الموضوع: نصيحة بخصوص شراء لوجان اتوماتيك

المشاركة الأصلية كتبت بواسطة alaaosmanakl

الأخوة الافاضل
بعد متابعة لما نشر من معلومات بخصوص اللوجان

احب اعرف نصيحة الاخوة ليه
لأني بصراحة ناوي اشتري لوجان اتوماتيك وخايف !!!!!!!!

مافيش خوف من اى نوع حضرتك لو حتشترى لوجان فهى عربية كويسة ومحترمة ومتجربة
بالنسبة لفئتها

خايف من عدم انتشارها ومن عدم تجربتها زي المانيوال .

اللوجان ال mcv بقالها 4 سنين فى مصر بتنزل بنفس الفتيس ومافيش شكوى حد سمعها

وخايف من الكلام اللي قيل حول نتشة الفتيس وضعف السحب .



وإن قوة الماتور الاتوماتيك لا فرق بينه وبين المانيوال كثيرا .... إلي اخر الكلام .

عارف حضرتك لو كانت نزلت بنفس الموتور بتاع المانيول كانت حتبقى بطة بلدى بجد
لو جيبت اى موديل بينزل بنفس الموتور للمانيول والاوتو حتلاقى ان الاوتو السحب بتاعو اضعف
لكن مع اللوجان السحب متساوى لان الموتور اتغير مع الفتيس ودى ميزة انك حتاخد الموديل الاوتو
بنفس قوة السحب بتاعت المانيول ويمكن افضل مع التكييف وافضل فى السرعات العالية

طبعا المزايا انا عارفها . علشان كده لم اذكرها .

لكن انا في حيرة اخري بين المقارنة بين لوجان اتواماتيك وبين نيسان صني مانيوال أول فئة بدون فرامل abs.
فرق السعر حوالي 8000 جم .

انت حيرتنى انت خايف من اللوجان ومش خايف من الصنى
دى لسة مسلمة اول دفعة من الشكل دة لكن كماركة الصنى طبعا عربية محترمة
بس واجب بردو تراقب اخبارها

هل اصبر شوية واجيب النيسان رغم انها اول فئة وبدون فرامل abs.

ولا اشتري لوجان اتوماتيك بمزايها بمبلغ 80.000 جم
ماذا تنصحوني ؟؟؟؟؟؟؟؟؟؟؟؟ظ

القصة مش موضوع اشترى لوجان وخلاص لان حضرتك حتدفع 80 الف جنيه لازم تكون مقتنع بالعربية اللى حتشتريها
وانا شايف ان حضرتك لسة مش واخد قرارك تريث شوية وتابع شوية العربيات المطروحة
فى نفس الفئة السعرية للوجان والفئة الاخرى للصنى واعطى نفسك مهلة للتفكير
وربنا يرشدك للاختيار الافضل