حد رفع اللوجان وشافها من تحت قبل كده....؟؟؟

من كام يوم كده قلت ارفع العربيه في بنزينه واغسلها من تحت وانضف العفشه كويس واعمل موضوع الشحم الاسبراي ده .... طبعا رشيت ع الجلب والمقصات والدنيا جميله بس مش هو ده الموضوع

الموضوع اني لما رفعت العربيه لاحظت حاجتين !!!

1- لاقيت ان العربيه معزوله من تحت بطبقه قويه جده من ماده شبه المطاط كده ... تقريبا عشان الميه والمطر والكلام ده ... والموضوع ده مشوفتوش في عربيات تانيه قبل كده .... ولما شفته عجبني بصراحه

2- الموضع التاني وهو الاهم ان لاقيت حاجه زي شحم اسود كده او زيت لونه اسود على العربيه من تحت في النص تقريبا كده مكان عصايه الفتيس من تحت العربيه ...؟؟؟؟!!!! حد يعرف ايه ده

انا علطول برفعه وبشوفها من تحت فى التوكيل. احتمال يكون تبع الشحم اللبيترش من تحت ممكن يكون من سخونة الماتور والشكمان اصبح لونه اسود احتمال والله اعلم

طيب طمنونا ، العربية لما بتتحك من تحت ، الحك بييجى فى ايه أول حاجة ، علشان الصراحة أنا أخدت كام حكة معتبرة وقلقان تكون أثرت على حاجة مهمة.

ربنا يبارك فيها ويحفظها ...

اعتقد العربية لما بتتحك من تحت (غالبا ف المطبات) اول حاجه بتتحك هى الكمر اللي ماشى بطول جنب العربية (اللي بتحط تحته الكوريك ) لأنه اوطي حاجه .. ماعرفش هل فيه حاجه تانية ولا لأ لأنى مارفعتش العربية بس افتكر ان باقي العفشه بنفس ارتفاع الاكصدامات ومفيش مطب او حاجه هاتجيب الارتفاع ده .. ثم ان حوض العربية من تحت مصفح وده بيحمي اللي جواه

الاسود زيت الفتيس راشح
اول حاجة بتخبط الشكمان

اقتباس:

---

المشاركة الأصلية كتبت بواسطة taraxan

الاسود زيت الفتيس راشح
اول حاجة بتخبط الشكمان

---

اعتقد ان مكان الزيت بعيد عن الفتيس خالص
وكمان ده لو الفتيس بيرشح دي تبقى مشكله
ياريت كل واحد يبص على عربيته من تحت كده في السريع ويقولنا ايه الاخبار....؟؟؟!!!

اقتباس:

---

المشاركة الأصلية كتبت بواسطة taraxan

الاسود زيت الفتيس راشح
اول حاجة بتخبط الشكمان

---

حضرتك شفت اللوجان من تحت؟

ياريت كل واحد يبص على عربيته من تحت كده في السريع ويقولنا ايه الاخبار....؟؟؟!!!

هههههه

التنبيه بعدم التهكم والا سيتم ايقافك مخالفة للقاعدة 13 من قواعد المنتدى
مشرف رينو
ب10

اقتباس:

---

المشاركة الأصلية كتبت بواسطة TARAXAN

هههههه

---

مالك؟

اقتباس:

---

المشاركة الأصلية كتبت بواسطة TARAXAN

هههههه

---

ممكن اعرف انت بتضحك على ايه ؟؟؟؟؟!!!:arab:

معلش ... طنش خاااااالص!!!!

اول حته بتخبط المصفحة اللى فى النص بين الشكمان و الحديدة اللى بنحمل تحتها الكوريك و بالتحديد فى نص العربية اليمين

اقتباس:

---

المشاركة الأصلية كتبت بواسطة mazenzyad

اول حته بتخبط المصفحة اللى فى النص بين الشكمان و الحديدة اللى بنحمل تحتها الكوريك و بالتحديد فى نص العربية اليمين

---

يارجاله ياريت نركز في الموضوع الاساسي ....وهو الزيت ....مش عارف مين اللي جاب سيره الخبط دي ؟؟؟؟!!!

اقتباس:

---

المشاركة الأصلية كتبت بواسطة a_nbm

يارجاله ياريت نركز في الموضوع الاساسي ....وهو الزيت ....مش عارف مين اللي جاب سيره الخبط دي ؟؟؟؟!!!

