الموضوع: ريحة بنزين نيء مش لاقيلها حل

المشاركة الأصلية كتبت بواسطة MMamdouh

غريبة جدا ان فية لانوس 1 فيها بوتنشيوميتر... العربية دى جاية من برة او متسقطلها مكنة؟؟؟

عموما البوتنشيوميتر شغلتة انة يدى قراية ثابتة للكونترول كبديل لحساس الشكمان... الهدف من كدة ان حساس الشكمان يتلغى عشان تقدر تستعمل بنزين معالج بالرصاص

البنزين المعالج بالرصاص بيتلف حساس الشكمان و كذلك علبة البيئة عشان كدة العربيات اللى فيها بوتنشيوميتر مفيهاش علبة بيئة كمان

MMamdouh

1- العربية دي أصلها قوات مسلحة وزي ما قولت إنها موديل 2000 والموديل ده قليل في لانوس 1 ومكانش فيها تكييف ولا باور - وفي فعلا موديل كان بينزل منها من غيرهم - والراجل اللي اشتريتها منه هو اللي مركبلها تكييف وباور.

2- ما هو البنزين المعالج بالرصاص؟!!

3- إيه رأيك في الحل اللي قاله mgalal أنا رأيي إنه أقرب للصواب بس مش عارف إزاي فتحة الحلية كانت ضيقة ماهي طول عمرها زي ما هيه اشمعنى دلوقتي اضيقت، الخلاصة أقول لبتاع الشكمان يعملي إيه من الآخر ؟!!

بص يا باشا
الموضوع بدأ معايا بعد ما غيرت العلبة الخلفية ( الاخيرة) الظاهر ان بتاع الجاكمانات قص حتة من الماسورة اللي جاية من العلبة الوسطي و بعد لما ركب العلبة الجديدة اصبح اخر الزور بتاع الجكمان مش بيعدي الاكصدام و بعديها ركبت حلية ليها فتحات صغيرة دائرية و من النص ليها فتحة كبيرة بس الفتحة الكبيرة دي اصغر من الماسورة اللي جاية من العلبة فلما روحت تاني لبتاع الجكمان قاللي اوسعلك الفتحة بتاعة الحلية بس انا مرضتش و قولتله بس طولي الزور شوية و انا هغير الحلية دي خالص
و فغلا لحم حتة ماسورة صغيرة لغاية ما الزور عدي بره الاكصدام بسنة ضغيرة و محطتش الحلية تاني
وجربت ولقيت الدنيا تمام
دي تجربتي للافادة عشان انا اللي كان بيقعد ورايا وانا سايق كان نفسه بتغم عليه من الريحة بتاعة البنزين فعلا

بعد اذن صاحب الموضوع ولاكن للتشابه في جزء من المشكله انا باشم رائحه احتراق غير كامل فقط عندما اكون في مشوار وانا نازل اشم هذه الرائحه يا تري ايه السبب