-
مشورة فى شراء ميجان
السلام عليكم ورحمة الله وبركاته
كل عام وإنتم بخير بمناسبة شهر رمضان
لكل ملاك الميجان 2 بفكر إن شاء الله أشترى واحدة تكون كويسة
بس عايز أعرف عنها شوية حاجات
أولا لو ربنا كرم ولقيت واحدة عجبيتنى هأخدها على التوكيل أكشف عليها ف عايز أعرف سعر الكشف ف التوكيل وفين أقرب توكيل من الهرم
ثانيا ياريت لو حد يقولى أسعار قطع الغيار الاستهلاكية
يعنى مثلا (فلاتر (هواء-ريت-بنزين) - مساعدين أمامى وخلفى - تيل وطنابير - ولو فى إى أسعار تانية يبقى كتر خيركم)
وبالنسبة للرفرف والاكصدامات كويسة ولا غالية
مع العلم إنى كان معايا فيكترا 98 موتورها 2000 سى سى وكانت قطع غيارها بالنسبة لى كويسة مع العلم إن الناس شايفاها غالية
فنفس الكلام بالنسبة لى على الميجان سامع إن قطع غيارها غالية بس قلبى حاسس إنها مش غالية أوى
-
بالنسبة للكشف فحوالين ال500 جنيه
اكتر حاجة بسيطة او اقل حاجة بسيطة
اقرب مكان للهرم مش عارف بصراحة , بس عموما المراكز اللي الناس بتشكر فيها في الكشف المقطم و ده الرئيسي , ثم العبور
بالنسبة لقطع الغيار فانا مش حافظ اسعارها
بس هنا على صفحتهم على الفيس بوك هتلاقي اسعار الصيانات بالتفصيل بما فيها الفلاتر
Renault Egypt - Maintenance - الصيانة | Facebook
-
مشكور يا باشا على ذوق حضرتك
بس اللينك مش شغال عندى ف لو ممكن أتعب حضرتك وتحط copy من الكلام اللى ف اللينك دة
-
ادخل على قسم رينو هتلاقى مواضيع كتيرة عن قطع الغيار وهى كويسة مش غالية ولا حاجة أنا اللى أعرفه فلتر الزيت الاصلى ب 25 جنيه بس من برا التوكيل
Content Relevant URLs by
vBSEO 3.6.0 PL2