عرض للطباعة
يا هلا بكل الاعضاء. انا محتاج رأيكم في تموين السيارة بتاعتي (تويوتا برادو 2004) اللي نازل بيها اجازة مصر الشهر الجاي ان شاء الله. انا سمعت كلام كتير مفادة ان البنزين عندنا في مصر بيأثر علي السيارة لان كما تعلمون ان البترول في دول الخليج درجة اولي واللي عندنا درجة عاشرة.المهم انا ريحت نفسي وبمون السيارة بنزين 90 عادي عشان لما انزل مصر احط لها السوبر ويكون هو نفسة العادي اللي هنا..فهل الكلام دة صح ولا احط اي نوع بنزين عندنا في مصر وخلاص؟؟
الافضل تحط بنزين 95 لان ده النوع المناسب لسيارات الخليج
ممكن 92 شغال برضو
انما ماتقربش من الـ 90 خالص
وبراحة وانت ماشى بالعربية فى شوارعنا الناعمة الجميلة ( :
تسلم يا شريف باشا علي النصيحة
لا درجة عاشرة و لا حاجة
إذا كان أحنا بنستورد بنزين من الإمارات
و أعتقد أوكتان 95 ........... و أوكتان 92
بس المشكلة مش في البنزين نفسه
المشكلة في محطات البنزين اللي بعضها قديم و تلاقي الخزانات مش نظيفة
و متحاولش تحط للعربية بنزين مش بتاعها علشان مش كويس
خليك في البنزين الموصى به في كتالوج السيارة
و ربنا يوفقك .......... و أجازة سعيدة في شوارع المحروسة
..................... بالوظة و مهلبية .............. تأكل ؟؟؟
تسلم يا عم توت ولو ان بردة انا مصمم ان بنزين مصر درجة عاشرة
ازاى بنستورد البنزين من الامارات اذا كانت الامارات بتصدر البترول الخام وتستورد بنزين السيارات من ايطاليا وباقى مشتقات البترول من الخارج لان معندهمش مصفاه لتكرير البترول .وده كلام الاماراتين نفسهم
انا رأيي أهم حاجة المحطة اللي هتمون منها لأن زي ما قال استاذ توت فيه محطات بتبقي خزاناتها مش نضيفة و فيه محطات بتغش في البنزين جامد و تخلطه بمية او سولار او بنزين 80
الأفضل تمون من محطات "امارات مصر" او "وطنية" التابعة للجيش .. عشان تضمن جودة البنزين و ان البنزين اللي انت حاطه ده هو فعلا الاوكتان اللي مكتوب عالخزان
و اجازة سعيدة إن شاء الله
اقتباس:
المشاركة الأصلية كتبت بواسطة ramylancer
الامارات فيها مصفاه تكرير بترول من سنه 1976 :S
اقتباس:
المشاركة الأصلية كتبت بواسطة ramylancer
شركات إسثتار بارول إماراتية بتبني مصقات بترول في دول كثيرة
كل دول الخليج تقريبا عندهم مصفاة لتكرير البترول و على ما أذكر منهم
السعودية ..... الكويت ..... البحرين ....... الإمارات .....قطر و ممكن يكون عُمان فيها بس أنا مش متأكد
اللي يأكد المعلومة دي برو درايف
أحنا كمان بنستورد مشتقات بترولية كتيرة غير البنزين
و من دول عديدة
بس اللي أنا متأكد منهم
الإمارات ........... ليبيا
بنزين --- جاز ---- لدائن ............ الخ
و شكرا
شكرا يا برو على التوضيحاقتباس:
الامارات فيها مصفاه تكرير بترول من سنه 1976 :
نسبة انضغاط محرك البرادو هي 1:10
فلا بد من استخدام بنزين 95
غير ذلك سوف يحدث اتلافا على المدى البعيد للمحرك
ولله ده كلام الامارتيين ان مفيش غير اماره ابو ظبى اللى فيها بترول وباقى الامارات مبتنتجش بترول وفيه بعض الامارات زى رأس الخيمه وعجمان والشارقه بيستوردوا مشتقات البترول من الخارج لان ابوظبى بتصدر البترول كله