تجربتي مع فيكترا b 1.6 مواصفات الماني مستورده
بسم الله الرحمن الرحيم
تجربتي مع الفيكترا الاستيراد وليس منصور الفيكترا الاستيراد طبعا مختلفه اختلاف تام عن فيكترا منصور فعندك المواصفات مختلفه وتحس ان ايضا الخامات في التصنيع مختلفه
1: الموتور الايكوتك ال 1600 اقتصادي جدا في البنزين يعني كانتا بتعمل حوالي 300 في ال20 لتر وده شي مميز جدا لمواتير ايكوتك انما مواتير الجي ام ديه بتاكل بنزين لان طبعا الماتور الكلابليتير غير اقتصادي او بياكل بنزين عن الماتور الايكوتك
2: الفرش بتاع العربيه مختلف فتلاقي الاستيراد الاغلبيه لونه اسود سواء للطبلوه او الارضيه وتحس ان الخامات اللي معمول منها الفرش مختلفه عن الخامات اللي في منصور
3:بيكون في الاستيراد خراطيم التكييف بعيده عن الشكمان بعكس المصري المواسير قريبه وده شي غبي جدا في سيارات منصور
4: علبه الشكمان الخلفيه مختلفه وشكلها احسن من اللي في المصري
5: بيبقي في الاستيراد ايرباج وده شي جميل جدا وامان للسائق واللي راكب معاه وفي المواصفات الالماني بالذات بيبقي فيها 4 ايرباج مش 2
6: تحكم في الكاسيت من الطاره وده شي جميل جدا
7: الكاسيت بيعلي لوحده لو انتا فاتح الزجاج مع السرعه وتحس كده ان العربيه بتفهم
8 : تقفيل العربيه مختلف تحس كده ان في ضمير في الصناعه انما عربيات منصور تحس ان في كروته
9: سرعة السياره وسحبها وقوتها مختلفه جدا بين الموتور الايكوتك والموتور الجي ام وفي فرق طبعا لان الايكوتك 2 كامه والعربيه الفكترا عربيه كبيره وثقيله والموتور الجي ام ده مش اللي هوا بالنسبه للعربيه
والله الكلام ده عن تجربة السيارتين
العربيه ديه علي فكره انا كنت مشتريها من واحد جاري كان جايبها معوقين
والله انا حاسس ان منصور ده هوا اللي مسوء سمعة اوبل في مصر
_______________________________________________
كن فى الحياه كعابر سبيل واترك ورائك كل اثر جميل فما نحن فى الدنيا الإ ضيوف وما على الضيف الإ الرحيل
