دراع تانك البنزين (m11) اتكسر وكل ما الزقه يتكسر عايز حل

السلام عليكم ورحمة الله وبركاته

من فترة لقيت بنزين ايام الازمة ماكانت شديدة ومن فرحتى اتعافيت على دراع التانك وانا بفتحه قام اتكسر والمشكلة انه اتكسر من اخره خالص من قرب المفصل نفسه يعنى مفيش حتة صغير كده فى الدراع باقية اقدر افتحه منها ده غير انه مخلى العزم على مكان اللزق اشد فبيكون سهل الكسر .. المهم ان جبت انبوبة لزق امير ام جنيه دى ولزقته وبقيت افتحه بعدها بحساسية شديدة ومعاملة خاصة لحد ما فى مرة اتكسر وبقيت كل ما الزقه وحتى مع المعاملة بحنية يتكسر .. الصورة انا حطيتها عشان تشوفو مكان الكسر فين وانا مشاور عليه بسهمين لونهم احمر وطبعا واضح اللزق بعرض الدراع
ياريت لو حد عنده حل يقولى لان انا كنت فى التوكيل من اسبوعين ولقيته مش متوفر وطبعا محلات قطع غيار الاسبرنزا شحيحة جدا وان كانت موجودة فهتكون فى القاهرة وانا من مش ساكن فى القاهرة واللزق بيتكسر فهل من حل يا اخوانى؟؟؟

http://www.nilemotors.net/Nile/[IMG]...om/2us7py1.pnghttp://i48.tinypic.com/2us7py1.png

ممكن حضرتك تجرب اللزق اللي بيبقي انبوتين وبيتخلطوا علي بعض دول لما بينشفوا بيبقي زي الحجر بس الشكل النهائي مش حايبقي حلو لأن اللي انا استخدمتهم في شغلي كانوا لونهم النهائي رمادي فطبعا الشكل مش حايبقي ظريف بس النتيجة رائعة ومضمونة

اطلب من التوكيل يجيبهولك

جرب الحديد اللى بيبقى فى مشابك الغسيل دة وحاول ركبه عليها

وممكن لو بكماشه صغيره وتمشى حالك

وممكن لو وديتها التوكيل

مش هتزيد عن 100 ج اعتقد

على فكره انا بتاعت الدايو عندى نفس الشكل والمقاس .. حاول تجيب بتاعت دايو

بص يا باشا هتروح عند اى حد موان حدايد وبويات
وتشترى من عنده لزق رخام هيه عبارة عن مادة لينه ومعاه انبوبة كريم يتم خلط الاثنين على بعض
وتلزق بيه هيكون زى الحديد ورخيص جدا مش غالى
وموفق ان شاء الله

اقتباس:

---

المشاركة الأصلية كتبت بواسطة ahmad--ezzat

جرب الحديد اللى بيبقى فى مشابك الغسيل دة وحاول ركبه عليها

وممكن لو بكماشه صغيره وتمشى حالك

وممكن لو وديتها التوكيل

مش هتزيد عن 100 ج اعتقد

على فكره انا بتاعت الدايو عندى نفس الشكل والمقاس .. حاول تجيب بتاعت دايو

---

انا معايا نوبيرا2003 و بدور على الدراع بتاع التنك و البنزين برضه مافيش حد عايز يبيعهم من غير الماكنة بالواير و انا مش محتا غير الدراعين البلاستيك فقط

ياترى هل تعرف منين الاقيهم؟؟

اقتباس:

---

المشاركة الأصلية كتبت بواسطة eng.mina

ممكن حضرتك تجرب اللزق اللي بيبقي انبوتين وبيتخلطوا علي بعض دول لما بينشفوا بيبقي زي الحجر بس الشكل النهائي مش حايبقي حلو لأن اللي انا استخدمتهم في شغلي كانوا لونهم النهائي رمادي فطبعا الشكل مش حايبقي ظريف بس النتيجة رائعة ومضمونة

---

مش مهم الشكل النهائى اكتر من انه المهم يفتح ويريحنى من العذاب .. انا هٍسأل عند بتاع الحدايد على الانبوبتين دول اجرب

