عرض للطباعة
السلام عليكم ورحمة الله وبركاته
كنت عايز يا جماعة أعرف منين أقدر اشتري تابلوه بالكونسوله لتيوتا كيرسيدا 84 و لو في السوك و فرش الأبواب لأني لسه شادد العربية و ناقصني شوية الحاجات دي .... لو حد يعرف منين ياريت يقولي
على فكرة العربية اوتوماتيك علشان هتفرق في الكونسول
و شكرا
السلام عليكم
ممكن تروح الجبالي في شارع الجمهورية- وسط البلد
كل الياباني القديم عنده، محل معروف جدا.
وممكن تروح ناحية برج الأطباء( اللي تحته محلات نظارات) في وسط البلد ناحية عابدين عارفه؟ عارف مول الكمبيوتر اللي هناك؟؟ معروف جدا، ممكن تروحله وتديه ظهرك وتدخل كأنك متجه لعابدين، قبل محلات بويات السيارات هتلاقي محل بيبيع كل حاجة اليابانب القديم والنادر، أرجو أكون أفدتك
تسلم يا باشا على المعلومات دي ... انا ماروحتش هناك قبل كده بس هشوف الوضع هناك
بس لو عندك أرقامهم ... علشان انا مش بقدر اتحرك بسهوله لظروف الشغل فعلى الأقل أتأكد بالتليفون و أروحله أو أبعتلو حد
و أرجو اني ماكونش تقلت عليك
آسف معنديش، وكنت بروحلهم من زمان بس شغالين، والجبالي بالذات ما شاء الله عليه عنده حاجات تحفة للياباني القديم ومتنساش تفاصل معاه شوية