الموضوع: يوم لما الحلم يتحقق يحصلي كدا "الحمد لله"

كل سنه وانتم طيبين جميعا
انا كان عندي حلم مش الي هو امتلك قصر او فيلا او سياره فارهه الحمد لله ربنا رضينا
انا كل حلمي ان امشي برحتي وفعلا بقالي اكتر من اسبوع مبحرقش علي غيارات بعد لما كنت بمشي اولاني 50 تاني 80 التالت 110-120 وبعد كدا مش ببص علي العداد وطبعا بيكون الار بي ام بالمنظر دا بظبط وولدي كانت الناس بتحكيله عني قصص وحوداتيت زي ما يكونو بيتكلمو عن واحد جي من كوكب تاني
والله العظيم انا الناس بتقولي انت عايز طياره تجري بيها في السما لوحدك والحمد لله عمري ما حكيت العربيه
ربنا هداني وولدي جبلي شاهين مكان عربيتي القديمه والشاهين بطبعته بيجري بس علي قده شوية قولت احترم نفسي ودي فرصه ان امشي برحتي
المهم فضلت ماشي بالعربيه بنقل علي ار بي ام 2.5 ويمكن ساعات كنت بنقل علي 2 ومش بزود عن 100 لما يكون طريق مفتوح بمعني الكلمه
من فتره كنت راكن في Parking ورجعت لقيت الشنطه واحد مريح عليها تريحه محترمه
روحت للسمكري بتاعي قالي متحملش هم حاجه
وفعلا ولدي قالي مش مشكله مدام هي اتخبطت وهي واقفه
مسكت العربيه النهارده بعد لما خلصت سمكره ودهان وقولت اغسلها بقئ دي عفنت من جوه طلعت الستاير والدواسات وبالمكنسه وغسلت الطبلوه خليتو يلمع وحطيت عليه ملمع وغسلت العربيه من بره خليتها بسم الله ما شاء الله حاجه تفرح وظبط الموتور بنفسي كان في تاكيه عايز يتظبط عملته وكان كهربتها عيزه تتظبط عملتها
وخرجت اروح للميكانيكي يشيك علي الي عملته وفعلا وصلت للميكانيكي وقالي تمام تسلم ايدك
وخلاص طالع من عنده واذا بعربيه اوبل موديل حاجه وسبعين وطااااااااااااااخ في الرفر الخلفي بعد لما كنت واخد شور وخارج منه بغني ولبست وخرجت بقي شكلي كدا
نزلت يا عم ابوس رجلك مش شايف العربيه وكأن عمك الحاج دا ضارب صيدليه برشام بيبصلي بيقولي نعم قولتله الله ينعم عليك حلك عندي يا برنس
سحبت الشومه وبجري واره في الشارع الناس مسكتني هدتني وخلاص واحنا في رمضان وكل سنه وانت طيب وخلاص يا بيه هتودي نفسك في عشانه قولتله اروح في دهيه دا انا هكسره واسحبه علي القسم ومخرجوش منه تاني خلاص يا باشا والميكانيكي قالي عندي دي يا بحميد مشيت وفي الاخر مشيت وسكت
روحت ازود الكوتش واجيب واحده بدل الي باظت في اعمال السمكره كان الخمسه جداد واحده انفجرت
ودخلت المحل اتفرج سمعت صووووت حكه كدا طلعت ابص لقيت واحد داخل ببوز عربيته في الرفر اليمين قدام ورا الفنوس علي طول افهم دي كلها ومش شايفها ولي دي هتعديك دانت لو حاكك الاكصدام هقولك فكر انها تعديه انما دا انت داخل في الرفر
قالي انا مش عارف ايه الي عملته وانا تحت امرك عايز اسمكرها وارشها قولتله رمضان كريم وانا بنفخ
وركنت العربيه وسبتها حاسس ان هخلص فطار هلقيها ولعت
السؤال هنا
هو دا عشان انا احترمت نفسي وبمشي برحتي وايه بظبط؟؟؟
معلش طولت عليكم بس انا بجد جبت اخر