-
محتاج رأيكم جدا جدا جدا
أنا هاشتري إن شاء الله عربية نيسان صني موديل 98 مانيوال بس لما قرأت شوية عن الموديلات اللي بعدها اتخضيت من العفشة واستهلاك البنزين والتقفيل المصري وغيرهم
ياريت لو حد عنده نصيحة يساعدني واللي عنده أي معلومات عن السيارة ياريت يوضحها لي لأن كل اللي بلاقيه بيكون عن الموديلات الأحدث
ارجو المساعدة سريعاً لأني هاخصل في العربية النهاردة ان شاء الله
-
أرجو المساعدة ضروري وشكراً للجميع
-
بص يا باشا انا حمايا معاه الموديل ده و عمره ما اشتكى من حاجه معينه و العفشه بتاعتها ناعمه و التكييف بتاعها ما شاء الله يعيبها فقط انه قطع غيارها مش متوفره كتير مقارنه بالكريستاله مثلا
-
موديلات 98 مفيش منها تقفيل مصري اكيد
والباقي معنديش فكره عنه الاخوه هيفيدوك بأذن الله ..
-
ما تشوف حاجه اجدد شويه . عندك الى ٢٠٠٥ كانت يابانى و قطع غيارها متوافره بس الفكره انك تلاقى حاجه حالتها كويسه
-
أصلها من حد معرفة وثقة جداً وكمان هو مهندس في الميكانيكا ودي عربية زوجته وسعرها بالنسبة لي لقطة
-
العربية دي محترمة بجد و ناعمة و سريعة، فعلا هي مشكلتها في قطع الغيار شوية
-
الموديل دة حتى عام 2000 (الشكل القديم) يابانى 100x100
العربية دى محترمة جدا جدا والموتور 16 صباب و2 كامة
ومكنة 1300 بس الاداء اقوى من سيارات 1500 وحتى 1600 كامة واحدة
وبتشد مع صنى الجديدة الـ 1600 لان المكنة فى الـ1300 بتوصل لــ كامل قوتها من 85 حصان عند 4500 لفة بعكس الصنى الحديث
بيوصل لكامل قوة المكنة عند 6000 لفة
بس المهم الحالة طبعا
والعفشة بتاعتها حمالة اسية وناعمة والتكيف ثلاجة
وقطع الغيار رخيصة جدا ومتوافرة جدا جدا لدرجة ان قطع من تويوتا بتركب عليها
مشكلتها الوحيدة بالنسبة لى ان مش عارف اعدل فى شكلها ليصبح رياضى
بالتوفيق يا معلم
-
ألف شكر يا جميل
ويا رب تكون من نصيبي
-
لو حد يعرف حاجة عن استهلاكها للبنزين يا ريت يساعدني
-
طيب خلاص طالما حضرتك مطمن للبائع و لا اعتقد ان استهلاك البنزين فيها به مشكله المهم بس هو موضوع توافر قطع الغيار بتاعتها و يستحسن تسأل عليه و تعرف اماكن بيع قطع غيارها و اسعارها و طبعا لا تنسى الاستخاره و اكشف عليها كويس برضه فى التوكيل ان امكن مفيهاش حاجه
-
الموضوع ده من من موضوع :: فهرس نيسان المثبت فى اعلى القسم ::
http://www.nilemotors.net/Nile/221741-1999.html
وان شاء الله حيفيدك .. لانه انطباع مالك العربية عنها .. وهو زميل معانا واخونا فى القسم .. اسمه ابو عمر
تحياتى
-
-
الاستهلاك حسب السائق
يعنى فى حالة الشد هيكون 80 كم / 10 لتر
ومماثل له فى حالة التكييف
وفى المشى العادى 120 او 110 فى / 10 لتر
-
-
عربيه ممتازه فى كل شىء ...المهم حالة العربيه ...........ربنا يوفقك
-
بغض النظر عن موديل العربية انما ان مش بحب العربية 1300 ابدا عشان التكييف بيأثر مع العربيات ديه في السحب
Content Relevant URLs by
vBSEO 3.6.0 PL2