Elantra 2008 برجاء الاهتمام

لو سمحتوا أنا ليا استفسار ,,, قدامي عربية النترا 2008 ماشية 86000كم اوتوماتيك اول فئة و وصلت مع البائع لـ 76500جم العربية فبريكا جوا و برة و الراجل مهتم بيها , يعني حالتها المبدئية كويسة بس انا لسة ماجربتهاش او رفعتها . المهم امبارح شوفت عربية تانية بس جنوت 16 و تكيف تاتش ركبت العربية مع الراجل و الاقي العفشة بتهبد العربية , لما سألتوا قال ان دة حال كل ال جنوت ال 16 .
هل الكلام دة صح ؟؟ مع العلم العربية الاولي طاسات و متهايألي 15 , هل كل النترا الموديل دة العفشة وحشة فية ؟؟؟ و هل سعر السيارة الاولي مناسب؟؟ و هل ممكن اجيب عربية افضل من الانترا في حدود السعر دة؟؟
شكرا و اسف علي الاطالة.

تسعير السيارات المستعملة شريف وهبه
دية صحفة على الفيس بوك اشترك فيها و اكتب كل الموصفات العربية و هو هقول لحضريتك السعر المناسب للعربية دية
دة عن تجربة

بالنسبة للتسعير فعلاً ادخل على الفيس واكتب شريف وهبة تسعير السيارات
او ادخل على منتدى البيع والشراء هنا فى نايل موتورز وهتلاقى موضوع بالاستاذ شريف وهبه
بتسيب مشاركة وهو بيرد عليك بالسعر المظبوط
بالنسبة للعفشة اللى بتهبد مع الجنوط ال16 الكلام دة غير صحيح بالمرة ولا حتى مع الجنوط ال17
سيبك من العربية دى خالص لان دة كلام مش مظبوط بالمرة
بالتوفيق ان شاء الله وصلى صلاة استخارة علشان ربنا يكتبلك الاحسن

اقتباس:

---

المشاركة الأصلية كتبت بواسطة mic mic mic

لو سمحتوا أنا ليا استفسار ,,, قدامي عربية النترا 2008 ماشية 86000كم اوتوماتيك اول فئة و وصلت مع البائع لـ 76500جم العربية فبريكا جوا و برة و الراجل مهتم بيها , يعني حالتها المبدئية كويسة بس انا لسة ماجربتهاش او رفعتها . المهم امبارح شوفت عربية تانية بس جنوت 16 و تكيف تاتش ركبت العربية مع الراجل و الاقي العفشة بتهبد العربية , لما سألتوا قال ان دة حال كل ال جنوت ال 16 .
هل الكلام دة صح ؟؟ مع العلم العربية الاولي طاسات و متهايألي 15 , هل كل النترا الموديل دة العفشة وحشة فية ؟؟؟ و هل سعر السيارة الاولي مناسب؟؟ و هل ممكن اجيب عربية افضل من الانترا في حدود السعر دة؟؟
شكرا و اسف علي الاطالة.

---

نصيحة مني و من مجرب بطريقة عملية ...

و انت بتشتري اي عربية مستعملة دور على الخليجي منها و ابعد تماااااااااااااما

عن المصري مهما كانت كمالياته فهو برضه اقل من المصري بمراااااااااحل متفاوتة ...

انا كان معايا المبلغ بتاعك تقريبا او اقل 1000 ج في شهر 5 اللي فات و الحمد لله صاحب

معرض نصحني اركب ماتريكس خليجي لما عرف اني بشتم في الماتريكس 2006 اللي معانا

من حيث انها عربية تقفيل زبالة بمعنى الكلمة و عفشة بتخبط من ورا لان الجزء الخلفي في الماتريكس

فاضي كما هو معروف فتحس انها عفشة خفيفة فضلا عن عدم الثبات في مطبات الهوا ...

المهم ... سمعت كلامه و دخلت على موقع كنتاكت كارز قسم المستعمل في الماتريكس الخليجي

و وقعت واحده حالة شاذه من بره و جوه و اول يد و رخصة ل2014 و اتصدمت لما شوفت الحاجات

اللي هبور " غبور " شايلها من المصري !!!!!!!!!!!!!!!!!!!

و طبعا علشان معانا 2006 مصري فحافظ الفروقات مقارنة ب 2006 الخليجي اللي جبتها ..