تحياتى لك

اقتباس:

---

المشاركة الأصلية كتبت بواسطة hema_lancer

اطلب من التوكيل يجيبهولك

---

انا سألت فى التوكيل فعلا لقيته غير متوفر وده العادى بتاع ابو الفتوح ندرة قطع الغيار بشكل يخوف ولو ان العربية حلوة لكن هو اللى مبوظ حلاوتها علينا

تحياتى لك

اقتباس:

---

المشاركة الأصلية كتبت بواسطة ahmad--ezzat

جرب الحديد اللى بيبقى فى مشابك الغسيل دة وحاول ركبه عليها

وممكن لو بكماشه صغيره وتمشى حالك

وممكن لو وديتها التوكيل

مش هتزيد عن 100 ج اعتقد

على فكره انا بتاعت الدايو عندى نفس الشكل والمقاس .. حاول تجيب بتاعت دايو

---

بص حضرتك انا اول ما اتكسر فكيته بالمسمار وطلعته خالص بس مفهمتش اى حاجة وخوفت اقطع الواير او افكه من مكانه فركبته تانى .. بالنبسة لموضوع الكماشة انا جربت فعلا احاول مع الجزء اللى باقى بعد الكسر بشتى الطرق مفيش فايدة مبيفتحتش بالطبل البلدى هو الدراع يركب يقوم يفتح ويبقى تمام واللى لاحظته انه لو التانك اتفتح فعلا الجزء الباقى من الكسر بقدر احركه بسهولة جدا حاجة تنقط بصراحة .. اما موضوع دراع الدايو فمعتقدش انا كان معايا جولييت قبل الاسبرنزا ومظنش انه كان نفس الشكل او المقاس لكن بردو اشوف كده انا اخويا عنده لانوس ابص عليها يمكن انا ناسى شكله كان ايه.

تحياتى لك

اقتباس:

---

المشاركة الأصلية كتبت بواسطة moh_faheem

بص يا باشا هتروح عند اى حد موان حدايد وبويات
وتشترى من عنده لزق رخام هيه عبارة عن مادة لينه ومعاه انبوبة كريم يتم خلط الاثنين على بعض
وتلزق بيه هيكون زى الحديد ورخيص جدا مش غالى
وموفق ان شاء الله

---

انا هجرب الموضوع ده واشوف النتيجة

تحياتى لك وشكرا لاهتمامك

عاوز تريح دمغك وتشغله لو انت مش لاقي جديد هات زي ما زميلنا قال ان في انبوبتين بتخلطو ببعض بس تجيب الشفاف مش الاسمر ولا الرمادي اللي هما ب5 جنيه مش اغلي والله وعن تجربه دول حجر مش حديد بس الاول هات حته مسمار يربط بين الاتنين وسخنه واغرزه موصل لالاتنين ببعض وبعد كده الزقه بالزق ده وانساه باذن الله ولا هياثر فيه حاجه

استاذ خالد زي الاخوه ما قالو انبوبتين
ارنديد وتلزق الدراع المكسور ويستحيل يتكسر بعد كده
يا ما الحل التاني تاخد الغطاء وتتعب شويه وتنزل القاهره شارع دمشق او التوفيقيه
واكيد ان شاء الله هاتلاقي نفس الغطاء متوافق علي عربيه تانيه
يعني مثلا انا غيرت غطاء قربه المياه بغطاء اوبل فيكترا نفس الغطاء متطابق

انا كنت حاجزة من التوكيل وغيرتة وبرضة اتكسر بعد فترة خامتة زبالة فعلا

ممكن تجرب اللزق الـ Epoxy
بيبقى أنبونتين جنب بعض على شكل حقنة
بتضغط عليهم بينزلوا مع بعض بنفس النسبة
بتحطهم على أي حاجة (كرتونة - ورقة - كيس بلاستيك) براحتك
وتخلطهم كويس مع بعض
و ممكن تأخد الجزء المكسور و تغرق طرفه في الخليط على طول بعد ما تقلبه كويس الأول
وبعدين تثبته مكانه وتفضل ماسكه في الوضع بتاعه الصحيح لحد ما يمسك
خلي بالك هو بيقعد شوية وقت (ممكن 10 دقائق تقريبا ) لحد ما يمسك
وبعد كده بتسيبه من (15 - 30 دقيقة ) قبل ما تستعمل الدراع
عاوز أقولك أنه هايبقى أقوى من الحديد إن شاء الله
اللزق ده بيستخدموه في لزق المعادن و فيه ميكانيكية بيلزقوا بيه وش السلندر
لإنه بيتحمل درجات الحرارة العالية والبروده و المياه

