اقتباس:
المشاركة الأصلية كتبت بواسطة android
عربية رائعة وشغل عالى وشكلك صارف عليها وواخده شغل كتير منك
ربنا يباركلك فيها وتبيعها باحسن سعر
بس كان ليا سؤال كده عا الماشي
المرايات الى راكبه دي مرايات ايه ؟ يا ريت نوع المرايا بالتفصيل عشان عايز اركب زيها ؟ ويا ترى معدل حاجه في الباب عشان تركب ولا راكبه ازاى؟ والشغل الى في الفوانيس ده انت الى عامله ولا ايه القصه؟
معلش بتقل عليك سامحنى
شكراً كتير ياباشا على ذوقك
وأسعدنى ردك بجد
أما بالنسبة للمرايات فأنا اللى عاملها عمولة بليدات عمولة موصلة على جهاز صغير كده بيخليها ترعش كده زى الفلاشر بتاع الموبيل " مش زى الإنتظار " ، وبالنسبة للتوصيل فعادى بفردتين سلك معدية من جوه الباب طالعة على الفلاشر بتاع العربية فى الطابلوه ، وهى أعتقد مرايات تيوتا كرولا تسعينات
أما الفانوس فهو عمولة بارضو ، وفيه ناس كتيرة بتعدله ، عندك وائل عوف فى الحرفيين والفنجرى ، ومامادو ، و كتير من مراكز التعديل على الفوانيس وهى حاجة ساهلة مش صعبة ومابتاخدش وقت
لكن الفانوس ده انا اللى عامله وكل اللى اشتريته هو وش شفاف وحبة ليدات وشرايح وعمود أكريلك وكل ده انا عرفته من المنتدى هنا من مواضيع كتيرة
تحياتى ليك وأى أستفسار أنا فى الخدمة
ويريت تشوفلى شارى :)