اتفتح الموضوع على صفحتنا على الفيس بوك بالصورة دي
http://a3.sphotos.ak.fbcdn.net/hphot...75378332_n.jpg
وقولتلهم ايه اكتر حموله شيلتوها في عربياتكم
اتفرجو على كمية التعليقات ويا ريت حد يجيب الاجابات هنا انا وقعت من الضحك
Pinnwand-Fotos | Facebook
عرض للطباعة
اتفتح الموضوع على صفحتنا على الفيس بوك بالصورة دي
http://a3.sphotos.ak.fbcdn.net/hphot...75378332_n.jpg
وقولتلهم ايه اكتر حموله شيلتوها في عربياتكم
اتفرجو على كمية التعليقات ويا ريت حد يجيب الاجابات هنا انا وقعت من الضحك
Pinnwand-Fotos | Facebook
ههههههههههههههههه دى ماروتى ولا ايه
ههههههههههههههههه فكرتنى باغرب موقف فى العيد اشتريت 4 معيز وملقتش نص نقل تشيلهم فحطتهم فى العربية ماروتى برضه .. وحطيت مشمع وكل شوية لما افرمل واحده تطلعلى بدماغها ع التابلوه وبقى منظرى مسخرة كل لما افرمل عشان مطب الاقى الناس بتشاور وتضحك
مع اني بركب الماروتي كتير
بجد حاجة غريبة وجميلة ..
:top_posters:
الصوره بتاعت الجمل دي انا الي حطتها علي المنتدي فين حقوق الملكيه
ودي الكومنتات
Mohamed Hany 120 حامل محاليل فى عربيه ماتركس
Osama Salah شنط كارفور ههههههههه
Heba Ahmed قاطرة مركب 8 متر
Bassel Mohsen Ezzat 10 person in Terios
fridge in the same terios :p
Mahmoud Mohsen تكييف
Abdel Aziz El Hewaily كان معاية بيجو 205 موديل 84 و اربعة ركبوا فى الكنبة اللى ورا و ابويا هوة اللى قاللى نركبهم معانا عشان معرفة ..و اجى اطلع العربية مش راضية تتحرك و نزلت بفعل الوزن اللى ورا عشان كانو باسم الله ماشاء الله اللهم لا حسد يعنى ...المهم العربية وطيت من ورا لدرجة ان جسم العربية كبس على العجل و مكنش راضى يتحرك ..روحت نازل من العربية و اديت المفاتيح للحج و قولتله انا حركب تاكسى :
Ahmad Zakaria El Mallah واحد صاحبي
Esam El Deen Ali 65 كرتونة سمن (وزن الكرتونة 8 ك ) = 520 كيلو (تيجو )
Mohamed Tanany مره شلت فى العربية 110 متر سيراميك بس مش عايز اقول ايه اللى حصل للعربية دى - الله يمسيها بالخير و فى الأوبل اعلى حموله كانت 3 خرفان
Ahmed Mohamed عربيه بي ام 320 اسبور ركب فيها 5 افراد و الشنطه كانت مليانه شنط و ركبت شبكة مرسيدس علي السقف و كانت بردو مليانه شنط
Mohamed Ebrahem Genena عجل جاموس فعربية اسكودا اوكتافيا 4 بس الشنطة واسعه
Hany Farrag ثلاث شكاير اسمنت ومرة تانية 200 طوبة ومرة تالتة 3 انابيب بوتاجاز مليانة.
كيا برايد هاتشباك.
