دليلك ما بعد الشراء (كل حاجة تهمك بعد الشراء)

**bido600** · 21-07-2012 06:26 AM

المشاركة الأصلية كتبت بواسطة Hasan_EGT

الله يخليك ويجازيك على اللي انت بتعمله يا بيدو باشا.

ربنا يخليك يا حسن بيك

المشاركة الأصلية كتبت بواسطة seif2005

wala w 3mlooha el rigalaaaa w rafa3o ras masr baladna ww2ifo w2fit rigala mabrook :P 3leena w lbladna :D a7san y mo7yyyyyyyyyy

:D:D:D:D
3abrnaaaaaa el sad ya seif lolololy :P:D
howa e7na fe 7arb :P:P::P:P:P

**bido600** · 21-07-2012 06:30 AM

الكارب والانجيكشن

والبنزين

عشان تاخد اقصي استفادة من البيك بتاعك لازم تستخدم بنزين نضيف

لو ققاعدة 92 او 95

طبعا لو بايك زي 250 و400

استخدم 92

لو بيك جديد وعالي استخدم 95

مش عاوزين ندخل في تفاصيل بتاعت نسبة الانضغاط والكلام دا كله

ويكون من محطة نضيفة يكون موثوق فيها عشان طبعا عارفين اللي بيحصل في البنزين

بص بقي يا سيدي بدل ماتفك التنك وتوجع دماغك عشان تنضف الكربراتير وعاوزة واحد يكيون ابن لذيكا عشان يرجعة تاني زي مكان مش اي حد يفكه يعني

هات منظف الانجيكشن والكربراتير

بيتحط مع البنزين في التنك وبتمشي مشوار تمام ابن لذينا

دا يا سيدي بينضف دورة البنزين كلها بالخراطيم بالكربراتير بكل حاجة

بس مشكلتو انك لازم تغيير البويجهات بعديها عشان لما بينضف بيحدف كله علي البوجيهات تقوم متكربنة بقي

استخدمو كل 4 شهور او 10.000 كيلو

لو الدنيا تمام لو البنزين مش تمام ولا حاجة تقدر تستخدمة في الوقت اللي شايفة مناسب

بيتحط حسب النسبة بتبقي مكتوبة علي العلبة يعني يقولك محتوي العلبة دا يتط علي كام لتر بنزين انت تشوف البيك بتاعك بيتحطلو كام لتر وتحسب قد اية يتحط من محتوي العلبة

الانواع المعروفة

Mobil

STP

Gunk

Argo

Junk

Snap

خلي بالك بعديها لازم تغير او تنضف فلتر البنزين

ولازم تغيير البوجيهات

**seif2005** · 21-07-2012 06:31 AM

المشاركة الأصلية كتبت بواسطة bido600

[CENTER]

[FONT=Arial][COLOR=blue]

طيب نيجي لانواع زيوت الباكم
اياك واياك من الزويت مجهولة المصدر او المش معروفة
خليك في دول
Lockheed
Valcoline
Castrol
Bandex
Ite
Mobil
ودول اشهر ويعتبرو افضل الماركات
غير زيت الفرامل كل 10000 كيلو
او كل 6 شهور
عشان بيكون كفائتة قلت

ana 2olt 22olak :D 7aga 3lshan shaklak msh 3rfha enta 3arif en Lockheed Martins deh :D el shirka el btsana3 el tyrat el f-22 w akbar shirkit asl7a w taslee7 fe Usa :D asl ana kont intersted fel mwdee3 deh zaman w hya now bt3mil el F-35

[img3]http://logodatabases.com/wp-content/uploads/2012/05/Lockheed-Martin-Logo-Horizontal-1024x175.jpg[/img3]

**bido600** · 21-07-2012 06:41 AM

البوجيهات

وما ادراك ما هي البوجيهات

طبعا عارفين ساعات البيك مش بتدور وتلف حوالين نفسك وتصرف وفي الاخر تطلع البوجيهات او تلاقي سحب البيك مش تمام او البيك متلت الخ الخ الخ الخ