ومش غالي خالص
أنا إشتريته بـ15 جنية
التركي الأصلي ... بلاش الأنواع الصيني علشان تعبانه جدا
هتلاقيه عند أي حد بتاع حدايد و بويات
والأخ اللى بيقولك لونه رمادي
أكيد هو ماسألش على موضوع اللون
لإن فيه منه شفاف زي الأمير
بس أهم حاجة نتظف مكان الحتة الكسورة كويس قبل اللزق
علشان التراب واللزق القديم ممكن يخلوه مش قوي
ممكن بسنفرة أو بسن كاتر أو بموس او أي حاجة تكحته لحد ما تحس أن البلاستيك بقى نظيف
وبحته مبلوله تمسح مكان الرايش و تنشف كويس
وبعدين تتوكل على الله و الزق ياباشا
وإن شاء الله هايكون ممتاز
انا جربته في أكتر من حاجة وبصراحة تحفة
أهم حاجة الصبر عليه لحد ما يمسك كويس ما تستعجلش

وربنا يسهل و يحل مشكلتك بإذن الله

:satelite::satelite::satelite::satelite::satelite:

اقتباس:

---

المشاركة الأصلية كتبت بواسطة bassem707

ممكن تجرب اللزق الـ Epoxy
بيبقى أنبونتين جنب بعض على شكل حقنة
بتضغط عليهم بينزلوا مع بعض بنفس النسبة
بتحطهم على أي حاجة (كرتونة - ورقة - كيس بلاستيك) براحتك
وتخلطهم كويس مع بعض
و ممكن تأخد الجزء المكسور و تغرق طرفه في الخليط على طول بعد ما تقلبه كويس الأول
وبعدين تثبته مكانه وتفضل ماسكه في الوضع بتاعه الصحيح لحد ما يمسك
خلي بالك هو بيقعد شوية وقت (ممكن 10 دقائق تقريبا ) لحد ما يمسك
وبعد كده بتسيبه من (15 - 30 دقيقة ) قبل ما تستعمل الدراع
عاوز أقولك أنه هايبقى أقوى من الحديد إن شاء الله
اللزق ده بيستخدموه في لزق المعادن و فيه ميكانيكية بيلزقوا بيه وش السلندر
لإنه بيتحمل درجات الحرارة العالية والبروده و المياه

ومش غالي خالص
أنا إشتريته بـ15 جنية
التركي الأصلي ... بلاش الأنواع الصيني علشان تعبانه جدا
هتلاقيه عند أي حد بتاع حدايد و بويات
والأخ اللى بيقولك لونه رمادي
أكيد هو ماسألش على موضوع اللون
لإن فيه منه شفاف زي الأمير
بس أهم حاجة نتظف مكان الحتة الكسورة كويس قبل اللزق
علشان التراب واللزق القديم ممكن يخلوه مش قوي
ممكن بسنفرة أو بسن كاتر أو بموس او أي حاجة تكحته لحد ما تحس أن البلاستيك بقى نظيف
وبحته مبلوله تمسح مكان الرايش و تنشف كويس
وبعدين تتوكل على الله و الزق ياباشا
وإن شاء الله هايكون ممتاز
انا جربته في أكتر من حاجة وبصراحة تحفة
أهم حاجة الصبر عليه لحد ما يمسك كويس ما تستعجلش

وربنا يسهل و يحل مشكلتك بإذن الله

---

شكرا يا اخوانى لكل من ساهم فى الافادة

انا فعلا جبت الانبوبتين وعملت الخليط ولزقته وسبته اكتر من ساعتين وجاى بجرب اتكسر بردو انا مش عارف اعمل ايه تانى؟

