الموضوع: ترخيص ال 127

المشاركة الأصلية كتبت بواسطة aif

اولا مبروك وربنا يوفقك
ثانيا تاريخ الفحص مكتوب عندك علي الرخصة ( مكتوب السنة بس ) في الوجه اللي علية ماركة السيارة في أسفل الشمال
خلي معاكي فلوس فكة عشان الاكراميات العادية
لو ح تنقلي ملكية باسمك يبقي لازم فحص حتي لو معاده مجاش
لكن لو ح تجددي باسم المالك القديم يبقي الفحص في التاريخ المكتوب في الرخصة ... لو لسة ما جاش يبقي مش مطلوب فحص
نصيحة روحي بدري الصبح يعني قبل 9 تكوني هناك
ح تعملي شهادة مخالفات
وح تجيبي نمازج تجديد تمليها ... خلي معاكي قلم
لو فيه فحص ح تجيبي نمازج فحص
ولو فيه فحص لازم يبقي معاكي طفاية حريق أو تشتريها من هناك
خلي معاكي صورة بطاقتك وصورة التوكيل او عقد البيع
والله المستعان

الحمد لله الفحص لسه معاده سنة 2010 :)

ادعوا لي بالتيسير :)

شوفي يا استاذة علا
حضرتك هتدفعي حوالي ٧٥ جنيه تأمين إجباري (عند أي شركة كلهم زي بعض)
و تدفعي حوالي ١٢٠ جنيه ضريبة
و حوالي ١٥ جنيه نماذج و دمغات
و حوالي ١٠ جنيه فكة لزوم دوسيه كرتون و لزوم الشاي و الذي منه

دي كدة الثوابت ، غير كدة بقى المخالفات (دي بقى انتي و حظك و ربنا يسترها معاكي )، بس دي برد ممكن تعرفيها قبل ما تروحي ، ازاي ؟
ادخلي على بوابة الحكومة الإلكترونية و اكشفي على مخالفتك من واقع بيانات الرخصة و الموقع هو :
http://www.egypt.gov.eg/
و تدخلي على نيابة المرور ( و ممكن كمان تدفعي اونلاين و تجيلك على البيت )

بس كدة هي دي كل قصة الترخيص ، حوالي ٢٢٠ جنيه غير المخالفات
نصيحة أخيرة ممكن تنقلي العربية بإسمك من مرور فيصل إلى مرور عبود و تدفعي رسوم تسجيل و نقل ملكية و القصة دي مش هتكلفك ٢٠٠ - ٣٠٠ جنيه زيادة بحد أقصى و كدة يبقى اشلى ليكي و أقرب .
و ربنا معاكي إن شاء الله

