عايز حداد يعملي قفص للعربيه :(
انا خلاص هنفجر :crying2:
ايه الحياه الي كلها خبط ورزع وقرف ربنا ينتقم من كل واحد مهمل في عربيته وسايبها تضر غيره
انا من يومين اتخبط مرتين في يوم واحد وقولت عادي والحمد لله وربنا يسترها ومن يومها ركنت العربيه ومخرجتش
النهارده كنت في البلد بعد الفطار وبالتحديد عند مستودع الغاز بتاع عمي وراكن العربيه بعيد عن العربيه الكبيره وعن الناس الي بتحمل وبتشيل انابيب
احنا عندي مساحة ارض جمب البيت كبيره جدا تتعمل بركنج كبير وزي الفل ومع ذلك ركنتها في مكان لوحدها
واذا بواحد بيفهم مالي عربيته النص نقل انابيب مليانه وركن قدامي بحوالي 3 متر نزل من العربيه وشادد فرامل اليد بس للاسف فرامل اليد تقريبا سابت والعربيه رجعت علي عربيتي
:I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]:
تخيلو منظر الشاهين كدا
لما عربيه زي دي ترجع عليها
ابن عمي بيقولي عربيتك اتخبطت
سبت العصير ونزلت اجري ببص لقيت منظر :hug3: بين العربيتين
الشبكه والاكصدام والفنوسين والكبوت في حته حلوه كدا
ووقفت مبلم :11:
ولاد عمي بتاع 15 واحد عيزين يضربو الواد الناس مش عارفه تحوش فيهم والي بيطول الواد بيضربه خبطه وانا مبتكلمش
وانا واقف مش عايز اتحرك وبفكر انا عملت ايه عشان يحصلي كدا ؟؟؟
انتو في حد منك زعلان مني انا زعلت حد فيكم في يوم؟؟؟
انا شوية وهمشي في الشارع اسأل الناس بجد انا اتخنقت