    طيب وايه رد فعلا الراجل صاحب العربيه بقى ؟؟؟؟؟؟؟؟؟؟؟؟؟؟

    م/ احمـد عـزت


  10. #10

    الصورة الرمزية ahmedsamir5edr

    رقم العضوية : 28833

    تاريخ التسجيل : 30Dec2008

    المشاركات : 1,410

    النوع : ذكر

    الاقامة : Cairo

    السيارة: Mitsubishi Pajero 2010

    السيارة[2]: Hyundai Verna 2009

    دراجة بخارية: Keine

    الحالة : ahmedsamir5edr غير متواجد حالياً

    افتراضي -

    hasad">

    في اعلان عن فيرنا موف ٢٠٠٧ في المنتدي هنا .. ممكن هيا هيا



 
صفحة 1 من 3 1 2 3 الأخيرةالأخيرة

المواضيع المتشابهه

  1. تقرير معاينة سيارة مستعملة: الدروس المستفادة والخسائر
    بواسطة د.أبونضال في المنتدى المنتــــــدى العـــــــــــام للسيــارات
    مشاركات: 36
    آخر مشاركة: 12-08-2012, 11:08 PM
  2. اماكن الكشف على السيارات فى المعادى
    بواسطة amrrashed في المنتدى المنتــــــدى العـــــــــــام للسيــارات
    مشاركات: 0
    آخر مشاركة: 05-11-2011, 12:40 AM
  3. تقرير صيانة 1000 كيلو بكيا سيرفس المعادى
    بواسطة kmatrex في المنتدى كـــــيا
    مشاركات: 10
    آخر مشاركة: 03-07-2011, 01:33 AM
  4. تجربة مع الشبورة والدروس المستفادة
    بواسطة ZALABANY في المنتدى المنتــــــدى العـــــــــــام للسيــارات
    مشاركات: 23
    آخر مشاركة: 02-01-2011, 10:32 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2