تفتكروا اكون معملتش الخليط بنسب مظبوطة؟ هو عبارة عن انبوبة فيها كريم اسود وواحدة تانية فيها كريم ابيض ياترى احط ده وده بنسبة ايه وايه حد يقولى لو سمحتم

تحياتى للجميع

اقتباس:

---

المشاركة الأصلية كتبت بواسطة khaled_saga

شكرا يا اخوانى لكل من ساهم فى الافادة

انا فعلا جبت الانبوبتين وعملت الخليط ولزقته وسبته اكتر من ساعتين وجاى بجرب اتكسر بردو انا مش عارف اعمل ايه تانى؟

تفتكروا اكون معملتش الخليط بنسب مظبوطة؟ هو عبارة عن انبوبة فيها كريم اسود وواحدة تانية فيها كريم ابيض ياترى احط ده وده بنسبة ايه وايه حد يقولى لو سمحتم

تحياتى للجميع

---

مبدئيا بتجيبه من عند محل قطع غيار سيارات مش موان
النسبه بتكون متساويه بين اللونين
هو في حاجه لو الدراع ملوش طرف تاني في جسم الغطاء ها يتكسر بمعني ان يكون في جسم مثبت في الغطاء وتكملته الجزء المراد لحامه
يعني كان عندي عربيه 25 دراع النور كان مكسور الكهربائي بدل مايغير المجموعه كلها
جاب دراع نور تاني وسخن مسمار وغطسه في الدراع والجزء اللي بيكون تحت الدركسيون
وبعد كده جاب الخايط وغطء اللحام كله
واشتغل تمام وعارف دراع النور في العربيات القدمه زي ال 25 لازم تشده بقوه عليك علشان الرعاش يشتغل وماتكسرش ولاحاجه لحد ما بعت العربيه كان شغال
وكمان في حاجه اللحام لازم يكون له تقويه من نفس الماده بمعني انك تليس تليس كويس حوالين الكسر بالخيط يعني مش من علي الوش وخلاص

بص هي المشكلة ان مافيش عصب يمسك فية اللزق
انت جيب علبه بيبسي كانز وقص منها شريحة قد الزرار من تحت وظبطها انها تمسك الطرفين
وبعد ما تلحم الطرفين ببعض حط الشريحة تحت والزقها في الجزئين باردوا
بص دي صورة هتوضحلك
الاسود لزرار
الأحمر الشريحة الصاج
الأصفر المادة اللاصقة

http://www9.0zz0.com/2012/07/26/01/634890278.png

كان عندى نفس المشكله بص اول حاجه هتعملها انك تفك الجزء كله وتروح عند واحد بتاع برشام هعيمل ليك صاج تحت البلاستك ويبرشم على كده انا عملتها والحمدلله احسن من الاول بكتير انا جربت كل الطرق وجربت لزق جاى من بره بردو انكسرت اعمل اللى قولت عليه وهتدعيلى التكلفه 10 جنيه فقط المشكله فى العربيه ان الخامات زباله منه لله ابو الفتوح ورمضان كريم

لو جنبك ولد خراط بيفهم ودماغه رايقه او حبيبك طلع الدراع من مكانه ووديهوله وقوله عايز اخرط واحد زي ده بس يكون حديد او المونيا وهوا هيظبطهولك بس المهم يكون دماغه شغاله مش واخد على شغل روتيني ممكن ياخد في ايده يوم بحاله شغل سيبهوله وارجعله تاني يوم وسدقني هتنسااااااااااااااااااااا ااااااااااااااااااااااااه

