الموضوع: المنيب الكارثه والحل

طبعا اى حد بيعدى من المنيب او يستخدم الدائرى طلعه المنيب هيحس بالمعانه اللى احنا فيها وهيقدر معنى الكارثه

اولا الاسباب

يوجد عدد 3 ملفات _ يو ترن - فى مسافه 100 متر واحد للقادم من ش البحر الاعظم ومتوجه مطلع الدائرى المتوجه للمريوطيه وايضا للقادم من طريق مصر اسيوط ومتوجه الى ش ربيع الجيزى بعدها واحد تانى للقادم من البحر الاعظم ومتوجه للدائرى طلعه المعادى بعده بخمسين متر يو ترن ثالث للقادم من ش ربيع الجيزى متوجه الى ش البحر الاعظم

السبب الثانى موقف الاتوبيس لا يستوعب كل الاتوبيسات المتواجدة فينتظر خارج المحطه بعض الاتوبيسات بالضافه الى انتظار البعض الاخر فى الطريق المقابل

السبب الثالث محطه مترو المنيب اولا المحطه بعيده جدا عن موقف الميكروباص الكائن تحت الطريق الدائرى مما يدعو الساده قائدى الميكرباص للتجمع امام محطه المترو فى صفين متوازيين واحينا ثلاثه صفوف

السبب الرابع بائعى الفاكهه يحتلوا الجانب الايمن من الطريق
السبب الخامس غياب الدور الامنى

وجماع ما تقدم يظهر لنا ان الجانب الايمن للطريق بجوا محطه المترو مشغول ببائعى الفاكهه يليهم صفين الى ثلاثه صفوف ميكروباص تبقى حاره واحدة يشغلها اما راغبى العبور من اليو ترن المذكور بعاليه اما ميكروباص تم تحميل ركابه او اتوبيس منتظر دخول المحطه وبعد عبور تلك النقطه تجد الطريق فارغا من السيارات يعنى ماشى لوحدك بلغه المرور تتحقق سيوله مروريه خاليه من الكثافات العاليه

طيب والحل

تكثيف الحملات لازاله الباعه

الزام قائدى الميكروباص بالتحميل من داخل الموقف

عمل محطه مترو للموقف تحت الطريق الدائرى للتخفيف على المواطنين ليتمكنوا من استعمال الموقف وحتى يلتزم قائد الميكروباص بمكان تحميله

سد اليو ترن الموجود قبل محطه مترو المنيب لوجود فتحه اخرى بعد مائه متر تقريبا تحت كوبرى المنيب وسيحقق هذا سيوله خرافيه

مراقبه المنطقه بكاميرات تابعه للمرور وكافه الجهات المعنيه مع التواجد الامنى لتوجهه لاماكن القصور

وندعو الله ان يوفق ولاه امورنا الى ما يحب ويرضى