عاجل : انا كشفت علي رينو ميجان وفيها المشاكل دي ........ محتاج رأيكم سريعاً
السلام عليكم ورحمة الله وبركاته
أنا كشفت علي عربية رينو ميجان 2007 (مواصفات خليجي) الفئة الثانية (بدون فتحة سقف و مثبت سرعة) - عداد الكيلوميتر 69000 ، فابريكية بالكامل ، عاملة صيانات في التوكيل وخصوصا صيانة الـ60 ألف ، كشفت عليها النهاردة في الميكانيكون العرب و لاقيت فيها المشاكل دي:
1- علبة دريسكسيون ( ممكن امشي بيها كمان 20 ألف وسعرها بالمصناعية 3650 جنية)
2- بطاحة مساعد شمال (مصقطوعة تماماً وسعرها 1150 بالمصنعية)
3-قاعدة فتيس (سعرها 315 جنية)
4-مساعد امامي شمال بعد الفك(770 جنية)
5- ترشيح زيت في البداية من المساعدين الخلفيين (لم يسعر عشان لسه في البداية)
6-كوتشة كوبلين خارجي يمين(510 جنية بالمصنعية)
7-كوبلين يمين بعد الفك (لو الوكتشة لم تصلح في ايقاف التلييك - سعر الكوبلن بالمصنعية 2950)
8- عدد 2 جنط خلفي يجب استعدالها (لم يسعر)
9- بلية عجل امامي شمال (750 جنية بالمصنيعة)
- بالنسبة للدهان ، العربية فابريكية مافيشها اي رش
انا مش عارف احكم علي العربية هل هي حالتها كدة كويسه والحاجات دي بسيطة ، مع ان قطع غيار الميجان طلعت غالية جدا فوق ما كنت متخيل .......... محتاج رأيكم عشان لازم اخد قرار سريعاً ، انا وصلت لمبلغ 67 ألف .... هل دا كتير عليها بالمشاكل اللي فيها ، وهل هافضل ادفع المبالغ الكبيرة دي في المستقبل ........ انا فعلاً محتار