سوقت هوندا سيفيك 2010 أمبارح وكانت المفاجأة

**hany63** · 23-07-2012 11:15 PM

المشاركة الأصلية كتبت بواسطة AshTurbo

لأ حضرتك نسيت أن العربية ضيقة وقريبة أوي من الأرض والعفشة ناشفة والخامات مش قد كدة فدي كانت مفاجأة بالنسبة لي بصراحة على كلام رجالة هوندا أنا قولت العربية دي خارقة في نظري بتتفوق على الألنترا في الثبات والصاج أقوى شوية مش كتير زي السكودا مثلاً ولو هنقول تسارع في ال vti يبقى ما أختلفناش والموضوع مش مرايا وفتحة باب وبس .

لا انا ما نسيتش بس شايف برضه ان ده كلام عشان يطلع القطط الفطسانه
موضوع انها ضيقه من قدام انسى
من ورا الموضوع نسبي لو حضرتك و المدام و الاولاد هتبقوا مرتاحين بالمناسبه اولادي ١٨ سنه و ١٢

وعلى فكره نفس المساحه بتاعة ال c١٨٠

موضوع العفشه ناشفه ده كلام غلط و احتمال يكون فيه مشكله في العربيه و ضغط العجل عشان انا ظابط على ٣٢ و العربيه اطرى من الالماني
الصاج طبعا مش في قوة الالماني بس مش زي اللانوس او الكريستاله و ربنا يبعدك عن شر الخبطات

**hany63** · 23-07-2012 11:23 PM

المشاركة الأصلية كتبت بواسطة mody3on

ماهو فورميولاتور بيقول ان مشكلة الفتيس اتحلت ، ولو باظ بيغيرولك العربية

سيبك من الكلام النظري اللي على عيني و راسي و اخطف رجلك للتوكيل و شوف ان عاملين طابور مخصوص لضحايا الفتيس لغاية الشكل الجديد

**AshTurbo** · 23-07-2012 11:32 PM

المشاركة الأصلية كتبت بواسطة hany63

لا انا ما نسيتش بس شايف برضه ان ده كلام عشان يطلع القطط الفطسانه
موضوع انها ضيقه من قدام انسى
من ورا الموضوع نسبي لو حضرتك و المدام و الاولاد هتبقوا مرتاحين بالمناسبه اولادي ١٨ سنه و ١٢

وعلى فكره نفس المساحه بتاعة ال c١٨٠

موضوع العفشه ناشفه ده كلام غلط و احتمال يكون فيه مشكله في العربيه و ضغط العجل عشان انا ظابط على ٣٢ و العربيه اطرى من الالماني
الصاج طبعا مش في قوة الالماني بس مش زي اللانوس او الكريستاله و ربنا يبعدك عن شر الخبطات

وأنا هطلع القطط الفطسانة ليه بس قولي ياباشا ركبت الألنترا الجديدة ؟

**SAMEH_FOUAD** · 23-07-2012 11:40 PM

المشاركة الأصلية كتبت بواسطة mody3on

استاذ هاني ، يا ريت تكون منصف شوية :)
سمسم لما كتب عن الار بي عمل كده برضه ، بسمع تكة مش عارف فين ، صوت مش عارف ايه عالي !
ما هو برضه كان بيبالغ وهو اللي بدأ :)

ياباشا ال rb دية مكانها مراجيح مولد النبى مش فى الشارع والله مابهزر انا عمرى ماركبت عربية بالرعب دة ولا فرامل ولا ثبات بجد , والله لدرجة ان صاحبى نفسة بيقولى هو فية اية احنا شكلنا هنعمل حادثة انهاردة ولا اية مع انة معداش سرعة 80 كم وتقولى مش عارف اية

انا مش ببالغ ولا عمرى بالغت فى حاجة لانى مش محتاج حاجة عشان اثبت ان هيونداى وحشة انا مش هستفاد حاجة والله لما اوصل لواحد معلومة غلط

**AshTurbo** · 24-07-2012 12:12 AM

المشاركة الأصلية كتبت بواسطة semsem kane

ياباشا ال rb دية مكانها مراجيح مولد النبى مش فى الشارع والله مابهزر انا عمرى ماركبت عربية بالرعب دة ولا فرامل ولا ثبات بجد , والله لدرجة ان صاحبى نفسة بيقولى هو فية اية احنا شكلنا هنعمل حادثة انهاردة ولا اية مع انة معداش سرعة 80 كم وتقولى مش عارف اية

انا مش ببالغ ولا عمرى بالغت فى حاجة لانى مش محتاج حاجة عشان اثبت ان هيونداى وحشة انا مش هستفاد حاجة والله لما اوصل لواحد معلومة غلط

تاخد حتة كنافة بالمانجه ؟

**AshTurbo** · 24-07-2012 12:19 AM

المشاركة الأصلية كتبت بواسطة hany63

لاء مركبتهاش ركبت اللي قبليها و لو ركبتها و عجبتني هقول رءايي بمنتهى الامانه

طيب ياباشا بالعقل كده مركبتهاش عرفت أزاي أنها مش أضيق من الألنترا ... على فكرة النقاش أمبارح بيني وبين صاحب العربية وكان معانا ناس كتير بعربيات مختلفة وكلهم ركبوا العربيتين وجربوهم وأخدت رأيهم واحد واحد وكانت مناقشة نار وفي الآخر أنا وهو أتفقنا على النقاط اللي ذكرتها .

**mody3on** · 24-07-2012 12:21 AM

المشاركة الأصلية كتبت بواسطة ashturbo

تاخد حتة كنافة بالمانجه ؟

الله نفسي فيها :))

**AshTurbo** · 24-07-2012 01:04 AM

المشاركة الأصلية كتبت بواسطة mody3on

الله نفسي فيها :))

ياسلام صينية بحالها تجيلك ياباشا أنت تأمر بس ..... أحلى حاجة أنا باكل كنافة بالمانجه وداخل على الأجتماعي ألاقي موضوع ( الكنافة بالمانجه حرام ولا حلال ) رميت الطبق وقولت أحييه لا تطلع حرام هههههه بس الحمد لله طلعت حلال وزي الفل .