مبدأيا الخليجي : فتحة سقف _ سبويلر خلفي _ مساحة خلفية _ تكييف خليجي جباااااااااااار جدا

ماشاء الله " و انسى اي حد يقولك ما تكييف المصري معايا حلو اهو " _ كرسي السائق بمخدع

و 2 بكره هيدروليكي لتغيير وضعية الكرسي _ دراع في جنب ضهر كرسي السائق لنفخه او تفريغه

من الاسفنج حسب ارتياح نهاية عمودك الفقري _ مخدع خلفي في الكنبة به 2 حامل كوباية _ ريموت

اصلي كوري مختلف عن المصري و به فصل كهرباء السيارة منعا من سرقتها و لو بالمفتاح الاصلي _

و جود اباجورة امامية مع زراير فتحة السقف مقسمة لاضائتين تفتح كل جنب لوحده _ بعد نزع المفتاح

من الكونتاك تظل كهرباء في السيارة لقفل الزجاج المفتوح بها ان نسيت _ مع فتح السيارة بالريموت

يضاء الصالون بالكامل بالاضافة لدائرة خضراء حول الكونتاك لتراه في الظلام _ ماكنة الخليجي غير تماما

عن غبور المصري حيث ان غبور اعتمد ماكنة الفيرنا والماتريكس واحده !!!!!!!!

عند نزولك من السيارة و ان كان الموتور ما زال ساخنا لا تنطفيء مروحة التبريد الا بعد تبريد المحرك

كما يحدث في الاسكودا و الالماني !!!!! و ده طبعا مش موجود في الكوري او الياباني !!!!!!!

بص انا مش عارف احصر ايه كمان بس ده اللي فاكره و و الله بتعامل معاها كاني معايا موبايل جديد

و كل يوم بكتشف اوبشن جديد مع نفسي ... طب استنى افتكرت حاجة كمان :

السنتر بتاعها بيقفل اتوماتيك بعد ال 45 من السرعة و استحالة لو العربية معدية السرعه دي

حد من العيال يعرف يفتح الباب او السنتر يعني !!!!!!!!!!!!!!!!!

فنصيحة من مجررررررررررب ربنا يبارك لك و فكر في اي موديل انت عاوزه بس خليجي خليجي خليجي

و كمان اخويا كان جاي اجازة من السعودية فلما شافها قالي تصور اني شوفت دكتور زميلنا في السعودية جاب ماتريكس اول ما نزل السعودية فما اتكلمتش معاه و قلت جايز جاي من مصر متأثر بالسوق المصري ؟؟؟ بس دلوقت انا عرفت هو مستمتع ازاي !!!!! و كان صعبان عليا علشان تكييفها مش هياكل معاه في حر الخليج و اتاري التكييف قصة تانية لوحده غير المصررررررررررررري !!!!!!!!!!

اقتباس:

---

المشاركة الأصلية كتبت بواسطة seri0us

نصيحة مني و من مجرب بطريقة عملية ...

و انت بتشتري اي عربية مستعملة دور على الخليجي منها و ابعد تماااااااااااااما

عن المصري مهما كانت كمالياته فهو برضه اقل من المصري بمراااااااااحل متفاوتة ...

انا كان معايا المبلغ بتاعك تقريبا او اقل 1000 ج في شهر 5 اللي فات و الحمد لله صاحب

معرض نصحني اركب ماتريكس خليجي لما عرف اني بشتم في الماتريكس 2006 اللي معانا

من حيث انها عربية تقفيل زبالة بمعنى الكلمة و عفشة بتخبط من ورا لان الجزء الخلفي في الماتريكس

فاضي كما هو معروف فتحس انها عفشة خفيفة فضلا عن عدم الثبات في مطبات الهوا ...

المهم ... سمعت كلامه و دخلت على موقع كنتاكت كارز قسم المستعمل في الماتريكس الخليجي

و وقعت واحده حالة شاذه من بره و جوه و اول يد و رخصة ل2014 و اتصدمت لما شوفت الحاجات

اللي هبور " غبور " شايلها من المصري !!!!!!!!!!!!!!!!!!!

و طبعا علشان معانا 2006 مصري فحافظ الفروقات مقارنة ب 2006 الخليجي اللي جبتها ..

مبدأيا الخليجي : فتحة سقف _ سبويلر خلفي _ مساحة خلفية _ تكييف خليجي جباااااااااااار جدا

ماشاء الله " و انسى اي حد يقولك ما تكييف المصري معايا حلو اهو " _ كرسي السائق بمخدع

و 2 بكره هيدروليكي لتغيير وضعية الكرسي _ دراع في جنب ضهر كرسي السائق لنفخه او تفريغه

من الاسفنج حسب ارتياح نهاية عمودك الفقري _ مخدع خلفي في الكنبة به 2 حامل كوباية _ ريموت

اصلي كوري مختلف عن المصري و به فصل كهرباء السيارة منعا من سرقتها و لو بالمفتاح الاصلي _

و جود اباجورة امامية مع زراير فتحة السقف مقسمة لاضائتين تفتح كل جنب لوحده _ بعد نزع المفتاح

من الكونتاك تظل كهرباء في السيارة لقفل الزجاج المفتوح بها ان نسيت _ مع فتح السيارة بالريموت

يضاء الصالون بالكامل بالاضافة لدائرة خضراء حول الكونتاك لتراه في الظلام _ ماكنة الخليجي غير تماما

عن غبور المصري حيث ان غبور اعتمد ماكنة الفيرنا والماتريكس واحده !!!!!!!!

