اكبر حموله شيلتها في عربيتك الملاكي

**A_H_M_A_D** · 25-07-2012 12:33 PM

شلت مكتب صغير قبل كده في عربية ماروتي كانت عندي , وبعد مانزلته مكنتش مصدق انه كان جوه العربية و الشنطة مقفولة كمان , بس طبعا كنت منزل الكنبة

**joesph2010** · 25-07-2012 12:42 PM

كانت عربية واحد صاحبى نوعها فيات 1300 كان فيها 13 شخص كبير من عمر 20 الى 30 سنة وكنا رايحين نلعب كورة فى مركز شباب

**aly_moh** · 25-07-2012 02:45 PM

كان معايا بولونيز يا معلم و مش اكتر مرة بس اللى فاكرة " كلنا كنا 4 افراد و 100 شنطة رمضان من عند خير زمان "

**lad** · 25-07-2012 06:12 PM

كنت فى فرح و عربية خلعت لبست الناس كنا 8 انا سايق و اتنين جنبى وواحد طالع من الشباك و 4 ورا و منهم 3 احجام عائلية فى لادا 2107 الله يمسيها بالخير

**Ahmedo0o** · 03-05-2016 10:16 PM

30 لفه سلك + شنيور + كوريك السياره + هيتاشى + هيلت + عدة كعربائيه " صاروخ + أجن و شواكيش + بنس مفكات + 9 لفات خرطوم اللفه حوالى 4.5 كيلو ولفه السلك من 2 كيلو إلى 5 كيلو 3 مللى و 6 مللى
و 4 سلالم على السقف و 6 ركاب دا الطبيعى كل يوم
العربيه فيات 131 الأسطوره
يوم بقى ركبنا نفس الحاجات دى وأكتر و 10 انفار بالسواق
العربيه جابت مساعد ورا يمين وكانت بتحك فى أى مطب من تحت لحد ماجابت شداد علبة الأوستيليك

**Mohamed Desoky** · 03-05-2016 11:10 PM

السلام عليكم ورحمة الله وبركاته مفيش اكبر من شنطة الشيرى لما تقلب الكراسى شلت فيها 500 كيلو وشيلت ثلاجه lg للبيت وبشيل فيها حجات طويله 2 متر رغم انها صينى لكن ليها مميزات كتيررررررررررر عربيه ملاكى وتقلب الكراسى نقل والحمد لله ربنا يبارك فيها ويكفينا جميعا شر الطريق امين

**melouk1** · 08-05-2016 10:06 PM

مرة في تريوس من ١٣ سنة ركبت ١٢ واحد غيري و نيمنا الكنبة و سافرنا المنوفية عشان خطوبة صاحبنا
ولحد دلوقتي والله على ما اقول شهيد معرفش ده حصل ازاي ،، بس أيام الجامعة و الشباب كنا نعمل اي شيء !!