انا لزقته امبارح تانى بنسبة متساوية بين اللونين

النهاردة جربت افتحه طبعا بشويش وفتح من غير مايتكسر الحمد لله

المشكلة فعلا ان مفيش عصب يمسك فيه الجزء المكسور فالتحميل كله على مكان الكسر

انا بق{ا مشاركتم واحدة واحدة وهحاول اجرب اللى هقدر عليه منها

تحياتى لكم جميعا على الافادة والمجهود فى ايجاد حل

بالتوفيق ياخالد .. انا عارف انها حاجة صغيرة بس تخنق وانا الصراحة مش لاقى حل زيادة عن الى قالوه الاعضاء وانا من فترة من قبل حتى ماتعمل الموضوع كنت بقول لو خصل والدراع دة مشتغلش هيبقى الحل اية ؟؟ حتى استغربت لية معملوش مكان لمفتاح فى التانك حتى يبقى الموضوع اوتو ومانيوال ,

اقتباس:

---

المشاركة الأصلية كتبت بواسطة katoba

بالتوفيق ياخالد .. انا عارف انها حاجة صغيرة بس تخنق وانا الصراحة مش لاقى حل زيادة عن الى قالوه الاعضاء وانا من فترة من قبل حتى ماتعمل الموضوع كنت بقول لو خصل والدراع دة مشتغلش هيبقى الحل اية ؟؟ حتى استغربت لية معملوش مكان لمفتاح فى التانك حتى يبقى الموضوع اوتو ومانيوال ,

---

معاك حق يا احمد لو حصل فيه اى حاجة هيكون ايه الحل .. لازم يشوفوا للموضوع ده حل فى الموديلات الجاية

فكه خالص من ارض العربية و وريه لاي خراط يعملك بداله حديد او فبر محمل ....

بس انا بتغابة عليه و لسة مستحملني ... انت عملت فيه ايه بالظبط ؟؟؟؟؟؟؟

اقتباس:

---

المشاركة الأصلية كتبت بواسطة hemaa_82

فكه خالص من ارض العربية و وريه لاي خراط يعملك بداله حديد او فبر محمل ....

بس انا بتغابة عليه و لسة مستحملني ... انت عملت فيه ايه بالظبط ؟؟؟؟؟؟؟

---

والله ابدا يا هيما انا كنت بفتحه زى كل مرة طلع فى ايدى والمشكلة انه اتكسر من مكان التقاؤه بالمفصل فاللزق فيه كل شوية يتكسر.

طيب قولى الخراط ده ورشة ايه بالظبط يعنى الاقيه فين وياترى لو فكيته هيبقى فكه سهل ولو اتعمل هيركب مكانه ومش هيبقى فيه مشاكل؟؟

اقتباس:

---

المشاركة الأصلية كتبت بواسطة katoba

بالتوفيق ياخالد .. انا عارف انها حاجة صغيرة بس تخنق وانا الصراحة مش لاقى حل زيادة عن الى قالوه الاعضاء وانا من فترة من قبل حتى ماتعمل الموضوع كنت بقول لو خصل والدراع دة مشتغلش هيبقى الحل اية ؟؟ حتى استغربت لية معملوش مكان لمفتاح فى التانك حتى يبقى الموضوع اوتو ومانيوال ,

---

بص يا احمد بردو مش كل العربيات فيها التانك بمفتاح لكن الاهم انهم يعملوا الخامة نضيفة مش معقولة وانا بفتحه يطلع فى ايدى وثانيا المفروض قطعة الغيار دى تبقى متوفرة مادام الخامة ضعيفة وبيتكسر كل شوية انا حتى لما سألت فى التوكيل قالولى لأ ده مش موجود وفيه ازمة يعنى واضح انه بيتكسر كتير وعليه طلب!!

اي ميكانيكي لازم يكون بيتعامل مع ورشة خراطة ... او برضه اي كهربائي ....
علشان زيادة و خراطة وش المواتير ... و خراطة الكونيكتورز بتاعة المارشات للكهربائية ....

و المفروض ان هوه بيكون راكب بمسمارين في ارض العربية ... مش ملحوم اكيد .... هحاول ابصلك عليه بكرة ... بس ربنا يستر و منساش احسن الحر مع رمضان بيخلي الدماغ في اللالا خالص السنة دي

اقتباس:

---

المشاركة الأصلية كتبت بواسطة hemaa_82

اي ميكانيكي لازم يكون بيتعامل مع ورشة خراطة ... او برضه اي كهربائي ....
علشان زيادة و خراطة وش المواتير ... و خراطة الكونيكتورز بتاعة المارشات للكهربائية ....

