الموضوع: اقتراح مروري !

كانت جتلي فكرة قبل كدة
وخصوصا ان اخوكم غاوي مرازية في الكائنات اللي بتمشي غلط عمتا
يعني اللي ماشي عكس والل ماشي موسطن نفسة ولا معروفلة حارة يمين ولا حارة شمال
الخ الخ الخ
وجه في بالي
لية ميبقاش المرور مدني او جهاز مدني
بمعني ان المرور يبقي جهاز مستقل عن الشرطة
ولية كمان ميبقاش احنا
الفكرة باختصار شديد انا مثلا واحد من الناس معظم مشاويري سفر
ومعظم الايام الاخري فاضي بلف من غير هدف
ان مثلا بعربيتي الملاكي عشان يبقي تموية ويكون راكب معايا 2 ظابط وعسكري او امين
وانا ماشي عادي جدا رايح مشواري يبقي فيه زي تشك بوينتس كدة
انا عارفا اني لخبطكم بس نفترض اني رايح اسكندرية هيكون راكب معايا من له صفه الضبطية القضائية وانا ماشي في الطريق اكيد هيقابلني حاجة غلط والا مبقاش عايش في مصر
مثلا تريلا ماشية شمال وفوق السرعة القانونية اقوم انا واقف قدامها وموقفها والظابط يحرر المخالفة وتكون مخالفات رادعة يعني العربية تتسحب وقتي
واول موصل المكان ال شيك بوينت بتاعتي اللي هي مثلا رايح مشوار في الاسكندرية بسيب الظابط في مكان معين ويجي واحد اخر غيري وهكذا
وطبعا في وقت فراغي معنديش مانع اني انزل بردة واعمل كدة
بكدة يبقي كله هيخاف لان محدش عارف مين بقي مين ولا مين هيعمل اية وكلنا هنلتزم بالقانون لانك ممكن مرة واحدة يطلعلك حد ويوقفك
وطبعا نبقي متحضرين وكل حاجة تتصور
وبكدة يبقي عاوزية ظباط شرفاء وسائقين محترفين
فكرة عجيبة وغريبة شوية بس اية رائيكم
ونسيت اجاوبكم طيب والبنزين والعربية زنبهم اية ؟
هقولك امال انا قلت مخالات رادعة لية ؟ يعني السرعة بدل ما 150 تبقي 300 فوري 150 للعربية والباقي لتنمية الجهاز
فاهمني ؟
وطبعا مش هتبقي عربيات بس
اكيد بردة هندخل الدرجات النارية فيهم :d:d:d:d منحاز لقسمي بقي
ومش هيبقي فيه العالم اللي احنا عارفينهم بتوع الشعر الملولو والاغاني الشعبي علي الصيني
طبعا مع احترامي لكا فئات الشعب معادا دول
ومش معني كدة اني بخبط في الصيني لا عشان محدش يفهمني غلط

المشاركة الأصلية كتبت بواسطة semi

عندك حق مفكرتش في موضوع ان الاجهزة تتقلب
اذا كان سلات الزبالة والعواميد العاكسة بتتقلب
بس ممكن يثبتوها بالاشارات كانوا طبقوا الفكرة في بعض ميادين مصر
ومنها اشارة روكسي مثلا كاميرات متثبة اعلى الاشارة
وكانت عاملة شغل جامد اوي عايز ااقولك مفيش حد يجي نحتها الا وهو رابط الحزام
ومتأكد ان عربيته سليمة لا والكبيرة بقى ميعديش الخط الابيض
فده مثال على تطبيق تكنولوجيا والناس اللي مش التزم بالادب التزم غصبا عنه
بس بعد الثورة مباشرة الكاميرات دي اتعطلت ومعتقدش في نية لاصلاحها
وده يعكس تقاعس المرور عن اداء دورها
لكن العنصر البشري مينفعش لانه مهما كان بشر ولو خد ياله من واحد مش هياخد ياله من عشرة
يعني لما كل العربيات اللي بتعدي من تحت اشارة مثبت عليها كاميرا محترمة
الارقام تتصور والسرعة يتم تحديدها واذا كان العربية في اشارات مكسورة او لا
وهل رابط الحزام او لا ومن الارقام هل العربية رخصتها منتهية هل مسروقة يتم الابلاغ عنها لاقرب كمين
ده مثال بسيط على التكنولوجيا واللي هتوفر كتير على العنصر البشري
اللي بيتزرع في مكانه في عز الظهر ولمدة 10 ساعات حاجه غير ادمية
ومش تقولي حد يلتزم لان عن نفسي لو انا مسافر وعارف ان مفيش ردار هكسر السرعة من الاخر كده

انا عارف يا فندم
هو طبعا خير الامور الوسط شوية تكنولوجيا مع شوية ايدي عاملة وطبعا مش ال 10 ساعات
دا حتي قانون العمل بيقول ممنوع تشغيل اي حد اكثر من 8 ساعات و4 ساعات متواصلة
مهو للاسف حاجة مترتبة علي حاجة
وبخصوص السرعة يا فندم من منا لا يكسرها وانا بعترف اني عمري ما مشيت علي طريق سفر الا وانا متخطي السرعة القانونية مش بلطجة لا لان الطريق يسمح ولو فضلت بالسرعة القانونية هنام المفروض هما يحترمونا بقي ويشيلو الردارات من بعض المناطق والطرق يا سيدي مش الطريق كله
دا حتي في الاتوبان ولا معرفش اسمة اية بتاع المنيا مش كله اقفل فيه العداد فيه مناطق مفتوحة السرعة ومناطق سرعة محددة
للاسف احنا بنرجع ورا بقوانينا مش لقدام
واحب اضيف كمان حاجة يا فندم
هي ان السواقة والرخصة اهم من كل اللي فات
بمعني ان المدارس اللي بتعلم القيادة عليها 90% من الغلط لانها بتعلم تعليم غلط
وال 10% علي وحدات الترخيص لانها بتطلع رخص لناس لا تفقه شي في فن القيادة