عند نزولك من السيارة و ان كان الموتور ما زال ساخنا لا تنطفيء مروحة التبريد الا بعد تبريد المحرك

كما يحدث في الاسكودا و الالماني !!!!! و ده طبعا مش موجود في الكوري او الياباني !!!!!!!

بص انا مش عارف احصر ايه كمان بس ده اللي فاكره و و الله بتعامل معاها كاني معايا موبايل جديد

و كل يوم بكتشف اوبشن جديد مع نفسي ... طب استنى افتكرت حاجة كمان :

السنتر بتاعها بيقفل اتوماتيك بعد ال 45 من السرعة و استحالة لو العربية معدية السرعه دي

حد من العيال يعرف يفتح الباب او السنتر يعني !!!!!!!!!!!!!!!!!

فنصيحة من مجررررررررررب ربنا يبارك لك و فكر في اي موديل انت عاوزه بس خليجي خليجي خليجي

و كمان اخويا كان جاي اجازة من السعودية فلما شافها قالي تصور اني شوفت دكتور زميلنا في السعودية جاب ماتريكس اول ما نزل السعودية فما اتكلمتش معاه و قلت جايز جاي من مصر متأثر بالسوق المصري ؟؟؟ بس دلوقت انا عرفت هو مستمتع ازاي !!!!! و كان صعبان عليا علشان تكييفها مش هياكل معاه في حر الخليج و اتاري التكييف قصة تانية لوحده غير المصررررررررررررري !!!!!!!!!!

---

مبروك عليك

بس جبتها بكام ؟؟

والموتور بتعها قطع غياره حتجبها منين اذا كان مش زى الماتركس المصرى؟؟

شكرا علي الاهتمام بالرد. و مبروك الماتركس
بس انا مش فارق معايا كل الوبشنس الجميلة دية , انا اللي فارق معايا انها تكون اوتوماتيك لأني تعبت من المنوال, علي العموم كل شئ بثمنوا , يعني الاوبشنس اللي حضرتك قولتاها ليها ثمن و انا ميزانيتي مش اكتر من 78000جم
ارجوا افادتي هيا الالنترا 2008 وكيل (( مش جنوط 16 )) عادية , حلوة ولا لا ؟ و هل عفشتها كويسة؟
و شكرا

اقتباس:

---

المشاركة الأصلية كتبت بواسطة mic mic mic

شكرا علي الاهتمام بالرد. و مبروك الماتركس
بس انا مش فارق معايا كل الوبشنس الجميلة دية , انا اللي فارق معايا انها تكون اوتوماتيك لأني تعبت من المنوال, علي العموم كل شئ بثمنوا , يعني الاوبشنس اللي حضرتك قولتاها ليها ثمن و انا ميزانيتي مش اكتر من 78000جم
ارجوا افادتي هيا الالنترا 2008 وكيل (( مش جنوط 16 )) عادية , حلوة ولا لا ؟ و هل عفشتها كويسة؟
و شكرا

---

انا جبتها من على كونتاكت كارز ب 74500 ج بس !!!!!!!

و خلي بالك فوق كل الاوبشانات دي اوعى تفتكر ان فرق الفلوس بين المصري و الخليجي في الاوبشانات ؟؟؟ لالالالالالالا

الفرق في التقفيل و جودة عزل الكابينة عن صوت الكلاكس و المحرك بالاضافة لجودة البوية او الطلاء الخليجي و ايضا العفشة اكثر من راااااااااائعة ...

اقتباس:

---

المشاركة الأصلية كتبت بواسطة hossam_elwani

مبروك عليك

بس جبتها بكام ؟؟

والموتور بتعها قطع غياره حتجبها منين اذا كان مش زى الماتركس المصرى؟؟

---

جبتها من على كونتاكت كارز ب 74500 ج بس !!!!!!

الحمد لله ليها كل قطع غيارها لانك اساسا البائع لما بطلب اي حاجة فيها اول حاجة بيقولي مصري ولا خليجي ؟؟؟ و يديني الخليجي ...

