نصيحة عاجلة بخصوص الجين 2 او البرسوانا

سلام عليكم .... اولا رمضان كريم عليكم ويا رب كل اعضاء المنتدى فى صحة وسعادة دائما ...

انا حاليا بفكر اجيب عربية اصغر من عربيتى و واكسب شوية فلوس بردوا نظرا لظروف الزواج !! الى اتجوزوا او الى خاطبين عارفين المرحلة العظيمة دى :)

انا معايا النترا 2007 الشكل الى قبل الجديد وطبعا عربية جميلة ومفيهاش اى كلمة

فكرت فى عربيا اصغر "اتوماتك -اهم حاجة عندى-" ...وقعت عنيا على البروتون فقلت ادخل اسال عليها فى بيتها


اولا يا ريت تفدونى اية الفرق بين الجين 2 و البرسوانا ؟ هل فقط هو حجم الشنطة ولا فى اى فروقات تانية

ثانيا: اخبار البزنين اية فى موديلات قبل 2009 وبعد 2009 وتنصحونى اشترى قبل ولا بعد 2009 ؟

ثالثا: اية رنج اسعار قبل 2009 وبعد 2009 لحد 2010 ؟ لو حد عندوا فكرة يا ريت يفيدنى

رابعا: انا تقريبا على الطريق السريع اسبوعيا فمحتاج عربية ثابتة وامان + تكيف واتوماتك ممتاز للراحة فهل العربية مناسبة ولالا؟

خامسا: من النترا لبروتون هل ححس بفرق جامد ولا الركوبة مشابة ؟


منتظر ردودكم فى اسرع وقت وشكرا جزيلا ....

رمضان كريم عليكم كلكم مرة تانية :)

انت هتبيع الالنترا وتجيب برسونا !!! :))))))))))

العقل بيقول انك لو هتغير تطلع للالمانى او اليابانى

موفق ان شاء الله

منا مش عارف اطلع .... فعاوز انزل على حاجة كويسة :d

هات فيرنا اتوماتيك
عربيه هتريحك فى قطع الغيار ومشاكلها قليله جدا وعمليه جدا

البروتون عايزه واحد فاضى يروح التوكيل كل شويه خصوصا ان عز العرب ماشاء الله يشل

شكرا لردك جدا ....

انا كنت بفكر فى الفيرنا الاوتو بردوا "انا فيرناوى سابقا" بس دا معناة ان البروتون مشاكلها كتير ومش اعتمادية ؟

ملاك بروتون يفيدوك اكتر

اقتباس:

---

المشاركة الأصلية كتبت بواسطة virus2007

سلام عليكم .... اولا رمضان كريم عليكم ويا رب كل اعضاء المنتدى فى صحة وسعادة دائما ...

انا حاليا بفكر اجيب عربية اصغر من عربيتى و واكسب شوية فلوس بردوا نظرا لظروف الزواج !! الى اتجوزوا او الى خاطبين عارفين المرحلة العظيمة دى :)

انا معايا النترا 2007 الشكل الى قبل الجديد وطبعا عربية جميلة ومفيهاش اى كلمة

فكرت فى عربيا اصغر "اتوماتك -اهم حاجة عندى-" ...وقعت عنيا على البروتون فقلت ادخل اسال عليها فى بيتها


اولا يا ريت تفدونى اية الفرق بين الجين 2 و البرسوانا ؟ هل فقط هو حجم الشنطة ولا فى اى فروقات تانية

مفيش فرق بين الاتنين غير مساحة الشنطة والمالتى فى الجين مش فى البرسونا

ثانيا: اخبار البزنين اية فى موديلات قبل 2009 وبعد 2009 وتنصحونى اشترى قبل ولا بعد 2009 ؟

كلة زى بعضة فى الاستهلاك حسب سواقتك وانصحك ب 2009 او بعد

ثالثا: اية رنج اسعار قبل 2009 وبعد 2009 لحد 2010 ؟ لو حد عندوا فكرة يا ريت يفيدنى

معنديش فكرة بصراحة

رابعا: انا تقريبا على الطريق السريع اسبوعيا فمحتاج عربية ثابتة وامان + تكيف واتوماتك ممتاز للراحة فهل العربية مناسبة ولالا؟

هى دى انسب حاجة فى رينج السعر دة وفى الفئة بتاعتها كلها

خامسا: من النترا لبروتون هل ححس بفرق جامد ولا الركوبة مشابة ؟

الركوبة مختلفة تماما
احساس الثبات والامان اعلى كتير جدا فى بروتون
صوت اعلى للموتور
عفشة انشف من الالنترا علشان الثبات

منتظر ردودكم فى اسرع وقت وشكرا جزيلا ....

