الموضوع: كل عام وانتم بخير

السلام عليكم ..فعلا اخي احمد الموضوع مكرر لكن ليست صوره طبق الاصل والسبب في اعادته اني لم اجد الرد وكنت ملهوف على الرد جدا ولكن انا كنت كاتبه ضمن مشاركه وظنيت ان المشاركات بتكون اقل في جذب الانتباه فتعلمت ازاي اكتب موضوع ونقلته بشيء من التصرف.وشكرا على ردك علي قبل الاداره...!!

بص بقى بصراحه يا بشمهندس احمد احنا في رمضان كل سنه وحضرتك طيب وما ينعش اكذب انا ما نسيتش اكتب منقول ولا حاجه انا ما كنتش اعرف حكاية منقول دي ولكن شكرا على النصيحه بتاعة كتابة الوورد لاني فعلا كنت كاتب موضوع مهم ومنظم اعتقد ذلك فلما حذف نسيته واستعصى علي اكتبه مره تانيه وخفت لما اكتبه يتحذف تاني فشكرا لك عل النصيحه لكن حقيقي مش عارف يعني ايه الصور ترفعها وتشيل الرابط بتاعها حاسس ان الموضوع صعب شويه وانا مش اوي في المنتديات يا ريت توضحلي حبه ..حضرتك قول وانا حقول علطول ..وشكرا على الاهتمام والرد

ايه الجمال ده.. الله يباركلك اتعلمت حاجه جديده وعن سيارتي فهي شيري لونج a11بس فيها شوية مشاكل وتراكمات من الملاك السابقين لها وهي بقالها معايا 4 اشهر فقط ادعيلي ربنا يوفقني واظبطها

فعلا يا استاذ احمد انا فعلا محتاج مساعدات واتمنى ان ربنا يفرج كربي باختصار انا اشتريت العربيه دي من واحد بسيط ما كانش ليه انه يركب عربيه حديثه فيها كارته وحساسات وتكييف وغير ذلك من امكانات العربيه وربما كان اللي قبله نفس الصفه اهانوا العربيه اخر اهانه وكانهم كانوا بينتقموا منها وانا لما اشتريت ودي غلطتي اشتريت من خلال خلفيتي العلميه عن السياره واللي معظمها من منتداكم الجميل الرائع ومتصورتش ابدا ان عربيه زي دي 2006 يكون فيها كده العربيه اول ما اخدتها كانت جميله ومشيها كويس غير انها كانت محتاجه حبة حاجات بسيطه (فردتين كوتش-كلكس تعبان-ظبط زوايا...الخ)حاجات في العادي يعني اللي مش عادي كانت العفشه بايظه ولكن عملتها الحمد لله عند واحد بتاع كله وحنرجع للشخصيه دي تاني في وقتها(زمانك بتقول هو حيحكيلي قصة حياته...لكن معلهش استحملني ولك الاجر ان شاء الله) المهم ضبط العفشه وكانها فبريكه وخد 600جنيه وعلى شرط كل اللي اشتريته من بره 100جنيه ..! المهم خرجت العربيه من عنده فيها نتشه او نخعه (تحس في بعض الاوقات انها زي ما تكون خدت غيار اقل كانها عايزه تفرمل او كان مثلا الفلتر بتاع البنزين مسدود او قياسا على الكربريتور كان البكات مسدوده مع الفرق ان دي انجكشن ومن ساعتها وانا بحاول اصلح العيب واكتشفت ان العربيه كارته الكنترول اللي راكبه عليها مش بتاعتها (متوفق لها كارته) ومش عارف ايه نوعها لانها ملفوفه باكياس بلاستيك واكتشفت كمان ان الضفيره مقصوص فيها واطراف مفصوله فيها ....لي واحد مسافر الصين صاحب صاحبي وقاله ممكن اجيبهالك (الكارته) من هناك وهو خلاص حيسافر من الصين للسعوديه في خلال يومين.، بعد مجهود وعناء عرفت ان اي كارته لاي عربيه زيها ممكن تركب عليها قلت الحمد لله ورحت اتفق مع الكهربائي قالي لازم معاها الضفيره علشان ضفيرتي مقصوص منها احتارت اخر حيره والله واخر هم.، الموضوع ده في التوكيل حيتكلف ممكن 5000جنيه ومع الهم رمضان بيضيع مني وانا حابب العربيه. ولو بعتها لو عرفت يعني حخسر فيها كتير بسال حضرتك والاعضاء ايه العمل...مش لازم الكرته والضفيره بس مش عايزها تنخع وتتخنق انا شاكك في الميكانيكي اللي عملي العفشه لانها ما مكانتش كده وخايف ارجعلوا تاني لانني حاسس بالعربي كده انه مش مظبوط وابقى بكده بوقع نفسي تاني ليه..انا لقيت فيشه واقعه ومش متاكد هي واقعه من الاول ولا من الميكانيكي المهم انا مش عارف اوصل لمكانها.....وهل في حد كهربائي في اي حته ممكن يرجعلي الاسلاك المقصوصه لمكانهاالاصلي يعني يظبطلي الضفيره فبريكه. وعلى فكره كل المقطوع ده مكانه بجانب دواسة الدبرياج اسفل التابلوه اسفل فرش الارضيه اللي هو موصل بعلبة الفيوزات او خارج منه ا الله اعلم وهل ساحتاج نصف ضفيره قدام فقط ولا ضفيره في الكامل
وهل ابعت اجيب الكارته ولا لا ولا اجيب كارته بتاعة دايو نوبيرا (1) او سبيرو زي ما الباشمهندس طارق السيد قال لي ولا ايه...؟! اخي الفاضل برجاء قراءة الموضوع ومحاولة المساعده لان الامكانيات مش متوفره دلوقتي معايا لدرجة تغيير الكارته والضفيره وياريت بس حتي العربيه تمشي عادي زي ما كانت من غير الننخعه يا جماعه رمضان بيروح مني ...وجزاكم الله خير لمحاولتكم ازاله الهم وتنفيس الكرب والسلام عليكم