شلل مرورى على "الدائرى" لاستمرار أهالى صفط اللبن فى قطع الطريق!!

ازيكم يا جماعه عاملين ايه , كل سنه و انتم طيبين - النهاردة بقي حصل معانا موقف غريب جدا , بعض أهالي صفط اللبن قطعوا الدائري علشان المياة مقطوعه بقالها فترة !!
وفضلنا محبوسين علي الدائري حوالي ساعتين (دة كمان بعد ما لفيت في الاتجاة التاني من اقرب فتحه) اما الناس اللي كملت في الطريق يمكن خدت 3 ساعات او اكتر كمان
وفيه ناس كانت عيانه و معاها حالات مرضيه و لا حياة لمن تنادي و بنات لوحدهم في السيارات و أطفال في اتوبيسات رحلات و اللي وراة مشوار مهم واللي وراة سفر و الخ
انا طلعت علي الدائري من ميدان لبنان حوالي 11 و نصف مساء و نزلت منه 1 و نصف صباحا (نزلت علي ميدان لبنان تاني ) !!
ووصلت ميعادي علي 2 صباحا بدلا من 12
مش حرام اللي بيعملوة دة ولا ايه و الفلوس اللي ضاعت في حرقه البنزين شوف كام الف عربيه كانت هناك و كل واحد وله ظروفه .
و دة لينك الخبر علي اليوم السابع :
[url=http://www1.youm7.com/News.asp?NewsID=739401&SecID=12]

اللي قطع طريق أصلا المفروض يضربوه بالنار
و الله العظيم الناس مش هاتطبل تعمل الحركات الزبالة دي إلا بالقوة و ردع القوة للشعب المصري المتخلف .

كل شوية تلاقي واحد قاطع السكة الحديد ........ و شوية قاطعين الطرق العامة ....... و شوية عايزين بونبوني يقوموا يحدفوا طوب على العربيات اللي ماشية .

شعب مش بيجيي غير بالقوة ........ لازم شوية ضحايا و بقية ولاد %@^#%@#^ هاتخاف .


أضرب المربوط يخاف السايب .
إنما نظام الطبطة و معلش ...... و هانشوف ........... مش بيجيب نتيجة غير نتائج عكسية .

وبرضوا مش حل ومش طبيعى نسيب الناس من غير مياه لمده كام يوم انت شخصيا تقدر تعيش من غير مياه كام ساعه لازم نحل المشكله من اساسها اسلوب الناس غلط طلعا وبرضوا لا يجوز حرمان الناس من اقل حقوقها المعيشيه ال هيا الكهرباء والمياه

ما هي الحكومة اللي مش وفرتلهم المياه هي نفس الجهة اللي سايباهم يقطعوا الطريق بدون عقاب
يعني هما اصلا سبب المشكلة ازاي نستنى منهم الحل

والله الواحد خايف ينزل النهاردة ليكونوا قاطعين الطريق تاني !!

حد يعرف المشكله بتاعه المياة ديه اتحلت ولا لسه ؟- لو حد عندة اخبار جديدة يا ريت يقولنا

اقتباس:

---

المشاركة الأصلية كتبت بواسطة tutankhamoun

اللي قطع طريق أصلا المفروض يضربوه بالنار
و الله العظيم الناس مش هاتطبل تعمل الحركات الزبالة دي إلا بالقوة و ردع القوة للشعب المصري المتخلف .

كل شوية تلاقي واحد قاطع السكة الحديد ........ و شوية قاطعين الطرق العامة ....... و شوية عايزين بونبوني يقوموا يحدفوا طوب على العربيات اللي ماشية .

شعب مش بيجيي غير بالقوة ........ لازم شوية ضحايا و بقية ولاد %@^#%@#^ هاتخاف .


أضرب المربوط يخاف السايب .
إنما نظام الطبطة و معلش ...... و هانشوف ........... مش بيجيب نتيجة غير نتائج عكسية .