رمضان كريم عليكم كلكم مرة تانية :)

---

ملحوظة : فيرنا اية بس اللى بتفكر فيها جنب البرسونا والجين2 ياراجل يا طيب
العربية اعتمادية جدا ولله الحمد وماشاء الله لا قوة الا بالله سنتين مغيرتش فيها فيها غير زيت وفلتر والصيانات
المشكلة فى التوكيل فى عدم توافر قطع الغيار الغير استهلاكية اللى بتبقى راجعة لعيوب صناعة او لحوادث لا قدر الله لكن غير كدة العربية لو مفيهاش مشاكل وبتعمل صيانتها فى التوكيل عربية ركوبــــــــــــــــه وحط تحتها ميت خط ومتسالش غير الملاك لو سمحت لان الفتى فيها كتير
على فكرة معنديش اى مشكلة مع التوكيل طوال السنتين ولله الحمد
ومعنديش اى مشكلة ان الناس تقطع فى التوكيل او تولع فيه حتى
لكن عندى مشكلة كبيرة جدا مع اى حد بيعيب فى العربية وهوة مش مالك ليها او على سمع
تحياتى

ميدو اتكلم عن موضوع التوكيل انه محصلش معاه مشكلة وكدة
بس انا حصلي مشاكل كتير ومش كل الملاك حصلتلهم هي بتبقى حظوظ
العربية حلوة وجميلة ومفيش ادنى ادنى مقارنة بينها وبين الالنترا في الثبات والامان والمتعة في القيادة
يمكن التسارع يكون متساوي بس الجين2 بعد ال 120 اكيد احسن وده حسيته في عربيتي الواجا ( نفس الموتور )

لو هتجيب موديل 2009 فانت اكيد مش هتعتب التوكيل ده ولا هتفكر تروحلهم اساسا وكل تعاملك هيبقى في المراكز المحترمة زي عصام صفا او اي مركز تاني
وقطع الغيار هتجيبها من برة عادي ولو عايز الاصلي زي السيور والفلاتر هيا دي اللي هتجيبها من التوكيل
للعلم انا شكوتي في عدم توافر قطع الغيار بالنسبة للواجا مش للجين 2
الجين2 ليها انصاص كتير في الحرفيين وقطع غيارها ارخص واسهل من الواجا
وبالتوفيق

سؤالك عن الثبات و الأمان
أعلى من الألنترا ........ مقابل كدا عفشة أنشف .

البروتون في الثبات و الأمان و الهاندلنج .............. أفضل كتير جدا من الألنترا اللي معاك .

في النعومة الألنترا أفضل .

أستهلاك البنزين على الطريق الطوالي ................. ممتاز .

فيه فرق في الموتور ما بين الألنترا و البروتون ................. الألنترا تسارعها أقوى و هي فعلا حصانها أعلى .

بالنسبة لموضوع أنك بتنزل من النترا لحاجة أصغر ....... أصغر سعرا و لكن أفضل ركوبة .
أنت كدا مش بتنزل ......... أنت كدا هاتشوف ركوبة أفضل بكتير من ناحية الثبات و الهاندلج .

أفضل موديلات اللي بعد 2009 .

أنا مالك للعربية من 2007 ......... فبتكلم عن تجربة و خبرة 5 سنين .
التوكيل عادي ....... بعض قطع الغيار الغير استهلاكية ممكن تتأخر شوية لو أنت مستنى حاجة في الضمان .
بس بما أنك هاتشتري مستعمل فغالبا هاتكون خارج الضمان .
كل حاجاتها موجودة في الحرفيين ....... مواتير كاملة بالفتيس ........ أنصاص كاملة ....... بالاضافة لمحلات قطع غيار الجديد.

كنت أحب اللي يتكلم بثقة قوي كدا عن العربية يكون حتى أمتلكها و لو شهر !!!!!

ربنا يوفقك لعربية تريحك مهما كان نوعها .

شكرا لكل الناس المحترمة مالكى السيارة الى ردت عليا وافادتنى ..

كدة الخلاصة باذن الله ادور على جين 2 2009 او 2010

انا مبحبش التوكيل لان بحسهم نصابين فكل تعاملى بيكون برة مع ناس ثقة ....