---

فى واحد زى سيادتك اسمو egyzizo بيسأل الخبطة بتيجى منين فى نفس مشاركتك ، فنرد على الحاجة اللى حصلت معانا لكن موضوع الزيت محصلش معانا يبقى نعمل ايييييييييييييه ؟؟؟!!!!!!!:hitwall3:

http://up13.up-images.com/up/viewimages/1fee71fd7a.jpg

http://up13.up-images.com/up/viewimages/1fee71fd7a.jpg

من الواضح من كثره المشاهدات (464 مشاهده) وقله الكومنتات (16 كومنت كلهم بره الموضوع) ان محدش شاف عربيته من تحت واللي شافها اكيد مش عنده (لأنه مردش)
طيب لو في حد عنده تفسير للموضوع ده يقولنا

باشا خلاصة الكلام عشان حصلت معايا من سنة ونص العربية بقالها معايا 3 سنين

حتروح التوكيل
حيلاقي ترشيح من الفتيس
حيدخل العربية الصيانة وسيادتك حتقعد زي الباشا في الاستراحة
حيغير جوان الفتيس اللي بيمنع التسريب بس ممكن يحتاجها يوم كامل
حيغير لك غصب عنه زيت الفتيس مجانا لانه حينزل منه (هيص يا عم)
حيرجع لك العربية جديدة ومغسولة من تحت

وانسى يا معلم
دا اللي حصل معايا بالضبط والعربية زي الفل انا عامل 80000

اقتباس:

---

المشاركة الأصلية كتبت بواسطة ahmed a rahman

باشا خلاصة الكلام عشان حصلت معايا من سنة ونص العربية بقالها معايا 3 سنين

حتروح التوكيل
حيلاقي ترشيح من الفتيس
حيدخل العربية الصيانة وسيادتك حتقعد زي الباشا في الاستراحة
حيغير جوان الفتيس اللي بيمنع التسريب بس ممكن يحتاجها يوم كامل
حيغير لك غصب عنه زيت الفتيس مجانا لانه حينزل منه (هيص يا عم)
حيرجع لك العربية جديدة ومغسولة من تحت

وانسى يا معلم
دا اللي حصل معايا بالضبط والعربية زي الفل انا عامل 80000

---

ياااااااااااااااااااه اخيييييييييييييييييييييير ا
كنت فين يادكتور من زمان
شكرا جزيلا

طبعا شكرا لكل الناس اللي شاركات في الموضوع سواء بالردود او المشاهدات
ثانيا شكرا للدكتور احمد عبد الرحمن
ثالثا روحت التوكيل وطلع ان ده مش تسريب من الفتيس ولا حاجه ..ده الشحم الفبريكه بتاع العربيه
شكرا

وجهه نظر وعاوز رأيكم
اعتقد الزيت ده زيت ماتور مش زيت فتيس
لما بتيجى تغير زيت الطبة التى تحت كارتيره الزيت بتتفك عشان تنزل الزيت القديم زى ما هو معروف
المشكلة ان فيه تحت الكارتيره مصفحة فشوية من الزيت بينزل عليا ويسيل على العربية من تحت

اقتباس:

---

المشاركة الأصلية كتبت بواسطة zkralla

وجهه نظر وعاوز رأيكم
اعتقد الزيت ده زيت ماتور مش زيت فتيس
لما بتيجى تغير زيت الطبة التى تحت كارتيره الزيت بتتفك عشان تنزل الزيت القديم زى ما هو معروف
المشكلة ان فيه تحت الكارتيره مصفحة فشوية من الزيت بينزل عليا ويسيل على العربية من تحت

---

مش معاك فى التفسير ده يا باشا ليه لأن المصفحه بتتفك بالكامل فى الصيانه عند تغيير الزيت و العربيه فعلا مدهونه بالكامل من تحت بالشحم مافيش داعى للقلق

اقتباس:

---

المشاركة الأصلية كتبت بواسطة ahmedeg1

مش معاك فى التفسير ده يا باشا ليه لأن المصفحه بتتفك بالكامل فى الصيانه عند تغيير الزيت و العربيه فعلا مدهونه بالكامل من تحت بالشحم مافيش داعى للقلق

---

انا بصراحة ما شفتش هل بيفكوا المصفحة ولا لأ لانى لما بروح الصيانة بسيب العربية واخلص الى ورايا وارجع اخدها
بس ايه الداعى لفك المصفحة فى صيانات مفيهاش الا تغير زيت وتربيط عفشه ... مش معقولة بيفكوها عشان شوية الزيت الى هينزلوا عليها

اقتباس:

---

المشاركة الأصلية كتبت بواسطة zkralla

انا بصراحة ما شفتش هل بيفكوا المصفحة ولا لأ لانى لما بروح الصيانة بسيب العربية واخلص الى ورايا وارجع اخدها
بس ايه الداعى لفك المصفحة فى صيانات مفيهاش الا تغير زيت وتربيط عفشه ... مش معقولة بيفكوها عشان شوية الزيت الى هينزلوا عليها

---

يا باشا لازم يفك المصفحة علشان طبة الزيت بين المصفحة و الكرتيرة ، يعنى لو مفكش المصفحة مش هيشوف الطبة نهائى .

لا يا باشا طبة الزيت بتتفك عادي من غير المصفحة

انا عامل كذا صيانة في فرنش موتورز وببقى واقف تحت العربية وهو بيشتغل فيها

بس الزيت وهو نازل بينقط على حرف المصفحة