و كمان جوز اختي معاه النترا 2009 خليجي غبور عامل بعض التوكيلات او مراكز الصيانة متخصصة بس في الخليجي زي مركز الصيانة اللي على طريق طنطا ...

فغالبا غبور متقبل ان حد يجيب من بره اي هيونداي وهو يقبلها عنده في مراكزه المخصصة للخليجي غير طبعا منصور شيفروليه لما سالت ع الاوبترا الخليجي و اتصلت بخدمة العملاء عندهم قالولي اه في فروقات كتيره عن بتاعتنا بس مش بنصين او نعمل صيانة للخليجي هنا ابدا لان اي اوبترا خليجي صاحبها اللي نازل بيها شخصيا بعكس غبور هو اللي بيستورد لك الخليجي لو عوزته ....

يا جماعة بردو محدش رد علي سؤالي الاساسي , بغض النظر خليجي او مصري,,, الالنترا 2008 حلوة ولا لأ ؟؟ و العفشة عملة اية ؟ و ممكن اجيب عربية مستعملة احسن منها في حدود 74000-78000 جم؟؟
شكراً

سؤال بعيد عن الموضوع هى الماتريكس لسه موجوده و رأيكم فيها ايه ؟ فى مستوى الانترا القديمه ولا اقل ؟

اقتباس:

---

المشاركة الأصلية كتبت بواسطة mic mic mic

يا جماعة بردو محدش رد علي سؤالي الاساسي , بغض النظر خليجي او مصري,,, الالنترا 2008 حلوة ولا لأ ؟؟ و العفشة عملة اية ؟ و ممكن اجيب عربية مستعملة احسن منها في حدود 74000-78000 جم؟؟
شكراً

---

بص يا سيدي الفاضل

الالنترا حلوه جدا و عفشة الهيونداي ناعمة اوي و قطع غيار العفشة كلها موجودة

فمهما لا قدر الله كانت عفشة العربية اللي هتشتريها مش عاجبك حاجة فيها فتغيرها

مش معضل او متعب ..,.

و على فكرة واحد جارنا كان معاه النترا 2008 و باعها و جاب سيراتو زيرو و رجع بعد يومين

جاب الاعلى مواصفات في السيراتو و جنوط اكبر علشان العفشة ما كانتش عاجباه و برضه

بعد 3 ايام رجعها المعرض و خسر 7 الاف جنيه و جاب الالنترا تاني نفس الشكل اللي كان

معاه بس موديل 2009 ....

فما تترددش هي عربية حلوه جدا جدا بس اتاكد من موضوع الباور بتاعها بيفصل بعد ال 100

ولا لاء لانه كان من عيوب الموديل ده الباور بتاعه كهربا و ماكنش بيفصل في بعض العربيات ...

بس برضه لو اتيحت ليك الفرصة تركب الخليجي من الالنترا توكل على الله و لو ماكنش يبقى

نقي مصري حلو و حالته مش متهانة ...

اقتباس:

---

المشاركة الأصلية كتبت بواسطة Medicalist

سؤال بعيد عن الموضوع هى الماتريكس لسه موجوده و رأيكم فيها ايه ؟ فى مستوى الانترا القديمه ولا اقل ؟

---

اه طبعا موجودة و ادخل على قسم المستعمل في كونتاكت كارز و هتلاقي كتير

بس انا من قبل ما اركب الخليجي في الماتريكس و انا مش حابب الماتريكس

المصري نهائيا من اول ما والدتي جبتها سنة 2006 رغم ان في ناس كتيره

حبتها و باعت كتير في السوق بس ده راي شخصي ليا انا ....

بس حضرتك تقصد النترا قديمة اي موديل ؟؟؟ ال 2005 ولا من اول ال 2007 ؟؟؟

و اعتقد ان الالنترا طبعا اشد من الماتريكس لان ماكنة الماتركس مش بتاعت جري

نهائي و متصنفة من العربيات ال mpv زي الكارينز و التريوس و النيسان ليفينا ..

العربية دى على السعر دا كويس من وجة نظرى طالما حالتها ممتازة

بالنسبة للعشفة بقى تعالى للى معاة العربية : عفشة ممتازة جدا وناعمة والعربية بصراحة سعرها فيها جدا ناقصها بس شوية اوبشنز زى السيراتو و البروتون + ثبات فوق ال 120 افضل وحتبقى عربية معدية ...

واعتقد هى افضل عربية فى رنج السعر الى حضرتك كاتبوا

تحياتى ليك ...

شكراً يا رجالة علي الافادة , بأذن الله السبت اللي حاي هجرب العربية و ارفعها في محطة بنزين و هبقا اقول لكم اية الاخبار.
شكراً مرة اخري