لازم البوجيهات تكون نوع نضيف ومعروف عشان يقعد معاك اطول فترة ممكنة ويديك اعلي كفائة ممكنة

واياك اياك اياك تجيب نوع فستك فستك

وانا شخصيا برجح شركتين لا ثالث لهم

NGK

Split Fire

دول اللي ليهم توكيلات هنا في مصر والواحد يقدر ياخد ويدي معاهم وهم الاتنين الصراحة زي الفل وعمرهم مخذلوني شخصيا

طيب انا مش عاوز اخش بتفاصيل اكتر ونقول البوجيهات بتعمل اية وفايدتها اية والكلام دا كلة اكيد كلنا عارفينة

طيب تغيرهم كل قد اية ؟

غيرهم كل اربع شهور بعد متنضف دورة البنزين

طيب زي الزيت طبعا كل بيك لية بوجيهات معينة

انا هحط الموتسيكلات المتعارفة ولو فيه حاجة ناقصة او حد عاوز نوع بيك مش فيهم هيتضاف بعد كدة

CBR 250 CR9EH-9

CBR 400 CR9EH-9

CBR 600 F4 CR9EH-9

CBR 600 IMR9C-9HES

CBR 900 CR9EH-9

CBR 919 CR9EH-9

CBR 929 CR9EH-9

CBR 1000 IMR9C-9H

VT(honda shadow) DPR8EA9

vtx 1100 DPR7EA-9

Suzuki

GSXR 600 (1997-2007) CR9E (2008-2012) CR9EIA-9

GSXR 750 (1996-2007) CR9E (2008-2012) CR9EIA-9

GSXR 1000 (2005-2006) CR9E (2007-2012) CR9EIA-9

Hayo CR9EIA-9

Boulevard DPR7EA-9

Yamaha

R6 (1999-2012)CR9 E

R1 (1998-2001) CR9e (2002-2003) CR9EIA-9 (2004-2008) CR9EK (2009-2012) LMAR9E-J

Vstar DPR7EA-9

Kawasaki

ZX600 CR9E

ZX-9R CR9EK

zx-1000 CR9EIA-9

ZX-14 CR9EIA-9

vulcan800 CR7E

Vulcan 1500-1600 DPR6EA9

كالعادة دول المعروفين
اي حد عاوز نوع معين يكتبو وان شاء الله هيتجاب قرارو :D

**bido600** · 21-07-2012 06:51 AM

الكابلات

كابل الدبرياج وكابل البنزين

الكابلات دي عبارة عن فتل من الحديد ملفوفة حوالين بعضيها

قامت مديانا كابل

انت كل مرة بتدوس علي الدبرياج او البنزين الكابل بيضعف

ودا اللي بيميز الكابل النضيف عن الكابل المتصنع تحت السلم

كل ضغطة بتاثر علي الكابل فلازم نعملة حاجتين

اولهم نغيرة باستمرار عشان بيفتل والتفتيل دا عبارة ان جزء من الكابل يسخن جامد ويتقطع وهكذا لحد منلاقي الكابل ماسك علي فتلة ولا اتنين

ومرة واحدة يقوم قاطع واحنا مش عاوزين يحصل كدة في الطريق ساعتها هتعمل اية؟

تاني حاجة لازم يتشحم باستمرار لية؟

عشان لما تيجي تشدة يتشد معاك بسهولة

عشان يحافظ علي الكابل وميتقطعش بسرعة

عشان ميعملش صوت كل شوية

ونشحم معاه بكرة البنزين

عشان ميعملش ما يسمي بل ستوك ثروتل

بالبلدي بكرة البنزين نتحشر وتبقي مش دايس بنزين اكنك دايس وليلة كدة ربنا ميوريها لحد

طيب نغيرة كل قد اية ؟

غيرة يا سيدي كل 6 شهور مرة

وهات نوع نضيف حتي لو الكابل مكنش مفتل غيرة كل فترة ممكن يطلع معاك شكله نضيف جدا بس مرة واحدة يقوم هوب قاطع فاحنا لية نستني لما يعمل كدة