---

حضرتك جرب تقعد من غير مية في الصيف والحر وكمان في رمضان !!! تكلم شركة المية مفيش حل تكلم الشرطه مفيش حل تكلم ديوان المظالم مفيش حل. هتعمل ايه ؟

اصل انا مجرب الموضوع ده وعملنا كل الي يتعمل في الدنيا وفي الاخر الحي بتاعنا الي مقطوع فيه المية بقالها شهور رحنا عملنا اعتصام عند شركة المية لغاية لما المية جت !! بس المفروض يختاروا مكان غير الدائري يعملوا فيه الموضوع ده عشان صوتهم يوصل للمسؤولين

اقتباس:

---

المشاركة الأصلية كتبت بواسطة mahmoud_afifi

حضرتك جرب تقعد من غير مية في الصيف والحر وكمان في رمضان !!! تكلم شركة المية مفيش حل تكلم الشرطه مفيش حل تكلم ديوان المظالم مفيش حل. هتعمل ايه ؟

اصل انا مجرب الموضوع ده وعملنا كل الي يتعمل في الدنيا وفي الاخر الحي بتاعنا الي مقطوع فيه المية بقالها شهور رحنا عملنا اعتصام عند شركة المية لغاية لما المية جت !! بس المفروض يختاروا مكان غير الدائري يعملوا فيه الموضوع ده عشان صوتهم يوصل للمسؤولين

---

ايوة بس مش معني كدة برضو يعطلوا الدنيا - الناس في الاسعاف ذنبها ايه و ممكن يكونوا ماتوا؟
الناس اللي كانت مسافرة الفيوم و الصعيد و اسكندريه ذنبهم ايه يتعطلوا 4-5 ساعات و يمكن يكونوا معرفوش يسافروا كمان.
فلوس الملاين اللي ضاعت من الوقفة و حرقه الدم

يعني هي جت علي اهالي صفط
ما البلد كلها عامله اضراب عايزين اكتر من انهم قلبوا القطر وخرجوه عن القضبان
البلد كلها عيارها فلت
قتل وضرب نار وسحل للبني ادمين في الشوارع
كله بيضرب في كله ومفيش حد فاهم حاجه مين مع مين ومين ضد مين
وعليه العوض وحسبي الله ونعم الوكيل

اقتباس:

---

المشاركة الأصلية كتبت بواسطة mi22do

ايوة بس مش معني كدة برضو يعطلوا الدنيا - الناس في الاسعاف ذنبها ايه و ممكن يكونوا ماتوا؟
الناس اللي كانت مسافرة الفيوم و الصعيد و اسكندريه ذنبهم ايه يتعطلوا 4-5 ساعات و يمكن يكونوا معرفوش يسافروا كمان.
فلوس الملاين اللي ضاعت من الوقفة و حرقه الدم

---

ما انا قولت المفروض يختاروا مكان غير الدائري يا كبير :)
انما الفعل نفسه لا بد منه عشان البلد ال%^&% الي مافيش حد بياخد حقه بالذوق.

اقتباس:

---

المشاركة الأصلية كتبت بواسطة mahmoud_afifi

حضرتك جرب تقعد من غير مية في الصيف والحر وكمان في رمضان !!! تكلم شركة المية مفيش حل تكلم الشرطه مفيش حل تكلم ديوان المظالم مفيش حل. هتعمل ايه ؟

اصل انا مجرب الموضوع ده وعملنا كل الي يتعمل في الدنيا وفي الاخر الحي بتاعنا الي مقطوع فيه المية بقالها شهور رحنا عملنا اعتصام عند شركة المية لغاية لما المية جت !! بس المفروض يختاروا مكان غير الدائري يعملوا فيه الموضوع ده عشان صوتهم يوصل للمسؤولين

---

أنا أصلا مش معترض أن قطع المياه عن الناس غلط جدا ...... مفيش حد يقدر يقعد من غير مياه كام ساعة مش كام يوم .

أنا بتكلم عن مبدء قطع الطرق اللي بقى أسهل حاجة في البلد .

تعالى نفرض أن فيه واحدة حامل في طريقها للمستشفى و البهوات قاطعين الطريق .
تعالى نفترض أن فيه واحد بيموت في سيارة أسعاف و مش عارف يروح المستشفى علشان البهوات اللي قاطعة الطريق.
شوف بقى كمية البنزين اللي أتحرق و العطلة و الناس ملهاش أدنى ذنب .