Mohamed Tanany تفتكر مفكرتشى - انا فى الأوبل قلبتها نص نقل عشان توضيب شقتى - اسمنت و جبس و سرر و رخام و بلاوى - العفشة عندى اخرها دلوقتى 3 شهور
Mohammed El-Sherbini Ahmed سيراميك أوضتين متوسطي الحجم بتاع 600 كيلو غير 3 راكب مع بعض
Ahmed Hamed مره حطيت خروف ومره حطيت جاموسه طبعا بعد متدبحت واتنضفت بس كان وزن اللحم حوالي ٦٠٠ كيلو واتنين راكبين
عربيتي القديمه جولف ٢ ومره ركبت عشر افراد في ١٢٨ ومشيت بيهم حوالي ٢ كيلومتر
Eihab Ismail حصل ايه فالعربية اللي اتحمل فيها 110 متر سيراميك يا طناني بك ؟ وكان نوعها ايه
Mohammed Faried Elshiekh ده فى عربية خالى كنا 15 والشنط بتاعة السفر ل3 عائلا والعربية V.W Caddy
Mahmoud Anwar انا بقا علمت حموله ملهاش مثيل بعربيه جولف 2 كان معايه بشر في العربيه ولا ميكروباص كنا سعتها مسافرين كان معايه خالي و مراته وابنائه الاثنين صغيرين ومعايه امي واخويه واختي ومعايه خالتي وزوج خالتي وعيالها الثلاثه هتقولولي دخلو ازاي ال 12 واحد دول هقولكم مش عارف العربيه كانت بتسحف علي الارض وكنت بتحك في الاسفلت مش في المطب الكرسي الامامي كان شايل 3 وعلي حجر كل واحد عيل غير الي كان قاعد في الشنطه كنت شايل البرده بتاعت السمعات الي في الشنطه
Becker Yahia تجهيزات كاملة لعياده علاج طبيعي بالاضاقة ل3 اشخاص تخان , مشوار من الدقي للفيوم , عربية ماروتي
Mahmoud Badr موتور كامل من بور سعيد لاسكندرية و 3 أشخاص فى عربية اسبيرو 94
عماد البربري 11 واحده ست متوسط الواحده بسم الله مشاء الله فوق 100 مش دي المشكله ,المشكله كانت في العرض وكانت كرسيدا الوحش 1986 وكمان كانو راكبين مع بابا الله يرحمه رايحين الارض يشتغلوا فيها
عماد البربري توزيعتهم كالاتي 4 في الشنطه و5 في الكنبه الخلفيه و2 علي الكرسي الي قدام
Wael Farid تلاجة ايديال 10 قدم في 1100 موديل 62 دا في الشنطة ومرة تانية عالكنبة غسالة فول اوتوماتيك تعبأ من الامام تقيلة طبعا علشان الحجر اللي فيها ومرة سيراميك ومرة يمكن 7 فيها الله يرحمها بقي اتباعت
Tito Fouda انا حطيط فى شنطه العربيه خروف هههههههه
Mohamed Salah انا حطيت 4 معيز
Hossam Diesel أكبر حمولة كانت معزة هههههههه
Mahmoud Mohamed Ali اكبر حمولة كانوا 6 اشخاص في عربية 127 ومنهم 2 من اصحاب الوزن الخفيف اللي فوق ال 100 ^_^
Hossam Diesel اكبر حمولة معزة هههههههه
ومستر كريم بيضحك وبس
دي كل الكومنتات الي موجوده هناك
هو احنا زي .............. نمد لبره مالمنتدي زي الفل ضروري نروح الفيس بوك ونتشحطط كدة حنبقي عاملين تجمهر ويقولولنا فين اكونتاتكو انت وهو هههههههههههه
طن اسمنت
2 برميل مياه
6 عرق خشب
3 كوريك
2 فاس
و شوية رفايع تانية مش فاكرها
و الركاب 2 صنايعي بنا
و 2 عمال
و العربية ..................... الاسد 504 استيشن
لا انا عربيتي يا فاضيه خالص
يا مفيهاش خرم ابره فاضي d:
من شهرين كدا كنا راكبين فيها 8 , انا سايق و جنبي 2 و ورا قاعد 5
و الشنطه كانت فيها شويه حلل و اطباق و حاجات كتير كدا
المهم كان مشوار من مصر الجديده للمعادي d: نزلت م العربيه يوميها حاسس اني مقسوم نصين d:
العربيه طبعا الاسطوره 131 p:
ربنا يقومها بالسلامه
الجمل دا ممكن يكون لعبة للاطفال ولا تمثال مثلا
8 اشخاص منهم 3 اطفال
السيارة سيات ابيزا
عربيتى الالنترا اكتر حموله 4 اشخاص
لاكن الفيتارا اللى اتسرقت ربنا يعترنا فيها
ماتورين بفتيسهم موتور الفيتارا بالفتيس وموتور فورد اسكورت 98 بفتيسها وانا وابويا واخويا
الله يرحمها كانت وحش
بس الكومنتات مسخرة بجد
عيزين تتفرجو العربيات بتشيل كام واحد والحمواله والكلام دا
يوم الوقفه بليل او العيد الصبح واقف علي اي طريق سريع واتفرج بقئ تلاقي يا عيني العربيه بركه علي الارض مش بتمشي
انا والكوريك والاستبن ومفتاح العجل .....وياريتها كمان راضيه تمشى ........وبتسخن كمان فى المطالع ...انا عارف ان دا حمل زياده عليها بس اعمل ايه ......انا بفكر حتى انزل انا واسيب الكوريك ومفتاح العجل يكملو هما يمكن تجرى..........بس الصراحه ربنا يبارك فى الاخترع ال 128 . معرفش هو اخترعها ليه الصراحه ..
