الموضوع: هل ستستخدم هوندا محركات هيونداي ؟؟

المشاركة الأصلية كتبت بواسطة semsem kane

تمام ياباشا

طيب انا طولى 190 سم , اكيد اى عربية بالنسبالى او بالنسبة لاى حد من اول طول 185 هيكون الحكم اصح على اذا كانت العربية واسعة او ضيقة , فعشان كدة اعتقد الاشخاص اللى طولهم 185 سم فيما فوق هو اللى يقدر يحدد اذا كانت العربية واسعة او ضيقة
زى بالظبط الرفيع والمليان , اكيد لو ثلاثة رفيعين قعدوا ورا هيبقى الدنيا براح بالنسبالهم لكن لو ثلاثة مليانين اكيد هيبقى الوضع غير مريح بالنسبالهم

ياريت اكون قدرت اوصلك انا عايز اقولك اية ؟؟؟؟؟؟

تمام مختلفناش ، بس مفيش عربية في الفئة دي اصلا فيها مساحة مريحة لواحد 190 سم قدام وورا لازم تضحي بحاجة من اتنين ، يعني لو انت قعدت قدان مثلا مفيش حد طولك يقدر يقعد وراك مرتاح في اي عربية في الفئة دي ، فكده بالنسبة لك كل العربيات ضيقة ، انما الالنترا بالنسبة لي واسعة من عربيات كتير ، واوسع كمان من الباسات القديمة او نفس المساحة الخلفية ( مساحة رجل وكتف )

المشاركة الأصلية كتبت بواسطة ابو ليلى

تعبتو عنيا وانا نظرى على قدى
يا سمسم كل سنة وانت طيب انت خلصت عندنا وفتحت فرع ليك هنا
بشمهندس سمير كل سنة وانت طيب لو فضلت تتكلم للصبح مفيش فايدة
الهوندا هتفضل اسم كبير وليه تاريخ عريق بس احنا فى عصر لا يعترف بالتاريخ
بيعترف بالحاضر والمستقبل
من الاخر الكورى جى وبسرعة وعلى الاخرين ان يطور من انفسهم

أستاذ / وائل

كل سنة و أنت طيب

فعلا العالم لايعترف بالتاريخ فقط و لكن يعترف أيضا بالحاضر و المستقبل الذي بالفعل اصبحا لدول شرق اسيا أو مايعرف بالنمور الاسيوية و منهم بالطبع كوريا

اما أصحاب التاريخ و العراقة و الاصالة .... فدول بقي عاملين زي اللي بيقولوا أحنا بنينا الأهرامات من 7000 سنة و وقفوا علي كده
برضه البعض من المتحيزين تحيزا اعمي لبعض الموديلات التي أنتجت سيارات ناجحة فعلا و بشهادة الجميع فلايرون ان هذه الشركات اليابانية و الاوروبية أيضا قد أكتفت بتصنيع سيارات متقدمة منذ سنوات و لم تقدم جديدا أو تطورا ملموسا كما يفعل الكوريون الان

حلاصة الموضوع علشان فعلا زي ما انت بتقول مافيش فايدة و ده برضه اللي عنوان الموضوع بيقوله :

شمس كوريا تشرق
و نجم اليابان يأفل