المشاركة الأصلية كتبت بواسطة chihab18

شراء اوراق رالفحص ب 21 جنيه ويشمل نموذج الفحص وفحص الطفايه وفحص العادم و شراء ملف للسيارة ونموذج بيانات كومبيوتر واذن صرف اللوحه
2- الذهاب لمهندس الفحص لرفع بصمه الشاسيه والماتور واذا كان فيها عيب تروح تجيب شهاده بان الدق علي الشاسيه كان بمعرفه قسم المرور السابق
3- فحص الطفايه بشرط الا يكون قد مر عليها خمس سنوات او شراء طفايه جديده ب 95 جنيه واحد كيلو
4- سداد وثيقه التأمين الاجباري سنه واحده بحوالي 97 جنيه
5- تقديم الاوراق لموظف شباك الملاكي مع عدد ثلاث صور بطاقه شخصيه+ شهاده براءةالذمه ( تعطي مجانا من نيابه المرور التابع لها السيارة شرط عدم وجود مخالفات ) بالاضافه الي اوراق سند الملكيه (فاتورة الشراء او عقد البيع المسجل بالشهر العقاري ورخصه السيارة القديمه )
ثم تسدد الرسوم في شبك الخزانه حوالي 295 جنيه( الحد الادني ) لمده عام للسيارة 2000 سي سي موديل ما قبل عام 1985 تقريبا
6-تفك النمر القديمه وتسلمهم لمخزن النمر او الي صادر النمر اذا كانت تابعه لمرور اخر
7- تسلم اذن صرف النمر الجديده وتختار لك نمرة كويسه !!!!
8- بعدها تركب النمر الجديده وتسلم الورق لموظف شباك الملاكي مرة اخري
9- تأخذ استمارة منه تختمها من قسم مباحث المرور بنفس وحده المرور ثم تذهب الي وحده الكومبيوتر لاستخراج الرخصه تسلمهم الورق وتستني الرخصه مع الاستيكر اللي بتلصق علي الزجاج
وخلي بالك الرسوم محدده ومعلنه بشكل ظاهر بس الاجراءات بتأخذ وقت ممكن يوم من الصبح لحد الساعه 2 ظهرا؛فنصيحه لاتزهق والعمليه مش معقده ولكن الناس بتستسهل
ملاحظة اذا اردت تغيير اللون ؛ غير اللون قبل الفحص واثبت الفحص باللون الجديد
اما اذا كنت طلعت الرخصه فتغيير اللون تشتري استمارة فحص اللون ب 10 جنيه وتكون مغير لون السيارة وتفحص لون السيارة ثم تسلم الورق لموظف الشباك وبعدين تطلع علي وحده الكومبيوتر لاستخراج الرخصه

جزاك الله خيرا يا شهاب على الشرح التفصيلي :)

ان شاء الله مافيش فحص :)

المشاركة الأصلية كتبت بواسطة farahat

شوفي يا استاذة علا
حضرتك هتدفعي حوالي ٧٥ جنيه تأمين إجباري (عند أي شركة كلهم زي بعض)
و تدفعي حوالي ١٢٠ جنيه ضريبة
و حوالي ١٥ جنيه نماذج و دمغات
و حوالي ١٠ جنيه فكة لزوم دوسيه كرتون و لزوم الشاي و الذي منه

دي كدة الثوابت ، غير كدة بقى المخالفات (دي بقى انتي و حظك و ربنا يسترها معاكي )، بس دي برد ممكن تعرفيها قبل ما تروحي ، ازاي ؟
ادخلي على بوابة الحكومة الإلكترونية و اكشفي على مخالفتك من واقع بيانات الرخصة و الموقع هو :
http://www.egypt.gov.eg/
و تدخلي على نيابة المرور ( و ممكن كمان تدفعي اونلاين و تجيلك على البيت )

بس كدة هي دي كل قصة الترخيص ، حوالي ٢٢٠ جنيه غير المخالفات
نصيحة أخيرة ممكن تنقلي العربية بإسمك من مرور فيصل إلى مرور عبود و تدفعي رسوم تسجيل و نقل ملكية و القصة دي مش هتكلفك ٢٠٠ - ٣٠٠ جنيه زيادة بحد أقصى و كدة يبقى اشلى ليكي و أقرب .
و ربنا معاكي إن شاء الله

متشكرة جدا جدا على المساعدة :)

يعني ايه تأمين إجباري عند اي شركة؟ يعني هو هايبقى فيه هناك شركات كتير و انا هختار و لا ايه؟

المشاركة الأصلية كتبت بواسطة aif

طمنينا يا علا ...
خلصتي الترخيص ؟؟؟؟؟؟

لا لسه أسبوع تقريبا يا احمد على ما اروح أرخص.. انا بس كنت عايزة آخد فكرة عن الإجراءت قبلها بشوية عشان حوسابي :)

المشاركة الأصلية كتبت بواسطة aif

يعني تأمين مالوش اي لازمة ... لكن لازم نعملة ... اجراءات وبس وما تفرقش اي شركة لها مكتب في المرور ... كله زي بعضه

"كنت حاقولها":)
بالتوفيق يا علا باشا إن شاء الله