و المفروض ان هوه بيكون راكب بمسمارين في ارض العربية ... مش ملحوم اكيد .... هحاول ابصلك عليه بكرة ... بس ربنا يستر و منساش احسن الحر مع رمضان بيخلي الدماغ في اللالا خالص السنة دي

---

هههههههه ماشى يا سيدى ربنا يستر والدماغ متكونش فى الالا النهاردة :grinder:
انا اعرف ميكانيكى صديقى ممكن ساعتها هو يدلنى على خراط كويس على ضمانته
هو الدراع قاعدته شابكة فى ارضية العربية بمسمار واحد بس .. انا بفك القاعدة لكن ازاى افك الدراع اصلا من المفصله من الواير من القاعدة؟؟ دى القضية فياريت يا هيما تبص عليه كده وتقولى ايه الكلام.

متابع وحقيقى التوكيل به نقص شديد ان ماكنشى بعض قطع الغيار مش موجوده

بسهوله ان شاء الله تحط دعامه حديد او الومنيوم وتلصقها باسلوب فنى راقى هترجع مثل الأول ان شاء الله
وممكن تتواصل على الفيس بوك مع ابوالفتوح وتساله عن ثمنها وهل متوفره ولا لا

https://www.facebook.com/speranzaegypt?ref=ts

اقتباس:

---

المشاركة الأصلية كتبت بواسطة fineart607

بسهوله ان شاء الله تحط دعامه حديد او الومنيوم وتلصقها باسلوب فنى راقى هترجع مثل الأول ان شاء الله
وممكن تتواصل على الفيس بوك مع ابوالفتوح وتساله عن ثمنها وهل متوفره ولا لا

https://www.facebook.com/speranzaegypt?ref=ts

---

الف شكر لاهتمامك .. انا معايا رقم خدمة العملاء وقطع الغيار وبكلمهم باستمرار بس لسه مش متوفر

انا هحاول امشى حالى لحد ما يتوفر وعموما انا وصيت ناس قرايبى فى القاهرة يسألولى فى التوفيقية ودمشق على الدراع ده عشان لو موجود اجيبه

تحياتى لك

معلش يا خلود ... الالا بقي ... ان شاء الله بكرة بعد الجمعة افكه و ابقي اقولك ...

ازيك يا خالد ...دا انت طلعت بركة و الله ...
امبارح نزلت الجمعة و بعدين مع اني كنت ناوي ابصلك بعد الصلاة علي طول علي الدراع ... والدي كان عايزني في مشوار .... قلت خلاص اروح لوالدي الاول
دخلت دورت و طلعت علي بنزينة علشان كانت مشحرة بنزين ....افتح التانك مفيش ..... اشد مفيش .... المهم قلت للولد في المحطة استني اركن و افتح و اجي تاني قالي لا افتح الشنطة ... شد الوير من الشنطة و انا بالمفك ساعدت غطا التانك و خلصنا ...
مشيت لحد حتة ظل و فكيت الدراع لقيت السلك هربان من مكانه اللي بيبات فيه في الدراع ...السلك بالضبط زي بتاع فرامل العجل و ليه منيم بس الحواجز فبر .. ودنين اتنين ... واحدة سليمة و واحدة طقت علشان كده هرب ....
المهم حتي لو مفيش دراع خالص ممكن الفتح من السلك نفسه لانه خفيف قوي ...و برضه علشان المنظر العام طلعت علي بتاع المفاتيح اللي عندنا في الزيتون اللي في شارع نصوح ...
يا اخوانا الدراع ده بيتباع او ليه اخوات .... طبعا بعد ما سألوا دي رينو ولا بيجو ولا ايه "يعني الماركات دي برضه واضح ان بيحصل في دراعاتها حاجة " و لمل عرفوا انها اسبيرانزا قعدوا بقي طبعا ماهوا الصيني كده :)

المهم بقولوهم طب اروح اخرط قالولي مش هينفع ...قلتلهم لا في خراط في المنطقة الفلانية شفته بيخرط حاجات اصعب ...ف عرفوا ان انا قصدي علي مصطفي و قالولي اه فعلا ممكن يعمل واحد فبر انضف بس الموضوع مش مستاهل ...
عملو منيم او ماسك للبنطة اللي في اخر السلك علي الدراع بحتة سلك صلب ... شغل 10 دقائق ..و رجعت زي الفل ب 10 جنيه ...

