ممكن نعرف صاحب الموضوع استقر على ايه؟
لان نفس الحيره دى موجوده عند ناس كتير
ممكن نعرف صاحب الموضوع استقر على ايه؟
لان نفس الحيره دى موجوده عند ناس كتير
معلش هو حضرتك ازاي بتقارن بين العربيتين دول ؟ الفانتازيا سيدان و السبورتاج suv
المقارنه هنا معنويه اكتر منها معلوماتيه
يعنى انا قصدى ان فى ناس كتير زى حالاتى عارفين انهم فئتين مختلفتين وتقريبا مفصصين العربيتين بس بيجى وقت بتلاقى انك نفسك فى الاتنين ومحتار مابينهم
يعنى الاوكتافيا تمثل الاختيار المضمون والاكثر شيوعا والسبورتاج تمثل المخاطره و الشكل الجذاب بغض النظر سيدان وsuv يعنى الموضوع مشاركه فى الاختيار واخذ القرار المناسب اكثر ماهو مقارنه فى تفصيلات العربيتيتن
مش عارف وصلت وجهت نظرى ولا لآ
يا فندم ولافيها إدنى مخاطرة العربية انتشرت والحمدالله مفيش اى مشاكل تذكر حتى الان
وانا شايف ان المقارنة فى محلها لأن القيمة المالية تقريبا واحده او متقاربة
ومن حوالى 4 اشهر حصلت نفس المقارنة لأحد أصدقائى المقربين وانتهت بشراء الفانتازيا
بسبب انه مستعجل ومعندوش استعداد يدفع اوفر بريس او الحل الأخر انتظار 6 أشهر
وانا سافرت بهذه السيارة اكثر من مرة السويس - القاهرة والعودة السيارة ثباتها أكثر من رائع حتى 180 كم وعربية طبعا مفيش اثنين ممكن يختلفو عليها
ولاكن السبورتاج تتميز عن هذه السيارة وأقولها بكل فخر وبعيد عن الشكل - أولا" الرحابة والسعة الداخلية
وثانيا" الراحة فى القيادة لمسافات طويلة
والله أقولها بمنتهى الحيادية والشفافية
واتمنى من الله ان يوفقك فى حسن الأختيار
والله انا متأكد من كلامك وانا عارف ان كل حاجه بالمحافظه بتعيش بس هى طباع شخصيه وبيكون فى ناس عندها القدره على التغيير بسهوله والخروج من الاطار التقليدى وناس بيكون قرارها صعب والتغيير لشئ مجهول مخاطره مع العلم انى مستنى عربيه بالمواصفات دى من عشر سنين تقريبا وكنت بدور على المواصفات دى (السبورتاج) فى كل بلاد العالم اللى رحتها بس كان كل اللى بينزل 2500 سى سى وطالع من كافة الانواع
الفكره كلها ممكن تتلخص فى مدى امكانيه استمرار السياره بنفس الكفاءه على المدى الطويل هو ده الفيصل وبعدين موضوع البنزين ده يقلق... بس من الحاجات اللى مطمنانى هو الهجوم الغير مبرر وبدون دليل وده يدل على النجاح
تأكيد على كلامك الموضوعى والمنطقى انا امتك هيونداى إلنترا 2005 حتى وقتنا هذا بالمحافظة بسم الله ما شاء الله مش عايز اقول لك و وكان قبلها اكسنت وبعتها وكأنها زيرو والله بمعنى الكلمة وعداد الكيلو متر أكثر من 105 ألف والله تكييف وعفشة وموتور بعد قطع هذه المسافة زيرو يعنى العربيات دية فعلا قدرت تقنع الواحد بيها
و حضرتك ذكرت موضوع تانى عجبنى جدا وهو (بس من الحاجات اللى مطمنانى هو الهجوم الغير مبرر وبدون دليل وده يدل على النجاح)
حضرتك طبعا متابع جيد للمنتدى إذا لازم تعرف الكلام ده جى منين ورايح فين فالموضوع ده واضح وضوح الشمس
ربنا يباركلك ويكيفيك شر العين والطريق
وفعلا موضوع الرزع والهجوم على الفاضى والمليان بلازمه وبدون لازمه محتاج يتعمله موضوع ومش قادر افهم السبب ، ولو انى لاحظت كام حاجه فى المنتدى من خلال المواضيع والتعليقات اديتنى انطباع انه نيساناوى شويه