بلي العجل الامامي

**ibmtop** · 22-07-2012 04:36 PM

السلام عليكم ورحمة الله وبركاته , كل عام وانتم طيبين

عندي مشكله دلوقتي اني علي السرعات العاليبه بعد 60 كم تقريبا بسمع صوت فظيع لدرجة اني مابسمعش الي قاعد جنبي وهو بيتكلم
انا مخمن انها بيليه العجل اليمين امامي لاني كنت تقريبا من سنه غيرت بلية العجله اليمين الامامي بس شكلها من النوع المضروب

دلوقتي كنت عايز اعرف نوع مضمون اجيبه وياريت السعر كمان
وهل لازم اغير البلي الامامي الاثنين مع بعض ولا الي بايظه بس
وشكرا

**chiko** · 22-07-2012 05:06 PM

skf فقط لا غير

**exact** · 22-07-2012 06:27 PM

اسمع ان فيه حاجة الماني بتاع فولكس تقريبا ب 80

**ibmtop** · 22-07-2012 07:41 PM

طيب ياريت سعر skf ؟؟
واعرف منين انها اصليه؟؟
وهل لازم اغير البليتين مع بعض ولا البايظه بس؟؟

**chiko** · 22-07-2012 08:31 PM

السعر علي حسب المقاس لكنها في حدود 60 او 70 ج و تعرف انها اصليه من العلبه و الحفر الموجود علي البليه .. و يفضل البليتين مع بعض ,, هتحس بفرق رهيب

**windofchange** · 22-07-2012 08:51 PM

المشاركة الأصلية كتبت بواسطة chiko

السعر علي حسب المقاس لكنها في حدود 60 او 70 ج و تعرف انها اصليه من العلبه و الحفر الموجود علي البليه .. و يفضل البليتين مع بعض ,, هتحس بفرق رهيب

فرق في ايه يا شيكو التجميع مثلا العربية هتجمع وتجري اسرع؟

**truss** · 22-07-2012 09:27 PM

بالنسبة للانوس سعر البلية الامامى الواحدة skf فى حدود 110 او اقل حاجة بسيطة, و خلى عفشجى يتأكد الاول ان الصوت جاى من البلى عشان ماتجيبهمش على الفاضى, و يفضل انك تغير الاتنين لو كانوا راكبين بقالهم كتير.

**KarimAbulEla** · 27-07-2012 02:43 AM

من كام يوم العجلة الشمال قفشت جامد لدرجة ان العربية كانت بتطلع شياط من العجلة الامامية شمال و اكتشفت ان السبب هو بلى العجل ، الغريب انى لسه كنت مغير من 9 شهور بلى العجل الامامى يمين و شمال بسبب الاشتباه فى صوت ونة فقط و كان التغيير لاول مرة ( يعنى البلية الاصلية بتاعة الفابريكة قعدت معايا حوالى 7 سنين لغاية لما عملت صوت ، و غيرتها الى skf ب 210 للاتنين من عند ابو الحسن و ركتبهم عند ميكانيكى جمبه اسمه محمد ابراهيم ، و الغريب ان انها لم تدوم طويلا و خلت العجلة تقفش لدرجة انى رفعت العربية على ونش لغاية الميكانيكى ، المرة ديه غيرت البلية التالفة فقط ، ب نوع يابانى ب 80 جنيه هو محفور عليه صنع فى اليابان بالانجليزية بس الله اعلم مدى جودته ، كله بقى زى بعضه ، و الخراط اخد 10 جنيه فى كبس البلية بعد ما اخد وقت فى استخراج التالفة من السرة ، و الميكانيكى خليته يعمل صيانة دورية للعربية بالمرة تغيير سيور و فلاتر و فرامل مع قيامه بفك و تركيب الجانب السفلى للعجلة بغرض ارساله للخراط و اخد 120 جنيه كان اوفر من اروح لواحد تانى مخصوص كان عايز 40 جنيه فقط فى فك و تركيب الجزء الامامى السفلى لتركيب بلى العجل فقط

**chiko** · 27-07-2012 02:54 AM

فيه نقطه مهمه للغايه في تركيب البلي اذا كان وارئ او قدام ... لازم المكيانيكي اللي يركب البلي ما يربطش عليها جامد .. يعني يشد عليها و يروح فكك ربع لفه او نص لفه عشان يسيب مساحه للبلي .. و الا مش هتعيش و هتقفش .. الكلام ده لي اي بليه راكبه علي اكس و وراها مسمار او صمولات رابط ..

**eng.ghost** · 27-07-2012 01:45 PM

الاتنين مع بعض افضل علشان عمرهم الافتراضى يطول

الموضوع: بلي العجل الامامي

LinkBack

أدوات الموضوع

عرض

بلي العجل الامامي - انشر الموضوع فى :

-

-

-

-

المواضيع المتشابهه

رجه فى العجل الامامي

رجه فى العجل الامامي

سخونه العجل الامامي

مشكله في العجل الامامي

العجل الامامي بيسخن جدا

الكلمات الدلالية لهذا الموضوع

المفضلات

المفضلات

ضوابط المشاركة