الاكسيل شيلت فيها قنطار قطن بحالة
نصف قنطار في الشنطة، ومتقفلتش طبعًا
والنصف التاني على الكنبه الخلفية وكنت لازق الكرسي في الدركسيون ومش شايف أي حاجة في مراية الصالون
Vehicle : 2010 Nissan Sunny ,Loaded With 5 average men , including me .. And 25 personal computer case ( desktop type ) the boot carried around 20 and the others was in the saloon xD ,, had no problem driving home ( i trade used computers ) ,, its nice car and fine suspension system
شلت مكتب صغير قبل كده في عربية ماروتي كانت عندي , وبعد مانزلته مكنتش مصدق انه كان جوه العربية و الشنطة مقفولة كمان , بس طبعا كنت منزل الكنبة
كانت عربية واحد صاحبى نوعها فيات 1300 كان فيها 13 شخص كبير من عمر 20 الى 30 سنة وكنا رايحين نلعب كورة فى مركز شباب
كان معايا بولونيز يا معلم و مش اكتر مرة بس اللى فاكرة " كلنا كنا 4 افراد و 100 شنطة رمضان من عند خير زمان "
كنت فى فرح و عربية خلعت لبست الناس كنا 8 انا سايق و اتنين جنبى وواحد طالع من الشباك و 4 ورا و منهم 3 احجام عائلية فى لادا 2107 الله يمسيها بالخير
30 لفه سلك + شنيور + كوريك السياره + هيتاشى + هيلت + عدة كعربائيه " صاروخ + أجن و شواكيش + بنس مفكات + 9 لفات خرطوم اللفه حوالى 4.5 كيلو ولفه السلك من 2 كيلو إلى 5 كيلو 3 مللى و 6 مللى
و 4 سلالم على السقف و 6 ركاب دا الطبيعى كل يوم
العربيه فيات 131 الأسطوره
يوم بقى ركبنا نفس الحاجات دى وأكتر و 10 انفار بالسواق
العربيه جابت مساعد ورا يمين وكانت بتحك فى أى مطب من تحت لحد ماجابت شداد علبة الأوستيليك
السلام عليكم ورحمة الله وبركاته مفيش اكبر من شنطة الشيرى لما تقلب الكراسى شلت فيها 500 كيلو وشيلت ثلاجه lg للبيت وبشيل فيها حجات طويله 2 متر رغم انها صينى لكن ليها مميزات كتيررررررررررر عربيه ملاكى وتقلب الكراسى نقل والحمد لله ربنا يبارك فيها ويكفينا جميعا شر الطريق امين
مرة في تريوس من ١٣ سنة ركبت ١٢ واحد غيري و نيمنا الكنبة و سافرنا المنوفية عشان خطوبة صاحبنا
ولحد دلوقتي والله على ما اقول شهيد معرفش ده حصل ازاي ،، بس أيام الجامعة و الشباب كنا نعمل اي شيء !!