صباح الخير يا اخوانى
شركات توريد السولار للفنادق ابتدت امبارح تبعت اشعار باسعار جديدة زيادة 25% من أول سبتمبر.
غالبا و الله اعلم ممكن الزيادة تطول السولا و البنزين فى المحطات
ربنا يستر.
عرض للطباعة
صباح الخير يا اخوانى
شركات توريد السولار للفنادق ابتدت امبارح تبعت اشعار باسعار جديدة زيادة 25% من أول سبتمبر.
غالبا و الله اعلم ممكن الزيادة تطول السولا و البنزين فى المحطات
ربنا يستر.
غالبا يا حسام هايحصل وكان لازم الخطوة دي من فترة
معتقدش ان البنزين او السولار فى المحطات هيزيد
مرسى مش هيعمل كدة لان الناس هتكرهه جدا
هى السياحه ناقصه؟ بدل ما يشجعوها علشان تجيب دخل للبلد بيغلوا سعر السولار؟ كتير من الفنادق استغنت عن العماله علشان ما تقفلش و طبعا زياده السولار هتضطرهم يرفعوا الاسعار و هتأثر كمان فى النقل و فى اسعار كل حاجه بتقدم للنزلاء
لو على الفنادق زى بعضه
بس هيه الفنادق بتعمل ايه بالسولار ؟؟؟
ليه كده بس يا صديقى، ده كل الفنادق حالتها تصعب على الكافر و بنعانى معاناة مش طبيعية.
استخدام السولار فى الفنادق حسب تجهيزاتها و امكانياتهات، يعنى اغلبها بتستخدمها فى تشغيل الغلايات و مولدات الكهرباء الاحتياطية اللى استخدمها زايد جدا اليومين دول نتيجة قطع الكهرباء المتكرر، كمان بيستخدم فى اتوبيسات نقل الموظفين و محطات تحلية المياة و حاجات تانية كتير.
النقطة الرئيسية ان اسعار كل الخدمات بتزيد على الفنادق بصفة منتظمة، يعنى على سبيل المثال متوسط تكلفة المياه بارد و ساخن و الكهرباء للغرفة فى فنادق ال5 نجوم فى شرم حوالى 160 جنيه فى الليلة، و الاسعار فى الارض و زود بقى تكلفة الأكل الشرب و الخدمات و المرتبات و بنود مالهاش حصر، كل ده ما بيتغطاش باللى بيدفعه العميل، اصحاب الفنادق بيدفعوا من جيوبهم بقالهم شهور و قربت نقطة الانفجار، هيبقى احسنله يقفلها و ده حصل و هيحصل بوتيرة متصاعدة لو البلد ما استقريتش قريب جدا.
ليه السولار و البنزين غالي جدا في مصر ؟
لتر البنزين في السعودية بكام ؟ و السولار بكام ؟
و سعره في مصر
وزارة البترول كدابين و بيالفوا اي قصص و خلاص لتبرير رفع الاسعار و اختلاق ازمات بنزين و سولار
عايزين مقارنة بنودها :
تكاليف الانتاج ..... تكاليف النقل ,,,,,, سعر البيع ... كل ده بالمقارنة مع متوسط الدخل و متوسط عدد السيارات في البلدين ....
لو حد راح فنادق قريب هيلاحظ انه تم تقليل العماله بشكل كبير و العماله التى لم يتم الاستغناء عنها بتقوم بتغطيه اماكن الناس اللى مشيت و كل دى محاولات لضغط النفقات و طبعا بيكون لده تأثير على سرعه و جوده الخدمه المقدمه و يمكن اللى بيخللى السياح تخاطر (من وجهه نظرهم) و تيجى انخفاض الاسعار بالاضافه الى المعالم السياحيه الكتير و خاصه مع الازمه الاقتصاديه فلو كمان الاسعار ارتفعت ده هيؤدى الى عدم قدومهم لمصر اساسا و البدائل هتبقى عندهم كتير : تركيا - لبنان .... و باسعار ارخص كمان. هنبقى عاملين زى اللى ذبح الدجاجه اللى بتبيض. كل يوم بيضه دهب علشان ياخد الدهب كله مره واخده و فى الاخر ما اخدش اى حاجه و لا حتى البيضه اليتيمه اللى كانت بتجيله كل يوم :fdsa:
ياريت، طب ايه رأيك اننا بقالنا 3 شهور و العادى بتاعنا فى شرم انك تقف فى طابور البنزين بالساعة، اما طابور السولار، فحدث ولا حرج، اقصر طابور بيبقى 2 كم، اتوبيسات سياحة و عربيات نقل و ميكروباصات سياحة و عادى و عربيات السفارى و قول للصبح.
للأسف اغلب الوقت بنضطر نستخدم السولار المخزت لاتوبيسات الموظفين علشان لو الاتوبيس وقف فى الصف 3 ساعات الدنيا هتتلخبط.
اما حال الفنادق، فده عاوزه مجلدات، اديلك مثال على زميل كان بيبكى فى مكتبى من يومين، راجل فوق الخمسين، شغال فى المهنة من 30 سنة، مشرف نقل حقائب فى الاستقبال، قبل الثورة كان دخله كمرتب + بدل الخدمة + بقشيش + ارباح بيعمله فى الشهر متوسط حوالى 3000 - 3500، و عنده 3 اولاد فى الجامعة و بنت بيجوزها، دلوقت متوسط دخله حوالى 550 - 700 جنيه فى الشهر و بيشتغل 12 ساعة بدل 8 ساعات، يعنى الاول كان يادوبك ملاحق، دلوقت بيقعد بال 3 شهور ما ينزلش اجازات من قلة حيلته و قلة الفلوس.
قطاع السياحة ده ملطشة البلد كلها، اللى ليه مزاج يلطش، احنا اللى بنحاسب على مشاريبه.
إنا لله وإنا إليه راجعون
حسبنا الله ونعم الوكيل
اللهم ارفع مقتك وغضبك عنا
بالنسبة لطوابير البنزين اللى بالساعات بقى هوه ده العادى من بعد الثورة المجيدة
لما بدخل بنزينة وأحط بنزين بعد ربع ساعه مثلاً أو أقل
ببقى مش مصدق نفسى وهطير من السعادة
والدى من كام يوم راح البنزينة الساعه 5.5 فجراً ورجع الساعه 12 ظهراً
لنا الله
المهم للعربيات لا
لو علي الفنادق ممكن تهون ...
لا حول ولا قوة الا بالله
وضع مأسوي جدا
كلنا هذا الرجل
شركتنا تاني اكبر شركة كهربا في العالم
عندهم هدف يصفو 800 موظف وعامل خلال 2012 من اصلي 3 الالاف موظف وعامل وبالفعل كل شهر يصفو بين 40 الى 60
مصنانع كبيرة وادارات بيع وحوارات كتير بتقف
الخساير من اول 2012 تعدت ال 65 مليون جنيه مش بتكلم في ارباح نهائي
دي خسائر وبالمعدل ده متوقع نقفل قريب
لا حول ولا قوة الا بالله
انا مش عارف أخرتها ايه بصراحة ........ أخرة الصراع السياسى ده ايه
المفروض اول أولوية قبل اى حاجة تانية هو الوضع الأقتصادى للبلد