ازاى اروح من حدائق القبه الى شبرا الخيمه ؟ والى المظلات ؟

**mxz911** · 21-07-2012 06:20 PM

السلام عليكم

عاوز اروح من حدائق القبه الى شبرا الخيمه .. انا رحت مره زمان عن طريق رمسيس . احمد حلمى ومشيت على طول ف طريق بنها وطلعت كوبرى نزلت يمين بس ناسى الطريق
واحد صاحبى بيقولى فى طريق اقرب من كده راحه مره بتاكسى والمسافه كانت صغيره ..

و طريق اخر عاوز اروح للمظلات برضه من حدائق القبه عاوز اروح عند المترو المظلات

المشوارين ب عربيتى وليس مواصلات

شكرا لكم

**Ashraf A.Kader** · 21-07-2012 06:50 PM

كل سنة وحضرتك طيب
حضرتك تمشي في الشارع المتجه الي شارع بورسعيد (اسفل كوبري الفنجري) وبعد ذلك تطلع الكوبري في الطلعة المتجهة الي الزاوية الحمراء ثم النزول في شارع ترعة الجمل وبعد حوالي 500 متر كوبري اخر الي شارع الخلفاوي ثم يمين الي المظلات

طريق اخر
حضرتك تاخد شارع القصر الجمهوري حتي شارع السواح وتمشي شارع السواح في اتجاه شارع بورسعيد حتي تصله ثم الاتجاه يمينا بجانب كوبري مسطرد (لا تصعد الكوبري) ثم شمال اسفل الكوبري الي شارع ترعة الاسماعيلية حتي تصل مرور شبرا بعبود ثم تنزل النفق واخر الشارع الي اليمين تبقي في المظلات

**mxz911** · 28-07-2012 06:40 PM

شكرا جزيلا لحضرتك

انا مشيت من الميدان يمين كأنى رايح اول الزاويه و اى كوبرى قابلته طلعته .. غايت ما وصلت شارع حيوى كده معرفش كان اعتقد الخلفاوى المنطقه بعدها اتجهت يمين وطلعت كوبرى ونزلت كنت ف الحته اللى عاوز اروحها وشكرا للمساعده