عندى سؤالين بعد اذنكم:

1- رنج اسعار ال جن 2 2009 او 2010 بيكون فى حدود كام؟ وهل فى فئات ولا هى فئة واحدة ؟

2- انا من سكان مدينة اكتوبر ... هل يوجد محلات قطع غيار للسيارة بها ك "قطع الغيار الطبيعية زى التيل والفلاتر وكدة " ؟

الاسعار تقريبا تعمل بين 70 - 77 الف على حسب الموديل او الحالة او عدد الكيلومترات
وبالنسبة للمحلات في اكتوبر اعتقد استاذ توت وميدو هيفيدوك اكتر لانهم من اكتوبر

شكرا لردك... انا ادامى الاتنين دول بس لسة معاينتهمش :

1-
بيرسونا | 2010.
ج70,000
76,000 كم
بروتون بيرسونا مو 2010 أعلى فئة كاملة أوتوماتيك - تكييف قوي - باور - 4زجاج كهرباء - مرايات كهرباء - سنتر - إنذار - كمبيوتر أعطال - 2 أير باج - سينسور بارك - طارة مالتي فانكشن - جنوط سبورت أصلي 15 بوصة - سي دي - فوجات.

2-
بروتون جين 2 2009.
70,000جنيه
الكيلومتر : 70000.
اوتوماتيك
عن سيارة : سياره جين-2, فابريقه بالكامل ,رخصه سنتين ,صيانه بالتوكيل ,بأسم المالك,كاوتش جديد, اللون نحاسى,الطاره مالتى فانكشن,السعر نهائى جسم السيارة : ليموزين لون السيارة : برتقالي حالة الدهان : فابريكة نوع الغيار : اتوماتيك.

هل 70 كويس ولا المفروض تقل شوية فى السيارتين؟.

بص ياباشا
بالنسبة للعربيتين دول كتير عليهم 70 لان الكيلو مترات تعتبر الى حد ما كتير شوية
حاول تلاقي عداد ااقل من كدة
واهم حاجة تكون فابريكا بردو

الكيلومترات دي مش كبيرة والسعر معقول ، لسه شايف صني 120 الف كيلو سوبر صالون اتوماتيك موديل 2007 بتتباع ب 74 الف و تنزل ل70 .
اهم حاجة تكون حالتها تمام وصيانات دورية .

اقتباس:

---

المشاركة الأصلية كتبت بواسطة mount

الكيلومترات دي مش كبيرة والسعر معقول ، لسه شايف صني 120 الف كيلو سوبر صالون اتوماتيك موديل 2007 بتتباع ب 74 الف و تنزل ل70 .
اهم حاجة تكون حالتها تمام وصيانات دورية .

---

قصدي ان السعر كتير بالنسبة للكيلو مترات
ومينفعش نقارن سعر الصني بالجين2 لان الصني ليها سوقها وده معروف
وكمان في ناس بتبقى حاطة سعر على النت ومش في دماغها بيع ولا بتاع ولو جاله السعر ده هيبيع
الاحسن بلاش الواحد يتسرع وهو بيشتري

شكرا لردودكم ....

بالنسبة للسعر اعتقد لو نزل ل 65-64 فى الجين 2 حيبقى كويس


طيب سؤال تانى: لو نزلت بالموديل ل 2007 او 2008 هل حلاقى فرق كبير بينها وبين 2009 فيما فوق؟

الى انااعرفوا من خلال قراتى الى المنتدى : ان الفرق فى المطور بعد 2009 افضل من حيث استهلاك البنزين والتسارع ولاكن الحاجة الى مش موجودة هى مثبت السرعة

فلو تقدروا تفيدونى اكتر بردوا اكون شاكر ليكم لان اغلب الى معروض فى السوق بيكون موديل 2007 2008

شكرا لردودكم ....

بالنسبة للسعر اعتقد لو نزل ل 65-64 فى الجين 2 حيبقى كويس


طيب سؤال تانى: لو نزلت بالموديل ل 2007 او 2008 هل حلاقى فرق كبير بينها وبين 2009 فيما فوق؟

الى انااعرفوا من خلال قراتى الى المنتدى : ان الفرق فى المطور بعد 2009 افضل من حيث استهلاك البنزين والتسارع ولاكن الحاجة الى مش موجودة هى مثبت السرعة

فلو تقدروا تفيدونى اكتر بردوا اكون شاكر ليكم لان اغلب الى معروض فى السوق بيكون موديل 2007 2008

اقتباس:

---

المشاركة الأصلية كتبت بواسطة eng f3lix

قصدي ان السعر كتير بالنسبة للكيلو مترات
ومينفعش نقارن سعر الصني بالجين2 لان الصني ليها سوقها وده معروف
وكمان في ناس بتبقى حاطة سعر على النت ومش في دماغها بيع ولا بتاع ولو جاله السعر ده هيبيع
الاحسن بلاش الواحد يتسرع وهو بيشتري

---

ما انا اتكلمت على اساس سوقها فساويت بين عربية عاملة 70 الف موديل 2009 بعربية موديل 2007 وعاملة 120 الف
على العموم اهم حاجة حالة العربية تكون نظيفة علشان متتعبش اللى هيشتيرها كثير ويحاول يكشف عليها فى مكان محترم ، وربنا ييسر للبيبيع وللي بيشتري

