الموضوع: أخطاء اثناء القيادة للمبتدئين

المشاركة الأصلية كتبت بواسطة nonetta

على فكرة حضرتك عشان ما يبقاش عندك فكرة وحشة عن سواقة الستات
الست بتبقى احرص من الراجل اثناء القيادة ومتأنية مش متهورة
والا ما كنتش جيت اسأل الاسئلة دي

كل الحكاية ان ردود الافعال ممكن تكون جبانة شوية غير الراجل

كل موقف حصل معايا مرة واحدة
يعني موقف الهاندبريك دة حصل مرة واحدة و لمدة قليلة جدا واتضايقت اوي
وكمان مكانش مشدود للاخر كان مرخي بس عربيتي بتدي علامة في التابلوه لو في سنة مرفوعة
موقف الغيار التاني دة بردو خطر على بالي كنت في مكان زحمة الى حد ما ومشيت عالتاني مدة طويلة يعني ما طلعتش م الاول للتاني للتالت
انا اثناء القيادة مخي شغال في كل خطوة باعملها عشان ما اغلطش
والا طبعا العربية كانت بقت منخل بعد شهر سواقة

انا بهزر علي فكرا وبعدين ما الرجاله ربنا يحميه حاجه فله تلقي هندات بتتشد علي سرعات محرتمه وعربيه بتخمس بتاع نص ساعه عادي يعني
انا معايا واحد صحبي فضلنا نخمس في فرح اخته لحد لما هو ضرب وش السلندر :b4_611: وكان الرهان علي مين الي يفضل اطول مده كانت ايام الله يرحمها بعتها

المشاركة الأصلية كتبت بواسطة nonetta

الحمدلله انا باستعمل الثلاث مرايات ولو في اكتر كنت استعملتهم
بس حارقة دمي النقطة العميا في المراية وبابص بطرف عيني طبعا لما اجي احدف يمين او شمال وبادي اشارة ودة تصرف نادرا ما بالاقي حد بيعمله انه يدي اشارة عشان يحدف ..
كله بيحدف كدة .. هوا كدة وذا كان عاجبك
حتى اليوتيرن والانحراف يمين او شمال لو افتكر يدي اشارة وهوا بيلف يبقى كتر خيره

طيب امال حضرتك كاتبة ليه مبتدأين بحترم جدا اللي بيشغل اشارات ويستعمل مراياته كلها
مع ان مفيش حد بقى يحترمها وساعات بطلع بوشي كله عشان افهم الناس اني مشغل اشارة عشان احود
موضوع النقطة العامية لو مضايقكي اوي ممكن تركبي مراية اعرض على المراية الحالية
وهتكشفلك كل المنظر من وراء بدون اي نقط عمياء
وعلى العموم دي نصائح برضه كنت سمعتها او اتعلمتها
-اذا ركنت العربية على مطلع يفضل يتم تعشيقها على غيار المرشيدر
-كل فترة يتم التأكد من مستوى المياه والزيت ومدى لزوجة زيت الماتور
-لما العربية تاخد سرعتها محدش يستعمل دبرياج خااااالص الا عند النقل فقط
لان ده بيهلك اسطوانة الدبرياج
-كل فترة يجب التأكد من ترصيص الكاوتش والزوايا للعربية عشان الكاوتش يعيش عمر اطول
-لا يتم الضغط على البنزين والدبرياج مع بعض بيهلك اسطوانة الدبرياج

اكتر مشكله كانت بتواجهني وانا لسه مبتدئ موضوع الفرمله المفاجئه ده لازم الواحد يبقى عنده سنس شويه مش اي حد يفرمل قدامه يتخض ويقوم دايس الفرامل فجاه تقوم العربيه زاحفه ولابسه في اللي قدامه

لازم يتعود طول ما ماشي ياخد باله من كل الحرارات بحيث لو حد فرمل قدامه ممكن يتفاداه بكل سهوله بدل ما يزنق نفسه

وكمان لازم يعرف يسييطر على اعصابه في الحالات زي دي عشان يفرمل زي الناس