والتزييت انا بقول كل شهر مرة مع الجنزير هتشحم الجنزير شحم معاه الكابلات

وهنستخدم نفس المنتجات في تشحيم الجنزير عشان منلمش تراب وتمنع الصدا والتاكل في الكابل

**bido600** · 21-07-2012 07:11 AM

الانوار

الانوار = حياتك بليل

بس مش معني كدة انك تعمي اللي قدامك

معروف ان بعد فترة بتلاقي النور ضعف او اصفر شوية

وفيه اللي بيركب زينون

اولا هو الزينون طبعا معروف انه اوضح وبيبين الطريق وموفر للطاقة

بس للاسف مفهوم الزينون في مصر خطا هنا بيتركب عشان المظاهر فقط ومش مهم اللي قدامك

عشان مطولش عليكم

كل فترة هات شوية كمبوند وبوليش بلاستيك وحتة قطنة وادعك بيه الفانوس كويس هتلاقية بيلمع

عشان طول منت ماشي في جو مصر الجميل فيه رمل متطاير في الهوا وبيجي علي البلاستيك وبيعمل اكنو صنفرة علي بطيء

اعمل كدة كل مرة تغسل فيها البيك

كل فترة كبيرة غير اللمبات باستمرار لو كانت نوع نضيف

مثلا كل سنة غير اللمبات

لو انت زينون غير بردة اللمبات :D

بما ان كل الزينون اللي عندا مضروب

بس احب اقولك حاجة

لو عرفت تعمل بروجيكتورات يبقي كدة انت راجل تمام

دي بتبقي عبارة عن عدسة بتجمع الضوء وترسمة علي الارض قدامك

انت بتاخد افضل استفادة من الضوء لانك جمعت اشعة الضوء ومخلتهاش مشتتة

ومش بتاذي اللي قدامك

ورخيصة مش غالية علي فكرة يعني الاتنين بروجيكتور كانو في حدود ال 300 جنية وهتروح لواحد بتاع فوانيس هيفك وهيركبهملك ويرجلشهم وعيش يا سيدي

دا كدا بالنسبة للانوار الامامية

بالنسبة للخلفية مش هقولك غير ان اللي وراك مش هيشوفك لو حاجة فيهم مش شغالة

اظن الرسالة وصلت

:D:D:D:D:D

اوعي تستني لحد مواحدة فيهم تفصل

واشاراتك يا باشا

دايما دايما ظبط انوارك بانوار مبهرة شوية مش تعمي لا مبهرة يعني زي الليد كدة

عشان الناس تاخد بالها ان فيه بيك موجود

ونصيحة اخوية

مترميش فلوسك في حاجة غير

Osram

philips

HID

Tungsram

طبعا شركات لا غبار عليها

وطبعا الزينون مش هتلاقي غير فيلبس وات اي دي

وطبعا كل بيك لية لمبة معينة H4 H7 هكذا فك اللمبة وهات زيها :D متتعبنيش معاك

**bido600** · 21-07-2012 07:55 AM

غسيل البيك
والتلميع

في الطبيعي الواحد بيكسل وبيروح يغسل البيك في المحطة ودا طبعا ما ادراك بيعمل اية
المية بتدخل في كل حتة في البيك
مما سوف تودي الي صدا الخ الخ الخ وهتاثر علي الموتور لو دخلت فيه
دي بتبقي ميه وضغط هوا
طيب لو انت مكسل تغسلة تحت البيت
روح المحطة عادي جد والراجل هيرش الفوم ويمسحة كويسة وبعد كدة الميه :d
اوعي تدور البيك لما الراجل يخلص من موضوع المية وينشفة بالفوطة اياك اياك
اولا يتغسل في الضهر عشان الشمس تنشف بسرعة
بعد ما يتغسل تمام
هات مسدس الهوا منه ومشيه بنفسك في كل حتة في البيك بتاني خالص عشان نضمن ان مفيش مية موجودة
ومتخفش طبيعي انو يغسل العدادات والخ الخ
دانت هتشوف العجب
خلاص خلصت من مرحة الهوا وفسسسسسسسسس في كل حتة في البيك
استني شوية ودورة وان شاء الله هيدور معاك كويس
وحاول تقلل حكاية الغسيل في المحطات دي

