ريحة بنزين نيء مش لاقيلها حل
السلام عليكم
كل عام وأنتم بخير.
الأول عربيتي لانوس 1 se موديل 2000 هاف أوبشن.
بيطلع منها ريحة بنزين نيء وبتبان أكتر وأنا سايق على طريق سريع ، رغم إني راجعت على كل الطبب اللي في الشنطة واللي تحت الكنبة الخلفية وكلها تمام وبرضه على هوايات الإكصدام الوراني والريحة بتبان أكتر لما بفتح الشباك.
غيرت البوجيهات وفتر البنزين وفلتر الهواء والرشاشات برشاشات بوش جديدة وحساس الأكسجين وعلبة الشكمان الخلفية.
ورغم كل ذلك ما زالت الرائحة موجودة وإن كانت تقل في بعض الأحيان وأحيانا أخرى تدمع عيناي وأنا سائق.
أرجو الإفادة ، رمضان كريم.