بارك الله فيك يا اخ حاتم و لما تستلم العربية ادينى الو و خصوصا لو قررت تروح تعمل الفرش عند جينز كار عشان احاول اعمل الواجب معاك
عرض للطباعة
الف مبروك يا دوك .. وانا اول واحد حشوف الفرش .. قبل ما تنزله .. لان حشوفه على الكاميرا بتاعت الحاج احمد لو كان مصورها
وسامحنى اتزنقت النهاردة ومعرفتش اجى اسلم عليك واتعرف عليك ..
والف مليون مبروك على الفرش .. ومستنين موضوع منفصل بقا عن ده
تحياتى ليك
وحنتنظرك باذن الله فى الفطار الجماعى للموقع يوم 3/8 باذن الله
تم بحمد الله الانتهاء من الفرش عند جينز كار بنجاح و بمستوى ممتاز
العربية بقت حاجة تانية خاااااالص
و بعون الله حعمل موضوع جديد مدعم بالصور
انتا فيييين يا راااااجل
ده الحاج احمد سال عليييك
و قعد يقول فيك شعر
بس بامانة مقالش فيك لوحدك قال في بيشوى (peace man ) كمان
الحاج احمد كان مهتم جدا بسبب مكالمتك ليه عشانى و الراجل اكرمنى لدرجة انى كنت مكسوف من كتر الكرم ده
و ان شاء الله هتوصلنى الصور الموجودة على كاميرا الحاج احمد لان الصور بتاعته عالية الجودة فعايز احطها فى الموضوع الجديد عشان الاعضاء تستفيد
و اهو نرد شىء من جمايل الحاج احمد و نرد للمنتدى شىء من افضاله علينا
الف مليوك مبروك يا دكتور .. يواريت تبعتلى ايمالك على الخاص .. لان صورك بين ايدى الان
وموجودة معايا على فلاشة ..
والحاج احمد حكالى على كل حاجة .. وهو كمان شكر فيك جدا والله
والف مليون مبروك
وياريت التقى بحضرتك فى اقرب فرصة عشان اتشرف بيك عن قرب
تحياتى
الف مبروك يا دكتور و منتظرين التقرير علي احر من الجمر :))))))
سؤال محيرنى يا جماعة
ليه بتعملوا فرش ارضيات السيارة؟؟
يعنى فرش للصالون - كسوة يعنى لحماية الفابريكة و بيكون شكل اشيك و جلد حتى لو مش طبيعى
لكن للارضيات و السقف و الابواب ليه؟؟
وده مش بيقلل من قيمة العربية عند البيع؟؟؟
ما حدش قال اننا عملنا حاجة فى السقف بتاتا
و الابواب دى كنت احيانا بتتعمل فى بعض العربيات اما انا ما عملتهاش و اعضاء قليلة هى اللى عملتها و فى بعض العربيات اللى مش تحتاج انك تقوم بلصق الفرش على الباب
الارضية جلد بتركب فوق الاصلي بتتفصل على تفاصيل الارضية حتت جلد ثم تلصق فى بعضها البعض
لكن اما تتركب مش بتكون لاصقة على الارضية الاصلية الكراسى و العتب و الحجات دى هيا اللى بتثبتها فى مكانها و ممكن تشيلها فى اى وقت
الفرش بالكامل بيتعمل بحيث ممكن تلغيه فى اى وقت و العربية ترجع كان شىء لم يكن