الولاعة فجاة و بدون مقدمات مش شغالة سالت قالوللي شوف الفيوز مسكت الكتالوج لقيت علبة الفيوزات اللي في الحوض جنب البطارية مش مسئولة عنها فيه علبه تانية داخل الكابينة يا تري فين مكانها بالظبط واوصلها ازي؟ افيدوني ارجوكم
عربيتي يا ري 2007
عرض للطباعة
الولاعة فجاة و بدون مقدمات مش شغالة سالت قالوللي شوف الفيوز مسكت الكتالوج لقيت علبة الفيوزات اللي في الحوض جنب البطارية مش مسئولة عنها فيه علبه تانية داخل الكابينة يا تري فين مكانها بالظبط واوصلها ازي؟ افيدوني ارجوكم
عربيتي يا ري 2007
الياريس مش متأكد...بس معظم العربيات بيبقى في علبة فيوزات ورا درج صغير في التابلوه على شمال السواق او عل شمال الدواسات تحت....بص كدة لحد ما اي واحد معاه ياريس يرد عليك و يأكدلك المكان فين بالضبط
هتلاقيها قصاد رجلك الشمال وراء الدرج اللى تحت ازرار المرايات الكهربا
بتفتح الدرج وتشدة لفوق
فكيت الدرج بس لقيت مش لوحة فيوزات زي الليفي الحوض حاجة غريبة وانا محتاج الفيوز المسئول عن اولاعة اللي يعرف طريقه بالتحديد يا ريت يقولي ممكن؟
يا عم اهى فرصة عشان تبطل تدخين ههه دة اذا كنت بتدخن
كل سنة وانت طيب
على فكرة الموقف دة حصل معايا لما كنت مستلم العربية جديد وكانت فيرنا وبرضة كان الفيوز تحت جنب الدبرياج ع الشمال وفضلت اخلع واركب فى الفيوزات لغاية موصلت للفيوز العطلان واشتغلت الولاعة وطبعا انبسطت جدا اصل التدخين مع السواقة بيبقى لية طعم تانى خصوصا لما يكون الواحد
رايق وياسلام لوكنز بيبسى معاة انسى:sifone::sifone:
علي فكرة انا مش باكره في حياتي حاجة قد رائحة دخان السجائر و بعدين اانا دكتور صيدلي يعني عارف كويس جدا القرف بتاع السجائر ده شكله ايه انا بسال عن الفيوز علشان انا باركب في الولاعة شاحن الموبيل او ال راديو ترانزمتر فهمت ؟
علبة الفيوزات الداخلية هتلاقيها على شمال دواسة الفرامل
هتفتح الغطا بتاعها
فيوز الولاعة لونه ازرق وهتلاقيه بقوة 15A
غالبا هيبقى في النص من نحية الشمال
وتقريبا اسمه CIG هتلاقي مخطط كدة صغير في ضهر الغطا موضحلك امكان كل فيوز
دور على الفيوز ده وشيله وحط مكانه فيوز Spare
الفيوزات الاستبن هتجبها من علبة الفيوزات اللى موجودة في الماتور جمب البطارية "هما تلاتة كدة جمب بعض" برضوا هتلاقي على غطا علبة الفيوزات زي Diagram موضحلك فين الفيوزات ال Spare
مش هيحصل حاجة لو حطيت فيوز بامبير مختلف يعني لو لقيت الفيوزات الاسبير بقوة 10 امبير حط واحد مكان بتاع الولاعة وهتلاقيه ظبط معاك ان شاء الله بدون اي مشاكل
ميرسي يا احمد انا وصلت قبل ما اقرا مشاركتك ميرسي علي تعبك و ذوقك
موفق