عربية بتسخن فى الجرى ام فى زحمة وسط البلد مش بتسخن

**ehab_osman** · 25-06-2008 02:00 PM

السلام عليكم اخوانى الاعزاء
انا عندى عربية اسكودا 1997 وعاملة 285 الف كم .....ومشكلتى انها بتسخن مجرد ما امشى بها فى طريق طوالى سواء صباحا او مساءا .... ام فى زنقة وسط البلد او فى اى مشرور اخر قريب لاتوجد مشكلة .... يعنى ما اقدرش اسافر بيها الى خارج القاهرة .... وباعتبارى من سكان 6 اكتوبر بيحصل ان العربية بتسخن وبتعدى الحرارة 105 درجة ... فى هى المشكلة افادكم الله .

ايهاب عثمان

25-06-2008 04:34 PM

اكشف على الردياتير وضغط الطلمبه

**Ahmed Selim** · 25-06-2008 04:50 PM

أنا حصلت معايا قبل كده فى عربيتى القديمة ( بى أم )

المشكلة كانت فى كلتش المروحة ( المفروض يكون سرعتين كان بيشتغل سرعة واحدة وميعرفش ينقل على الأسرع لما تكون العربية محتاجة تبريد أعلى)

**ehab_osman** · 26-06-2008 08:49 AM

شكرا اخوانى الاعزاء على الاهتمام .... انا عملت كل حاجة الراديتر و طلمبة المياه ، بس موضوع كلتش المروحة حروح للميكانيكى يارب يكون هو المشكلة....

**ehab_osman** · 27-06-2008 03:49 PM

روحت للدكتور بتاعى ... اقصد الميكانيكى وقال لى السكودا جر امامى ومروحة التبريد بتدور بمحرك كهربى و سرعة واحدة فقط وليس سرعتين .. وان عيب السخونة من وش السلندر وعايزة يغيره.... انا لم اوافق ؟؟؟؟

**shevechinco** · 30-06-2008 03:33 PM

اغسل الريدياتير بتاع السيارة و فرغ دورة الهواء في الردياتير وممكن تعمل دة في موبيل الي العجوزة فوق نفق الشيراتون دة حصل مع واحد صحبي في عربية فليشيا

30-06-2008 03:56 PM

بص ياخى الفاضل

طبعا فى اسباب جمه ....لسخونة السياره عموما
لكن كون ان العربيه بتسخن فى الطوالى...او على سرعات فقط

فا الاسباب كالآتى

1-الردياتير..واول حاجه هتروح تغسله كويس وتغسل دورة الميه كللها وتاخد هوا كويس

2- اكشف على ضغط طلمبة الماء

3-اكشف على منسوب الزيت ودرجة لزوجته

لو كلله تمام..

ومازل العيب قائم

يبقى أأسف انى أقول لك...انه جوان وش السلندر

والله اعلم

**ehabthefirst** · 30-06-2008 04:22 PM

المشاركة الأصلية كتبت بواسطة ehab_osman

روحت للدكتور بتاعى ... اقصد الميكانيكى وقال لى السكودا جر امامى ومروحة التبريد بتدور بمحرك كهربى و سرعة واحدة فقط وليس سرعتين .. وان عيب السخونة من وش السلندر وعايزة يغيره.... انا لم اوافق ؟؟؟؟

بص يا سيدى دور العربيه و هى بارده و افتح غطاء الردياتير و زود بنزين و بص بعد كده فى الردياتير
لو لقيت فقاعات هواء صغيره خارجه من الردياتير
يبقى فعلا وش السلندر هو السبب

30-06-2008 04:30 PM

المشاركة الأصلية كتبت بواسطة ehabthefirst

بص يا سيدى دور العربيه و هى بارده و افتح غطاء الردياتير و زود بنزين و بص بعد كده فى الردياتير
لو لقيت فقاعات هواء صغيره خارجه من الردياتير
يبقى فعلا وش السلندر هو السبب

مش شرط يا ايهاب باشا..ممكن تكون العربيه واخده هوا...هتعمل كدا بردو

انما الجوان مش فقاعات بقى..لا الماء كلله هتلاقيه بيفور من القربه..او غطاء الردياتير

وممكن كمان..يكشف على الزيت..يلاقيه عامل طحينه...بسبب اختلاطه بالماء

لكن ساعات جوان وش السلندر بيبقى فيه تنفيث...وما يعملش اى عيب من دول

ساعتها بيبان امتى بقه؟؟؟

لما يحصل اللى بيحصل مع اخونا حاليا

ودا احد الاسباب طبعا اللى سبق وذكرناها