تروح بقي حضرتك البيت
هتجيب كمبوند وبولش ماركة ميدو ولا حماده مش فاكر اسمة :d
وعلبة شمع من اي محطة محترمة
وتحط الكمبوند علي التنك والفيبر بالقطتنة وتدعك كويس وبعديه البوليش وتدعك كويس
هتلاقي معظم الخدوش راحت والخرابيش راحت والبيك ابتدي يلمع بقي زي الجديد بالشمع وتقوم داعك عشان الشمع هيحمية من التراب والرملة اللي في الجو ومن الشمس الخ الخ الخ

نكمل بكرة عشان انا فصلت شحن

**Hasan_EGT** · 21-07-2012 08:44 AM

هههههههههههههههههههه كان لازم تفصل شحن بجد مجهود رائع ومستنيين الجديد. ومعلش بقا شكلك هاتتعب معانا قوي

**OMAR61995** · 21-07-2012 02:45 PM

موضوع معدى تسلم ايدك
لازم ده يتثبت

**corabica** · 21-07-2012 02:49 PM

المشاركة الأصلية كتبت بواسطة bido600

بسم الله الرحمن الرحيم

الموضوع دا ان شاء الله هيبقي فيه كل حاجة تهمك من ما بعد الشراء

لو انت بايكر جديد مش عارف تعمل اية

او محتاس

تحط كام ليتر زيت

بوجيهات اية

احط بنزين اية

ان شاء الله تلاقي كل حاجة هنا

اولا

هات ورقة وقلم واكتب عداد الكيلومترات علي كام واكتب هتعمل صيانة امتي

وبلاش ابسط حاجة علي الميكانيكي

احنا عندنا حاجات كتير وبسيطة جدا نقدر نعملها بنفسنا في البيك

عندنا تنضيف الجنزير

تغيير الزيت

الخ الخ

ويوم اجازتك حدد ساعة او ساعتين تظبط فيها البيك

طيب من غير مطول عليكم نخش في الموضوع علي طول

محتاج عدة اية ؟

طقم مفكات صليبة وعادة

طقم مفاتيح

فرشة اسنان

فرشة بتاعت البوية

شوية بنزين

بنسة

wd-40

دي الحجات المتعارف عليها وبتفيد في كل حاجة

بعد كدا بالخبرة في ادوات كتير بس دا مش موضوعنا دلوقتي

كل مشاركة هيكون فيها حاجة عشان محدش يتلخبط
ملحوظة هتلاقي مواعيد الصيانة قريبة شوية من بعض ودا بسبب
ان البيك دا ثور هائج يحتاج للمتابعة كل شوية فدا عشان ميقفش منك لاقدر الله في اي وقت
يعني عشان تحافظ عليه بنسبة 100%
عارفين اغنية نانسي عجرم
يا حبيبي كل ما تدي كل مهتاخد :d:d:d
اهو طبقو الاغنية دي علي البيك
:pointiy2[2]:
وطبعا انت وحريتك الشخصية
ملحوظة اخري جميع المنتجات اللي هيتم ذكرها لاحقا
مش هيبقي اعلان عنها ولا حاجة انا هديك ليست باللي يتناسب مع البيك وانت عليك تختار اللي يناسبك او الل يعجبك وجميع المنتجات متوفرة في الاسواق المصرية
:b4_611:
نخش في المهم

و الله انت برنس

الموضوع: دليلك ما بعد الشراء (كل حاجة تهمك بعد الشراء)

LinkBack

أدوات الموضوع

عرض

-

-

-

-

-

-

المواضيع المتشابهه

دليلك القانوني عند الشراء

استفسارات قبل الشراء

الشراء الجماعي

مساعدة في الشراء

الكلمات الدلالية لهذا الموضوع

المفضلات

المفضلات

ضوابط المشاركة