الرجاء الافاده

**hassanin_lada** · 21-07-2012 12:16 PM

السلام عليكم ياشباب
من 10 ايام كنت برخص العربيه وفحص والكلام اللي انتو عرفينو ده ..المهم لما جينا حطينا العربيه علي كشف العادم وانا بدور العربيه الراجل شاف دخانه بيضه في بداية التدوير قالي طالعها طالعها دي بايظه قولتله بايظه ازاي دي لسا واخده شنبر ماكملتش الكلمه وبدسلو بنزين الدخانه اختفت(هي دخانه خفيفه وبسيطه) قعد بقي يزود هو مافيش اي دخانه طالعه والحمدلله العربيه نجحت...سيبكو من الكلام ده كله..دلوقت ايه الدخانه الي طلعت دي؟؟...وبعدين انا كنت عامل شنبر من فتره والزيت قبله كان بيبقي اسود بعد الشنبرالعربيه قعدة شهرين او تلاته لون الزيت زي الفل وبعدين من فتره لقيت لون الزيت بدأ يرجع اسود تاني مع ان اللزوجه بتاعته كويسه(موبيل ابيض)..كان في راجل كبير قالي العربيه مش بتحرق كويس حبيت افهم منه حسيتو هيتنرفز راجل كبير بقي وخلقه ضيق..عارف ان كلامي كتير بس قولت اسأل اهل الخبره لان بجد انا حاسس اني بنفخ في قربه مقطوعه

لاللي هيسأل عن انا بستفسر عن ايه..

ايه الدخانه البيضه دي ؟؟
ليه الزيت بيسود؟ويعني ايه العربيه مش بتحرق كويس؟؟

**chiko** · 22-07-2012 05:23 PM

ممكن يكون الشنبر من تمام او نوعه وحش او المكانيكي اللي عمله علي قده ...لان حريق الزيت يجي من شنبر او سفر كتير او الماتور بيرصع ..

**hassanin_lada** · 22-07-2012 09:54 PM

العربيه من ساعة الشنبر ماسفرتش..والشنبر اصلي برازيلي (العربيه لادا2017) والميكانيكي محترف والعربيه مش بتاكل زيت ومش بتاكل بوجيهات...يعني ايه المتور بيرصع ؟؟

**chiko** · 23-07-2012 02:28 AM

بيرصع يعني لما تدوس بنزين تسمع خبط جاي من تحت ... طالما انت متاكد من الشنبر و الميكانيكي .. يبقي بص علي الكربراتير .. و خلي بالك لو بتستعمل بنزين 80 هتلقي دخنه في اول الدواره ...

عل العموم طلما العربيه شغله حلوه ..يبقي متقلقش ممكن الدخنه تكون تعريق من الشغل عادي يعني و هتروح مع الوقت

**hassanin_lada** · 23-07-2012 03:30 AM

هو فعلا ممكن يكون من الكاربرتير

**akmm** · 05-08-2012 03:04 PM

متابع ...

**hassanin_lada** · 05-08-2012 10:25 PM

هو انا من ساعت مافكيت المتور لما ابقي عاطي غيار عالي وسرعه واطيه يعني الرابع وماشي علي 20 كم اجي ادوس بنزين الاقي المتور بيخبط ويرزع بطريقه غريبه ده ممكن يكون من كرسي المتور ولا ايه ؟؟

**chiko** · 10-08-2012 05:17 AM

برغم ان مش ممكن تمشي بسرعة 20 ك علي الرابع !! .. الا ان ممكن تكون التقسيمه نطه سنه قدام

**hassanin_lada** · 10-08-2012 08:06 AM

هفهمك ..يعني ابقي ماشي علي 60 او اي كان واهدي وانا علي نفس الغيار الرابع بدل مامور وفرامل مره واحده كده الاقي العربيه تخبط وترزع ده طبعا لما الار بي ام بيوطي خالص ...يعني ايه التقسيمه نطه سنه قدام ؟؟