الموضوع: سوقت هوندا سيفيك 2010 أمبارح وكانت المفاجأة

المشاركة الأصلية كتبت بواسطة ashturbo

رمضان كريم وكل سنة وأنتم طيبين جميعاً ... ما أتعودتش أني أطلب أسوق عربية حد من صحابي علشان ميجيش يقولي طب هات أجرب أنا كمان بصراحة خوف على عربيتي المهم أتهورت وطلبت من واحد صاحبي معاه سيفيك 2010 وعلشان هو عارف أني سائق محترف قالي أتفضل جرب المهم :

المشاركة الأصلية كتبت بواسطة ashturbo

- بفتح باب السيفيك اكتشفت أن فتحت باب الألنترا أفضل وأوسع مش كتير بس أفضل بكل تأكيد .

- ركبت السيفيك ولقيت كرسي السائق ضيق لأبعد حد لدرجة أني شكيت أن يكون الكرسي طالع لقدام ... سألت صاحبي أنت كدة مطلع الكرسي قالي أنا كدة مرجعه ورا طيب ينفع أرجعه للوراء شوية قالي سنة اللي فاضلة ومحدش هيعرف يركب الكرسي اللي وراك .
- ظبطت الكرسي وعلشان أقعد كويس فعلاً نزلت أركب في الكرسي اللي خلف السائق معرفتش أدخل رجلي أصلاً مش أركب ودي كانت مفاجأة بالنسبة لي .

- تابلوة السيارة بارز للأمام بشكل غريب ومبالغ فيه وآكل حته كبيرة من المساحة .

- الخامات عادية مش حاجة فانسي زي ما كتير بيقولوا وفيها بلاستيك في التابلوة ولكنها أفضل بالتأكيد من بلاستيك الألنترا الأرخص .

- المرايات الكهرباء في السيفيك صوتها عالي أوي في الألنترا مفيش صوت أصلاً .

- عزل الألنترا أفضل من السيفيك .

- مكيف السيفيك أفضل من الألنترا خاصة في سرعة التبريد للكراسي الخلفية .

- الكنبة الخلفية ضيقة جداً في السيفيك ماتشيلش 3 أفراد .

- أستجابة دواسة البنزين في السيفيك أفضل من الألنترا .

- سحب وتسارع العربيتين حلو بصراحة .

- الشعور بالثقة أعلى أثناء المنحنيات في السيفيك عن الألنترا ومش فرق كبير أوي يمكن علشان ما أخدتش ملفات جامدة .

- زجاج أوتو داون للسائق فقط في العربيتين .

- أماكن التخزيين في الألنترا أكتر من السيفيك .

- الطارة في الألنترا أحلى وأفضل في الماسكة .

الخلاصة العربيتين دول محترمين بس الألنترا تكسب في الوسع ورا وقدام بفارق كبييييييييير بصراحة ودي صورة العربيتين بالموبايل الجالاكسي الكحيان اللي معايا

المشاركة الأصلية كتبت بواسطة ashturbo

من شوية عملت نفس الحكاية بس بالعكس صاحب السيفيك هو اللي جرب الألنترا بطلب مني علشان نبقى حياديين تماماً وفي نقاط تانية أتكلمنا فيها مكنتش ذكرتها في المشاركة الرئيسية وأنطبعاته كانت كالتالي :

المشاركة الأصلية كتبت بواسطة ashturbo

- ركب العربية وأنا متابعه هو متعود في السيفيك يرجع الكرسي للآخر على فكره هو قصير ورفيع اول لما ركب الألنترا فضل على نفس وضع الكرسي زي ماهو المهم سألته بقى أية نظام القعدة قالي أفضل طبعاً طلبت منه يرجع الكرسي للآخر وينزل يقعد ورا لقى العربية من ورا ممتازة فنزل قالي الوسع محسوم للألنترا .

- شغلنا الكاسيت وعليت لحد 15 بس قالي بس بس النظام الصوتي للألنترا أفضل بمراحل وده شيء واضح للي عاوز يجرب الأتنين ويقولي .

- بالنسبة لتابلوة السيفيك أنا مقولتش وحش هي أذواق يعني بالنسبالي بحب العدادات الكلاسيك العادية ومش هاضم فكرة الديجيتال بحس أني سايق كمبيوتر ولكن ده لا يمنع أنها فكرة جميلة ومتطورة وليها عشاقها وكمان شكلها حلو وأضائتها مبهرة وصاحب السيفيك حابب تابلوه الألنترا وشايف أنه متطور أكتر من الهوندا ولكنه حابب بردوا شكل تابلوه السيفيك .

- العزل أفضل في اللألنترا ( كلام صاحب السيفيك ) .

- العفشة أنعم ومريحة في الألنترا عن السيفيك ودي نقطة انا وهو متفقين عليها .

- الفرامل في السيفيك أفضل لوجود ebd ولكن الأختلاف بسيط ( كل ده كلام صاحب السيفيك ) .

شكرا ياباشا على نقل تجربتك

ياريت ياجماعه مانديش الامور اكبر من حجمها , وكل واحد ليه وجهة نظرة

والمبالغه فى تقدير الامور سواء مدح او ذم بتبقى باينه اوى وشكلها مش حلو

يعنى ان العربيتين ماينفعش يتقارنوا ببعض , دى مبالغه

ان السيفيك احسن من الالنترا او غيرها فى كل حاجه , برضه دى مبالغه مش معقول فى كل حاجه

اكيد كل واحده ليها عيوبها ومميزاتها , وبتتفوق على التانيه فى حاجات وبنسب

يعنى مثلا السيفيك مابتاخدش الملفات على 200 والالنترا بتتقلب على 60

الفروق بين العربيتين مش كبيره اوى للدرجه دى عشان نقول ايش جاب لجاب والكلام دا

والسيفيك طبعا عربيه حلوه بس ليها عيوب زى اى عربيه ممكن واحد يتغاضى عنها ويشوفها احسن عربيه فى الدنيا ماتتقارنش غير بالالمانى , واحد تانى لأ