تسريب الفريون لانوس 1

**hazemsabry** · 23-07-2012 04:05 AM

أرجوكم أفيدونى فى مشكلة تسريب الفريون من الكمبرسور فى اللانوس 1 هل لها حل

**alaamousa** · 23-07-2012 06:02 AM

ياريت تحكي المشكلة وتوضح اكتر انت حضرتك مجرد وضعت عنوان

**MITSUKERO** · 23-07-2012 11:59 AM

بص ياباشا

انا اول مرة اسمع ان الكمبريسور بيسرب من نفسة كده انا اللي اعرفه ان فيه اويل سيل للكمبريسور و بين نقظة التقاء كل ماسورة و التانية (اماكن الربط بالمسامير)

ده مش معناه ان الكمبريسور استحالة يسرب بس اكيد حد من الاعضاء الاكثر خبره هيفيدك عني

اللي اعرفه و اللي انا عملته اني غيرت طقم ال اويل سيل كله في دائرة التكييف لان اويل سيل الكمبريسور كان السبب في تسريب الفريون فغيرت الطقم كله لاني اعتبرت ان الاويل سيل ده قطعة كاوتش و ليها عمر افتراضي و بما ان الكل راكب في وقت واحد يبقي الافضل لما واحد يبوظ اغير الطقم كله كنوع من الاحتياط بدل ما الفريون يسرب عشان استخسرت ثمن اويل سيل ب 5 او 10 جنية

الحمد لله التكييف شغال كويس من بعد الصيانة

حاول تسمع من اعضاء اكثر لان انا خبرتي في الانوس مش كبيرة لان العربية معايا بقالها سنة و شهر و كمان مش بركبها كتير لانها جاية للمدام اساسا فبعملها الصيانة فقط و بركبها في الطواريء بس الاعضاء هنا متعاونين جدا و انا شخصيا استفدت منهم اوي في حاجات كتير في العربية و تفاديت مشاكل كتير اوي بسبب نصايحهم خصوصا استاذ طارق و استاذ محمد ممدوح

شكرا

**Mahmoud.Fathy** · 23-07-2012 04:06 PM

ممكن يكون الكمبريسور بيسرب .... ومش لازم يتغير ممكن يتعمله طقم تصليح كامل ب حوالى 250 او 300 جنيه .... بيتغير فيه جوانات ومحبس وشوية حاجات تانية كده .... بعد كده يتشحن ويبفي زي الفل وتمام التمام .... وان شاء الله خير

**Shiref_mohamed** · 24-07-2012 12:27 PM

المشاركة الأصلية كتبت بواسطة hazemsabry

شكرا لردكم الكريم
وأطمع إن حد يرشدنى لواحد متخصص ومحترم فى القاهرة لعمل صيانة للتكييف اللى مجننى
وشكرا

اولاً لازم دوره التكييف تتكبس هوا كويس وتدور على مكان التسريب ولو كان التسريب من الكمبريسور نفسه مش من الأويلسيلات الى فوقه يبقى تجيب كمبريسور استيراد على التجربة