اقتباس:

---

المشاركة الأصلية كتبت بواسطة virus2007

طيب سؤال تانى: لو نزلت بالموديل ل 2007 او 2008 هل حلاقى فرق كبير بينها وبين 2009 فيما فوق؟
الى انااعرفوا من خلال قراتى الى المنتدى : ان الفرق فى المطور بعد 2009 افضل من حيث استهلاك البنزين والتسارع ولاكن الحاجة الى مش موجودة هى مثبت السرعة

---

الفرق فى نظام دخول الهواء ، و التعديل دة كان فى صالح العربيات الاتوماتيك بالذات
فالسحب على السرعات القليلة بقي ممتاز
مقابل فى الموديلات اللى قبل 2009 السحب على السرعات العالية افضل واسرع

شكرا لكل الناس الى ردت عليا وافادتنى فى الموضوع :)

عندى سؤال :

هل الاتوماتك فية هاى لاين و اتوماتك عادى فى البروتون سواء فى موديلات 2007 2008 او بعد كدة فى 2009 2010 ؟

ولا هى اتوماتك فيها كل الابوشنز ولا يوجد هاى لاين زى ما الناس بتكتب

رأيى انقل لليابانى افضل و اضمن و ارخص فى قطع الغيار

عندى سؤال :

هل الاتوماتك فية هاى لاين و اتوماتك عادى فى البروتون سواء فى موديلات 2007 2008 او بعد كدة فى 2009 2010 ؟

ولا هى اتوماتك فيها كل الابوشنز ولا يوجد هاى لاين زى ما الناس بتكتب

اقتباس:

---

المشاركة الأصلية كتبت بواسطة virus2007

عندى سؤال :

هل الاتوماتك فية هاى لاين و اتوماتك عادى فى البروتون سواء فى موديلات 2007 2008 او بعد كدة فى 2009 2010 ؟

ولا هى اتوماتك فيها كل الابوشنز ولا يوجد هاى لاين زى ما الناس بتكتب

---

البرسونا كان فيها بيز لاين وهاى لاين
الجين2 مفيهاش كلها هاى لاين

يعنى البروسنا 2007 2008 كان فيها بيز لين وهاى لاين اما فى 2009 لحد 2012 مفيهاش ولا بردوا فيها ؟

اقتباس:

---

المشاركة الأصلية كتبت بواسطة virus2007

يعنى البروسنا 2007 2008 كان فيها بيز لين وهاى لاين اما فى 2009 لحد 2012 مفيهاش ولا بردوا فيها ؟

---

البرسونا كلها فيها بيز وهاى ماعدا البرسونا اليجانس دى غالبا هاى لاين بس اللى فيها مثبت السرعة ودة فرقها عن الجين 2 ودى غالبا موديل 2011-2012

اقتباس:

---

المشاركة الأصلية كتبت بواسطة virus2007

عندى سؤال :

هل الاتوماتك فية هاى لاين و اتوماتك عادى فى البروتون سواء فى موديلات 2007 2008 او بعد كدة فى 2009 2010 ؟

ولا هى اتوماتك فيها كل الابوشنز ولا يوجد هاى لاين زى ما الناس بتكتب

---

اقتباس:

---

المشاركة الأصلية كتبت بواسطة mido_soliman

البرسونا كلها فيها بيز وهاى ماعدا البرسونا اليجانس دى غالبا هاى لاين بس اللى فيها مثبت السرعة ودة فرقها عن الجين 2 ودى غالبا موديل 2011-2012

---

البرسوما 2009 بس كان فيها بيز لاين و ده كان من غير جنوط سبور و لا فوجات و لا سماعات خلفية و لا طارة مالتي. من أول 2010 كله بقي هاي لاين.

الجين 2 من 2006-2008 كانت بتنزل نسختين, الاتنين بنفس الكماليات(كاملة بمثبت سرعة للأوتو) , بس واحدة كانت بتزيد 4000 جنيه عن التانية و هي السبورت باكيدج (عتب و كساحات و سبويلر) مكانوش موجودين في النسخة التانية.

من أول 2009 لحد دلوقتي شالوا السبورت باكيدج (الكساحات و العتب) و شالوامثبت السرعة و بقوا بينزلوا كل الموديلات بسبويلر.

شكرا ميدو وراؤول لردودكم المفيدة

اقتباس:

---

المشاركة الأصلية كتبت بواسطة virus2007

شكرا ميدو وراؤول لردودكم المفيدة

---

العفو يا فندم.