-
يا أهل الرينو؟؟؟؟
معايا بيجو 504 كنت ناوى ابيعها واشترى ميجان 2008 ولكن بعد ما ركبيت عربيات تانيه عرفت انى خساره ابيعها فقررت الاحتفاظ بيها واشترى عربيه تانيه فطبعا الفلوس كده مش هتكمل
ترشحولى ايه تحت ال 100 الف جنيه عربيه تكون قريبه من الرينو
اوبترا.. النترا.. ترشحو ايه؟؟؟
-
أختيارى لو كنت مكانك
كيا سيراتو الجديدة ( نفس وكيل رينو وبالتالى نفس المستوى من التعامل المحترم و الراقى )
سعرها بيبدأ من 90 ألف
لو مش حاببها ممكن تشوف اللانسر القديمة ثم الأوبترا ثم ألنترا
ده رأيي الشخصى
ربنا يوفقك
-
-
-
المشكله اللانسر منتشره بشكل مش طبيعى انا حاسس ان فيه حد بيوزعها ببلاش:scooter:
الالنترا.. وتوكيلها زى الزفت وبصراحه تمنها مبالغ فيه
الاوبترا سمعت انها كويسه وبفكر فيها فعلاً
تنصحنى بعربيه تانيه غير دول؟؟؟
-
الكيا سيراتو اسمع فعلا انها كويسه بس بصراحه شكلها وحش اوى ده البيجو ال 504 اللى معايا اقيم منها....
بفكر اشترى الميجان قسط هو التوكيل بيقسط زى وجيه اباظه؟؟؟
-
السلام عليكم.
الحقيقه لي رأي بس في موضوع الانسر الشكل القديم مش هاقول حلوه او وحشه لئن مش انا اللي هاقيم ده وهي عربيه موجوده في السوق من سنوات ولا جدال ابدا ان انتشارها الواسع ده دليل على انها عربيه محترمه بس التعقيب اللي عاوز اقوله هو ان دلوقتي بعد نزول الشكل الجديد منها انا لو مكان حضرتك واشتريت الشكل القديم مش هاحس اني جبت عربيه جديده مش عارف ليه لكن طبعاً ده ميول شخصيه ورأي شخصي.
لو حضرتك تقدر تعمل تست درايف للسيراتو جربها الناس بتشكر فيها كتير خصوصاً بعد ما مشاكل التوكيل اتحلت وراح الوكاله لنصير وكيل رينو زي ما احمد باشا قال بالظبط .
مش عارف ممكن نرشح ايه تاني في الفئه دي ممكن الصني تحت ال 100 برضه وفيه هوندا سيتي وفي ياريس طبعاً من تويوتا .. على حسب حضرتك حابب ايه اكتر ونفسك في ايه.
-
انا تاعبكو معايا يا جماعه بس بجد بحس انكو اخواتى وبستفيد منكم...
1-هل توكيل الرينو بيقسط زى وجيه اباظه على سنتين
2-ان شاء الله هشوف السيراتو فعلا لأن امكانيتها بالنسبه للسعر ممتازه(كل تحفظى على شكلها)
3-الاوبترا حلوه برضه بس انا عندى مشكله مع شعار شيفروليه (لوجو الشركه)
4- الياريس من العربيات اللى هروح اشوفها من جوه صغيره ولا عامله ايه سمعت انها مش مريحه
-
يا باشا مفيش تعب ولا حاجه والله احنا فعلاً كلنا اخوات والله هنا واسره واحده الحمد لله.
اعتقد رينو بيقسط بالتعاون مع بركليز متهيألي لئن في مندوب للبنك هناك في فرع العبور ليه مكتب هناك دائم فا اكيد هو اللي مسؤول عن التقسيط وعموماً للتأكد حضرتك اتصل بي 16202 واسألهم افضل وانا والله لو في القاهره كنت اتصلت اتأكدت لحضرتك بس للأسف الرقم ده للقاهره والاسكندريه فقط :oops:.
ربنا يوفق حضرتك وطمنا عليك دايما ان شاء الله .
تحياتي أخي الكريم,,,,,,,
-
توكيل رينو اللى فى اسكندريه فين بالظبط؟؟
Content Relevant URLs by
vBSEO 3.6.0 PL2