عايز اعمل حاجة و متردد جدا

**sanhory** · 23-07-2012 12:40 PM

السلام عليكم يا هونداوية كل سنة و انتم طيبيين و رمضان كريم

انا بقالي فترة عقلي عمال يوزني اني اغير العربية و اجيب سيفيك 2007 او 2008
ولكن متردد جدا خايف اندم خصوصا في حتة قوة الموتور انا عارف طبعا ان ال 2007 برضه موتورها محترم بس ولا حاجة جنب ال sir

من النقط اللي مخلياني متردد جدا اني معايا كل حاجة في العربية بس حب التجديد هوا اللي مخليني افكر في ال 2007

و من النقط اللي برضه مخلياني متردد جدا ان ال sir بتاعتي اوريجنال و صعب اوي الواحد يلقيها تاني لو مرتحش في ال 2007 و حب يرجعلها تاني و حتى لو اتلقت صعب تلاقى حاجة نضيفة و سليمة و مش معكوكة

فكرت أجر واحدة 2007 ولا حاجة و امشي بيها شوية و اشوف ايه النظام بحيث اقدر اقرر

مش عارف ياجماعة ياريت تساعدوني في القرار

و شكرا للجميع مقدما

**Land_Cruiser** · 23-07-2012 01:19 PM

فكره الإيجار دى كويسه علشان تقدر تحكم على العربيه بشكل موضوعى بناء على الاستخدام الفعلى

**Kareem Fawzy** · 23-07-2012 01:26 PM

بس خلى بالك معظم الايجار بيبقى متهان زيادة عن اللزوم وممكن يأثر على قرارك الاخير

**SAMEH_FOUAD** · 23-07-2012 01:45 PM

والله ياسنهورى السيفيك موديل 2007 جميلة وكل حاجة والحاجات اللى انت هتحس فيها بانك نقلت لعربية اعلى هتكون بس فى الشكل الداخلى للصالون , وهيكون فية immoblaizer

لكن طبعا هتفقد الشكل - هتفقد المحرك اللى بيعلم على اى حد وصدقنى هتتعب اوى انا جربت فترة كدة ماكنتش عارف اتأقلم يعنى اية تبقى بتشد مع اى عربية 1600 بمنتهى السهولة وتعلم عليها وتجرى مع عربيات اعلى منك بكتير وتفركهم على الطريق على اى سرعة , لكن دلوقتى هتبقى متحدد انك لازم تجرى مع 1600 بس

طبعا فرامل ال SiR معروفة بقوتها وجبروتها على الطريق

الثبات طبعا شوف اكيد هيكون لل SiR بس مش الفرق الكبير يعنى مثلا ال SiR اثبت بنسبة 10% بواقع تجربتى مع سيفيك vti 2010 وطبعا كان فيها نظام vsa وحسيت فعلا ان عربيتة ثابتة جدا جدا ودة انا انبسطت من الصراحة

- طبها هتستغنى عن فتحة السقف , الطنابير الديسكات الخلفية بس ممكن تتعدل فى ال2007 عادى
بردة خلى بالك اهم حاجة فرق سعر قطع الغيار يعنى اكيد قطع الغيار للسيفيك 2007 اغلى وخصوصا التيل

- انسى بقى المانيوال وروعتة وجمالة فى المحرك ال b16a وهتكون من مالكى الفتيس المريح للسيفيك

دية الفروقات مابين الاتنين , واعتقد صعب انك تلاقى سيفيك للايجار محدش بيجيب سيفيك ايجار اصلا

**SAMEH_FOUAD** · 23-07-2012 02:31 PM

محركها 1600 سى سى بيخرج قوة 170- 174 حصان , بدون اى شواحن او تيربو فقط نظام ال vtec

وبتبدأ من موديل 1992- 2000

**sanhory** · 23-07-2012 03:52 PM

المشاركة الأصلية كتبت بواسطة semsem kane

والله ياسنهورى السيفيك موديل 2007 جميلة وكل حاجة والحاجات اللى انت هتحس فيها بانك نقلت لعربية اعلى هتكون بس فى الشكل الداخلى للصالون , وهيكون فية immoblaizer

لكن طبعا هتفقد الشكل - هتفقد المحرك اللى بيعلم على اى حد وصدقنى هتتعب اوى انا جربت فترة كدة ماكنتش عارف اتأقلم يعنى اية تبقى بتشد مع اى عربية 1600 بمنتهى السهولة وتعلم عليها وتجرى مع عربيات اعلى منك بكتير وتفركهم على الطريق على اى سرعة , لكن دلوقتى هتبقى متحدد انك لازم تجرى مع 1600 بس

طبعا فرامل ال sir معروفة بقوتها وجبروتها على الطريق

الثبات طبعا شوف اكيد هيكون لل sir بس مش الفرق الكبير يعنى مثلا ال sir اثبت بنسبة 10% بواقع تجربتى مع سيفيك vti 2010 وطبعا كان فيها نظام vsa وحسيت فعلا ان عربيتة ثابتة جدا جدا ودة انا انبسطت من الصراحة

- طبها هتستغنى عن فتحة السقف , الطنابير الديسكات الخلفية بس ممكن تتعدل فى ال2007 عادى
بردة خلى بالك اهم حاجة فرق سعر قطع الغيار يعنى اكيد قطع الغيار للسيفيك 2007 اغلى وخصوصا التيل

- انسى بقى المانيوال وروعتة وجمالة فى المحرك ال b16a وهتكون من مالكى الفتيس المريح للسيفيك

دية الفروقات مابين الاتنين , واعتقد صعب انك تلاقى سيفيك للايجار محدش بيجيب سيفيك ايجار اصلا

سامح باشا دايما وافي و كافي
انا حاطت في الاعتبار كل النقاط اللي انت قلت عليها بس دلوقتي الواحد ابتدى يميل للهدوء و عايز حاجة اتو كدا يتدلع بيها
انا حاسس اني اخدت كفايتي من الجري و الشد
بس برضه و انا ماشي براحة ببقى مستمتع بكل حاجة في العربية و اقعد اهرش في دماغي و اقول لا انا حخليها هههه و لما اطلع البيت ولا اروح المكتب و اتفرج على صور ال 2007 اقول قشطة اهي تجديد و برستيج و اتو
انزل اركب عربيتي و امشي شوية اهرش تاني في دماغي لا انا مش حغير هههه

يا ناس حتجنن

**Hamdy Masria** · 23-07-2012 04:29 PM

المشاركة الأصلية كتبت بواسطة sanhory

سامح باشا دايما وافي و كافي
انا حاطت في الاعتبار كل النقاط اللي انت قلت عليها بس دلوقتي الواحد ابتدى يميل للهدوء و عايز حاجة اتو كدا يتدلع بيها
انا حاسس اني اخدت كفايتي من الجري و الشد
بس برضه و انا ماشي براحة ببقى مستمتع بكل حاجة في العربية و اقعد اهرش في دماغي و اقول لا انا حخليها هههه و لما اطلع البيت ولا اروح المكتب و اتفرج على صور ال 2007 اقول قشطة اهي تجديد و برستيج و اتو
انزل اركب عربيتي و امشي شوية اهرش تاني في دماغي لا انا مش حغير هههه

يا ناس حتجنن

بطل هرش يا سنهورى وانت ترتاح