-
هيونداى اكسيل
السلام عليكم
كل سنة وانتوا طيبين ورمضان كريم
دلوقتى انا كنت بتفرج على عربية هيونداى اكسيل لون نبيتى كنت بتفرج عليها علشان اشتريها
المهم العربية مغيره وش جديد واصدامات وواخده وش بوهيه زيرو لسه جديد
طبعا شغلت العربية لقيتها ناعمه وكويسه ولقيت مكتوب عند الابواب ( هيونداى موتورز ) هل دا معناه ان هى كورى
ولقيت الكماليات كلها شغاله
واول ما جيت اشغل التكييف لقيته اشتغل والسلانسيه بقى عالى والكمبروسر والمروحة اشتغلت واشتغل تمام وطلع هواء ساقع وفجأه لقيت الكمبروسر بيفصل ويشتغل ويفصل ويشتغل :crying2:
المهم العربية عجبانى ومطلوب فيها 36 الف جنيه يعنى 35 من الاخر بس هقايض بالبيجو ال 505
هل اتوكل على الله يارجاله وهل قطع غيارها كويسه اصل من اسباب انى عايز ابيع البيجو ان قطع غيارها اغلى من الميتسوبيشى والتويوتا فهل دى اقتصادية وقطع غيارها تمام ولا ابعد عنها
ثانيا هو كدا التكييف باااااااااايظ ولا ايه
ياريت الافاده بسرعه اصل رايح بعد بكره ابص تانى عليها واجربها بقا ان شاء الله
ورمضان كريم :vctry:
-
أخي الكريم
الأكسيل من العربيات الكويسة جدا و هيا صناعة كورية 100% و منها سيارات بمواصفات أمريكية كمان
بالنسبة للسعر مش هاقدر افيدك لأن ماعنديش فكرة عن الاسعار أوي و أن شاء الله الأخوة نجوم هيونداي و مالكي الاكسيل يقدروا يفيدوك
ممكن تدخل علي الرابط ده يمكن تلاقي أجابة لبعض أسئلتك :
http://www.nilemotors.net/Nile/26508...post3874442687
و كل سنة و أنت طيب و رمضان كريم
-
عربيه كويسه بس مش بتاعت بهدله
-
شكر ليكم ياجماعه على الرد السريع ومستنى وحوش الاكسيل يفيدونى
-
السعر معقول بس ينزل شوية
اما بالنسبة للكمبورسور فكده بالسلامة يتغير
المهم انك تكشف على الدايرة بتاعت التكييف كاملة لانها معقدة شوية
بس هي عربية محترمة وبياعه
المهم نزل في السعر واكشف على التكييف
Content Relevant URLs by
vBSEO 3.6.0 PL2