-
حمادة اتوماتيك - ضرورى
كل عام و انتم بخير يا وحوش المنتدى
انا عايز اعمل صيانة الفيتس الاتوماتيك بتاعى و عايز حد متخصص فى الفيتس بس ما يكونش مجدى اتوماتيك .. انا سمعت عن حمادة فيتس اللى فى السيدة عائشة فلو سمحت لو فى حد معاه رقم تليفونة يبقى مشكور .... او لو فى حد يعرف حد متخصص فيتس كويس ياريت يقولى
و كل عام و انتم بخير
-
-
كل المشاهدات ديه و ما فيش رد واحد
-
انا معرفش اى حاجة عن الاوتو للاسف
MMamdouh
-
شكرا على اهتمامك يا ممدوح بك و كل عام و انت بخير
-
معرفش رقم حمادة بس اعرف واحد بتاع فتيسات اوتو ممتاذ عند نزلة الدائري علي صفط اللبن
-
كل سنة و انت طيب يا طارق بيك و ربنا يتقبل ان شاء الله
طلما ان حضرتك واثق فى الراجل ده يبقى تمام ... ممكن العنوان و الوصفة بتاعتة و ياريت التيلفون يبقى تمام
ولك الف شكر
-
هجيبلك رقم تليفونه
الوصفة وانتا نازل من الدائري منزل صفط اللبن قول بس فين بتاع الفتيسات الاوتوماتك مليون واحد هيودوك عنده علشان مفيش غيره في المنطقة
-
الف شكر يا فندم و بعدين نزلة صفط من انهى اتجاه و شكرا
-
وانتا رايح من الهرم الي المحور
-
متابع وقول ايه الخبار وياريت اعرف ايه المطلوب دائما للمحافظه على الفتيس الأتوماتيك
-
طارق بك ازى حضرتك
روحت امبارح زى ما حضرتك وصفتلى بس ما عرفتش اوصل للراجل خالص
وكل لما اسل حد يقولى اسمه ايه .... فلو سمحت ممكن تفاصيل اكتر عن مكانة و اسمة و تليفونة
ان شاء الله حروحله تانى الاسبوع ده
و الف شكر
-
مستنى رد حضرتك يا طارق بك
-
هجيبلك عنوانه بالظبط كتابتاً
-
-
حضرتك ان ممكن اقولك عليه لانى ساكن جنبه بالقرب من المنطقه دى و
ممكن اقبلك لو حبيت
-
-
ربنا يخليك و شكرا على ذوقك مش عايز اتعبك فى رمضان بس لو تقدر تدينى الوصفة بالظبط لانى انا ساكن فى جسر السويس و مش عايز اضرب المشوار ده على الفاضى تانى و يا ريت رقم التليفون
حاجة كمان هو متخصص فيتس بس و لا هو ميكانيكى دايو ؟
ولك الف مليون شكر
-
-
هو ميكانيكى دايو واللى اعرفه انه كان فى توكيل ابوغالى على حد علمى واعرف انه الوحيد فى المنطقه اللى بيشتغل فى الفتيس الاتو ولكن انا عربيتى لانوس مانيوال وانا عملت معاه سرفيس عادى بس هو ممكن يكون غالى شويه بس شغله نظيف جدا
-
لك جزيل الشكر بس برده فين الوصفة يا محمد بك
-
انت لوجاى من جسر السويس هتاخد كوبرى اكتوبر لغايه اخره فى الدقى وبعدين تطلع كوبرى الدقى لغاية اخره كانك رايح جامعة القاهره وبعدين تطلع محور صفط الجديد من المجاور لباب كلية التجاره وتوصل لغاية اخره هينزلك عند منزل صفط اللبن وبعدين تدخل تانى شمال كانك داخل صفط وتسأل على ياسر دايو هوكده قريب ليك اوى
-
ولو فى اى استفسار حضرتك ممكن تكامنى
-
الف مليون شكر و ربنا يقدرنى و ارد جميلك
-
الشكر لله على ايه ده حاجه بسيطه
Content Relevant URLs by
vBSEO 3.6.0 PL2