موديل 2012 تقفيلها سئ وخاماتها رديئة

**a7medsh3rawi** · 25-07-2012 03:25 AM

العربيه البى واى دى مع واحد صاحبى بقالها خمس سنين وما شاء الله شغاله ومن جوه الفرش الاصلى بتاعها وانا ركبت مع واحد صاحبى عربيه سيراتو 2011 a/t زيرو هاف اوبشن ولاقيت الخامات من جوه عادى تكاد تكون رديئه والتقفيل نص ونص وعربية عمى بريليانس جالينا 2007 برضو نفس القصه .

**bassem.naguib** · 25-07-2012 03:41 AM

المشاركة الأصلية كتبت بواسطة engonear

العربيه البى واى دى مع واحد صاحبى بقالها خمس سنين وما شاء الله شغاله ومن جوه الفرش الاصلى بتاعها وانا ركبت مع واحد صاحبى عربيه سيراتو 2011 a/t زيرو هاف اوبشن ولاقيت الخامات من جوه عادى تكاد تكون رديئه والتقفيل نص ونص وعربية عمى بريليانس جالينا 2007 برضو نفس القصه .

الموضوع ده مش شرط (بالرغم من انحيازي للبي واي دي) لأنه في المقام الأول بيكون راجع للحفاظ على العربية من صاحبها أو إهماله ليها .
وبصفة عامة يتجه منتجي السيارات الاقتصادية والمتوسطة إلى التوفير في جودة الخامات لصالح المكسب واعتبارات اقتصادية أخرى .

**HAITHAM1985** · 25-07-2012 09:12 AM

مع إحترامى لمالكيهــــا .......... خردة ......... بلاستك طباق الهلال والنجمة الذهبية أحسن منها

مقياس السعر مهم ...... بس مش للدرجة دى

حرام الفلوووس فيها ........ فيه بدايل أحسن منها مليووووووووون مره

**lonedoctor** · 26-07-2012 02:06 AM

المشاركة الأصلية كتبت بواسطة esmail_ali

موضوع ونة الفتيس مش هيتحل عمره لأنه عيب تصنيع والعربية بتزداد سوء معايا والتوكيل ده مفيش منه أمل الصنايعية بتاعته كلهم أى كلام ولا فاهمين حاجة أنا روحت مرتين أضبط زوايا مش عارفين يظبطزها

اخى الكريم اظبط زوايا عندنا فى صقر قريش ب 30 جنيه واسال عن الاسطى ابراهيم مشهور ومحترف وغير بلية الدبرياج والاصلية ميتسوبيشى ب 85 جنيه هتروح الونة
الموضوع موش مستاهل الفيلم ده كله
تقبل تحياتى

**flightbyd** · 26-07-2012 02:59 PM

انتوا لسة مصممين تفتوا بدون خبرة فى موضوع ان الونة من بلية الدبرياج ......يا خلق حرام عليكوا الونة دى عيب فى الزفت الفتيس من بلية الدريك الموجودة داخل الفتيس وكفاية فتو على الراجل

**mhmdalsaadany** · 26-07-2012 03:07 PM

فعلا خامات الموديل 2012 زي الزفت انا كانت معايا الفلوس روحت شفت العربيه فعلا غيرت رائي ومستحيل اشتريها مع انها مع حمايا من 3 سنين وزي الفل الحمد الله وكنت معجب بيها جدا بس للأسف فعلا لما انتشرت وعملت سمعه خربت وبجد اللى مش مصدق ينزل اقرب معرض ويشوفها وكمان اكبر دليل انها مش متباعه كويس في 2012 انهم غيروا شكل الجنط يعني من بعيد هتعرفها وانا لحد دلوقتي مشفتش غير عربيه واحده للأمانه بالجنط الجديد

**lonedoctor** · 26-07-2012 06:41 PM

موضوع الونة ده بالنسبة لى صوت عادى جدا ومقبول ولا اشعر انه مشكلة لكن انا كنت راكب تاكسى على الدائرى فى يوم بى واى دى ولاحظت انه الونه غير موجودة على الاطلاق فسالت صاحب التاكسى عنها وبالمناسبة السيارة كانت عاملة 85 الف وزى الفل كانها زيرو فقال لى انه لما وصلت السيارة 50 الف صوت الونة زاد شوية واصبح مزعج فراح لميكانيكى فغير له بلية الدبرياج ببلية يابانى بتاعة الميتسوبيشى ب 85 جنية فاختفت نهائيا
والله اعلم

**rti** · 27-07-2012 04:04 AM

من الظلم مقارنة السيارة بسيارات اخرى اعلى فى الفئة و السمعة و لكن للعلم السيارة معي لاكثر من عام ماشي بها اكثر من 25000 و هي و الحمدلله ماشاء الله منتهى القوة و الاداء السلس و التحمل فى ظروف سيئة و اجواء حارة و اهم شيء الصيانة اول بأول و فى المواعيد المحددة و اذا كنا مضطريين للمقارنة و هذا شيء طبيعي نقارن على اساس الفئة السعرية و اكيد النتيجة هتكون محسومة لهذه السيارة لي صديق معاه السيارة منذ اكثر من اربع سنوات و اراد اليومين دول ان يشدها فبنتهى السهولة و بتكاليف ليست باهظة حول السيارة لتويوتا كورولا فقام بتغير الطنابير والعفشة لتويوتا كورولا و ماشاء الله العربية تحفة و هذه اكبر ميزة فى هذه السيارة .

**rti** · 27-07-2012 04:20 AM

و للعلم لاحظت انتشار محلات قطع الغيار الخاصة بالسيارة و بأسعار مزهلة يعني مثلا سعر زوج المرايات الكهربائية 140 ج سعر الاكصدام بدون الفيبر 150ج و اسعار تحفة لباقي قطع الغيار و فى اماكن كثيرة و هذا يدعم وجود السيارة فى السوق و بالفعل هي الان منتشرة و كل صنايعية الياباني شغالين فيها .

الموضوع: موديل 2012 تقفيلها سئ وخاماتها رديئة

LinkBack

أدوات الموضوع

عرض

-

-

-

-

-

-

المواضيع المتشابهه

موديل 2012

--- { قائمة اسعار السيارة اسبيرنزا موديل 2012 اعتباراً من 1/1/2012 } ---

شراء 316 موديل 2012

هل من اخبار عن موديل 2012؟

الكل يقول رايه فى الصنى 2008 وفى تقفيلها المصرى

الكلمات الدلالية لهذا الموضوع

المفضلات

المفضلات

ضوابط المشاركة