روح أدام شركة المياه أعمل ما بدالك بدون برضه ما نعمل أذى لممتلكات الدولة (ممتلكات الشعب ) .

إنما قطع الطرق .............. دي مصيبة و حلت على البلد .

كله غلطان بس لو علي الناس اللي اتعطلت والناس اللي كان ممكن تموت فهما برده ممكن يكون عندهم ناس ماتت من قلة المياه وناس مرضي وناس في مستشفيات او في مستوصف او عياده

انا جربت قطع المياه ده يومين كنت هتجنن فبلاش نلوم الناس لانهم بيطالبو باقل حقوقهم وهي الأكل والشرب ياجماعه

اقتباس:

---

المشاركة الأصلية كتبت بواسطة shaddadfalcon1

كله غلطان بس لو علي الناس اللي اتعطلت والناس اللي كان ممكن تموت فهما برده ممكن يكون عندهم ناس ماتت من قلة المياه وناس مرضي وناس في مستشفيات او في مستوصف او عياده

انا جربت قطع المياه ده يومين كنت هتجنن فبلاش نلوم الناس لانهم بيطالبو باقل حقوقهم وهي الأكل والشرب ياجماعه

---

لو كل واحد هايطالب بحقوقه بأغتصاب حقوق الغير .
يبقى ربنا يرحم مصر .

المبدء ده بيفكرني بمبدء الصعادية في أخذ الثأر .

لازم واحد من العيلة يموت (مش مهم هو القاتل و لا لاءة ...... و مش مهم هو مذنب و لا لاءة ....... المهم أنه من عيلة المذنب .)

لا حول ول قوة إلا بالله .

معلش ممكن أديكم مثال .

أنا عندي المياه قطعت يوم كامل
هل ده يديني الحق أطلع على أقرب طريق و أقوم قاطعه على الناس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

و لا أروح الحي مع المتضريين مثلي و نعمل مظاهرة هناك أو حتى نعمل محضر في قسم الشرطة ضدهم و لا أي تصرف تاني بس من غير ما أذي ناس لا لها في الطور و لا في الطحين .
ناس لا ناقة و لا جمل لهم .

و مش معنى أن عندي واحد مات من قلة المياه ........ أطلع أقطع الطريق و أخلي واحد ملوش ذنب يموت في عربية أسعاف علشان أنا عندي واحد مات ؟؟؟؟؟؟؟؟؟؟؟؟؟؟؟؟؟؟؟؟؟؟


يا جماعة كلنا بربطة المعلم نتقى الله فيما نقول و نتقى الله في غيرنا .
مش معنى أن واحد مظلوم ............ يظلم ناس ملهاش ذنب معاه .

اقتباس:

---

المشاركة الأصلية كتبت بواسطة tutankhamoun

أنا أصلا مش معترض أن قطع المياه عن الناس غلط جدا ...... مفيش حد يقدر يقعد من غير مياه كام ساعة مش كام يوم .

أنا بتكلم عن مبدء قطع الطرق اللي بقى أسهل حاجة في البلد .

تعالى نفرض أن فيه واحدة حامل في طريقها للمستشفى و البهوات قاطعين الطريق .
تعالى نفترض أن فيه واحد بيموت في سيارة أسعاف و مش عارف يروح المستشفى علشان البهوات اللي قاطعة الطريق.
شوف بقى كمية البنزين اللي أتحرق و العطلة و الناس ملهاش أدنى ذنب .

روح أدام شركة المياه أعمل ما بدالك بدون برضه ما نعمل أذى لممتلكات الدولة (ممتلكات الشعب ) .

إنما قطع الطرق .............. دي مصيبة و حلت على البلد .

---

انا مش معترض على كلام حضرتك بدليل اني قولت كده في اخر سطر في كلامي :)
انا بس الي بوضحه ان الاعتصام لا بد منه بس قدام المسؤولين. يعني احنا مثلا لما حبينا نعتصم عملنا الاعتصام قدام شركة المية ومن غير ما نقطع الطريق ولا نروح عند بيت الريس مع انه جنبنا مفيش 5 دقايق