بالله عليكم مساعدة ضرورى جدااااااا

**just_humen** · 23-07-2012 05:58 AM

السلام عليكم ورحة الله و بركاته
وكل عام و انتم و كل المسلمين و المسيحيين و الموحدين بخير
و الهم اعز الاسلام و المسلمين فى هذا الشهر الكريم اميييين

اخوانى اعضاء المنتدى الكرام
ارجوكم و ارجو من الله فيكم ان تساعدونى فى مشكلتى
انا املك بومة 2006 و مسقط عليها موتور 2000 سيسي اوتو
من فترة لقيت دخان ازرق من الشكمان وسالت قالولى شنبر بس لسة بدرى امشي
عليه شوية..
ومن اسبوعين بدأت اسمع رنة و صوت غريب و خصوصا مع التكييف
و لقيت العربية و هى باردة بتلت و بعدها تعدل
سالت قالولى دة بييل واحسنلك تعمل عمرة و تخرط
وصديق ليا قالى بتكلفة العمرة ممكن تدخل موتورك فى موتور زيه بالظبط و تدفع نفس
تكلفة العمرة ويبقى احسن من الخرط على الاقل حيبقى تقفيل بلاده
عجبتنى الفكرة جدا و فعلا نزلت بور سعيد ولفيت هنا وسمعت عن حاجة اسمها
شورت بلوك وتكلفنى فى حدود 2000 الى 2500 واللى فهمته انها زى تغير
الموتور بس من غير حاجاته
ممكن حد يوضحلى يعنى اية الكلام دة لانى قلقت لما قالو كانك عمرت برضه؟
يعنى مش حيبقى تقفيل بلاده؟
بالله عليكم دلونى موتور بالفيتسي دة فى دة ولا اللى بيقولو عليه شورت بلوك
اسف على الاطالة
وكل عام وانتم بخير
وارجو من يستطيع المساعدة بجد الاتصال على هاتفى الخاص
وساحاول وضعه فى البروفيل بتاعى
وشكرا لكم
ويجازيكم الله كل خير ان شاء الله

**mada_2005** · 29-07-2012 11:18 AM

انا مبتدئ والافادة من الاخوة المهندسين بس اللى فهمتو ان الشورت بلوك النصف السفلي من الموتور

**Zing0** · 29-07-2012 03:50 PM

أنا برضه مبتدئ و أعرف إت الشورت بلوك هو نصف الموتور اللى تحت و ده برضه محتاج ورق و بصمه من المرور, ده حل للى معاه ميكانيكى شاطر يقدر يفرز الشورت بلوك كويس و يعمر الموتور و فى نفس الوقت ميدفعش ثمن موتور كامل

**chiko** · 31-07-2012 04:23 AM

ابعد علي الشورت بلوك ... هترمي فلوسك في الارض .. و بعدين مشكلتك ممكن جدى تكون بسيطه .. متسمعش للميكانيكي و تصدق .. عندنا في مصر سوري في الفظ بهايم ... و كل يوم الواحد بيكره الكار ده برغم انه فيه ... لكن برتك فيه ناس محترمه ..

شوف ياا استاذي لما العربيه تتلت في التكيف و تعدل من غيره .. عمره ما يكون بييل .. و عمرها ما تكون خرط ... ليه .. لان الماتور علي التكيف بيكون علي حمل .. و في السلنسيه لو العربيه مش مظبوطه علي الشعره تتلت .. المشكله عندك هي بين حاجات معينه .. 1 نظام الوقود ( اللي هي الرشاشات ) - البوجيهات __ خوصوصآ انك مركب الماتور الكبير .. و الماتور ده مينفعش تجيبها الحاجات الضربه الموجوده في السوق .. هما نوعين .. الاول هو دانسون و التاني هو بوش الروسي لانه الوحيد الاصلي متصدقش حد يقولك انه عنده الماني اصلي ... تلاته بقي و ده ان مستبعده شويه قواعد و صبابات ... و حتي لو كانت ده .. مش هتتكلف معاك حاجاه ... و تبقي رجعت الماتور جديد من غير تعب او قرف

**SALAHHAKIM** · 20-08-2012 11:27 AM

المشاركة الأصلية كتبت بواسطة chiko

ابعد علي الشورت بلوك ... هترمي فلوسك في الارض .. و بعدين مشكلتك ممكن جدى تكون بسيطه .. متسمعش للميكانيكي و تصدق .. عندنا في مصر سوري في الفظ بهايم ... و كل يوم الواحد بيكره الكار ده برغم انه فيه ... لكن برتك فيه ناس محترمه ..

شوف ياا استاذي لما العربيه تتلت في التكيف و تعدل من غيره .. عمره ما يكون بييل .. و عمرها ما تكون خرط ... ليه .. لان الماتور علي التكيف بيكون علي حمل .. و في السلنسيه لو العربيه مش مظبوطه علي الشعره تتلت .. المشكله عندك هي بين حاجات معينه .. 1 نظام الوقود ( اللي هي الرشاشات ) - البوجيهات __ خوصوصآ انك مركب الماتور الكبير .. و الماتور ده مينفعش تجيبها الحاجات الضربه الموجوده في السوق .. هما نوعين .. الاول هو دانسون و التاني هو بوش الروسي لانه الوحيد الاصلي متصدقش حد يقولك انه عنده الماني اصلي ... تلاته بقي و ده ان مستبعده شويه قواعد و صبابات ... و حتي لو كانت ده .. مش هتتكلف معاك حاجاه ... و تبقي رجعت الماتور جديد من غير تعب او قرف

صح الصح اضافة بس بوجية ان جي كية بلاتينيوم حيظبط ومنظف دورة الوقود اس تي بي الرصاصي .+ تغير فلتر بنزين وجرب وقول

**buddha** · 21-08-2012 03:41 AM

اعمل عمرة عادى جدا بس لو مش حتحتاج مخرطة يعنى لو تغيير بساتم وبيلات وصبابات وشنابر كل دة عادى جدا وبسيط ... وفى نفس الوقت شوف مكنة بدون فتيس شبة بتاعتك تعمل كام فلوس ولو العملية نفس الثمن يبقى ركب مكنة على طول .

ربنا معاك