المشاركة الأصلية كتبت بواسطة karim ibiza
لو موتورك القديم كان كويس معاك قبل ما يبوظ وكنت مبسوط من ادائه يبقى اعمل عمره ويبقى كده انت ملعبتش فى الفبريكة بتاعت العربية عشان لو حبيت تبيع مايجيش واحد يقولك ايه ده؟؟ انت مغير الموتور؟؟ وخصوصا الفوكس حلاوته لما يكون على طبيعته بال 1300 بتاعه لان الموديل ده مش موجود منه كتير ونادرا انك تلاقى منه نضيف لكن ال 1000 موجود كتير ومفيش مشكلة لو غيرتله موتور لان ال 1000 ضعيف على الحجم ده وبعدين اللى معاه 1000 هيجيب 1400 او 1300 وهيحس بفرق لكن انت 1300 ولو حطيت 1400 اكيد هتحس بفرق بس مش اللى هو, يبقى عشان تحس بفرق هتسقط 1600 ولازم تجيبه بكل مشتملاته حتى طرمبة البنزين والشكمان والعفشة وياسلام لو الفتيس الاوتوماتيك بتاع البولو الصالون و 101 حصان وتكييفه بس طبعا هيكون اكتر من 5000 جنيه لانك هتجيب نص كامل