بص يا خلود لو عايز تفك الدراع كله ... شيل المسمار و شد الدراع لبرة براحة هيطلع من مكانه ... اقلبه و حرر السلك بس للتسهيل علي نفسك خلي حد يدوس علي الزرار اللي في غطا التانك علشان يديك طول زيادة في السلك و انت بتحرره علشان الودان تفضل سليمة مع ان فعلا شايف ان صب دراع او تغييره خالص احسن من اصلاحه

اقتباس:

---

المشاركة الأصلية كتبت بواسطة hemaa_82

ازيك يا خالد ...دا انت طلعت بركة و الله ...
امبارح نزلت الجمعة و بعدين مع اني كنت ناوي ابصلك بعد الصلاة علي طول علي الدراع ... والدي كان عايزني في مشوار .... قلت خلاص اروح لوالدي الاول
دخلت دورت و طلعت علي بنزينة علشان كانت مشحرة بنزين ....افتح التانك مفيش ..... اشد مفيش .... المهم قلت للولد في المحطة استني اركن و افتح و اجي تاني قالي لا افتح الشنطة ... شد الوير من الشنطة و انا بالمفك ساعدت غطا التانك و خلصنا ...
مشيت لحد حتة ظل و فكيت الدراع لقيت السلك هربان من مكانه اللي بيبات فيه في الدراع ...السلك بالضبط زي بتاع فرامل العجل و ليه منيم بس الحواجز فبر .. ودنين اتنين ... واحدة سليمة و واحدة طقت علشان كده هرب ....
المهم حتي لو مفيش دراع خالص ممكن الفتح من السلك نفسه لانه خفيف قوي ...و برضه علشان المنظر العام طلعت علي بتاع المفاتيح اللي عندنا في الزيتون اللي في شارع نصوح ...
يا اخوانا الدراع ده بيتباع او ليه اخوات .... طبعا بعد ما سألوا دي رينو ولا بيجو ولا ايه "يعني الماركات دي برضه واضح ان بيحصل في دراعاتها حاجة " و لمل عرفوا انها اسبيرانزا قعدوا بقي طبعا ماهوا الصيني كده :)

المهم بقولوهم طب اروح اخرط قالولي مش هينفع ...قلتلهم لا في خراط في المنطقة الفلانية شفته بيخرط حاجات اصعب ...ف عرفوا ان انا قصدي علي مصطفي و قالولي اه فعلا ممكن يعمل واحد فبر انضف بس الموضوع مش مستاهل ...
عملو منيم او ماسك للبنطة اللي في اخر السلك علي الدراع بحتة سلك صلب ... شغل 10 دقائق ..و رجعت زي الفل ب 10 جنيه ...

بص يا خلود لو عايز تفك الدراع كله ... شيل المسمار و شد الدراع لبرة براحة هيطلع من مكانه ... اقلبه و حرر السلك بس للتسهيل علي نفسك خلي حد يدوس علي الزرار اللي في غطا التانك علشان يديك طول زيادة في السلك و انت بتحرره علشان الودان تفضل سليمة مع ان فعلا شايف ان صب دراع او تغييره خالص احسن من اصلاحه

---

ااااااسف يا هيما بجد انا لسه شايف ردك فى الموضوع ده حالا!!
انا ضحكت جدا على موضوع بركة ده هههههههه بدل ما تبص عليه بس اديك عملت تجربة عملى بنفسك :w6266d
الموضوع اتحل الحمد لله لقيت الدراع فى مركز خدمة الصحراوى اللى بعد البوابات واشتريت واحد استبن كمان عشان لما يتكسر تانى :breakpc2:
الف شكر يا هيما على اهتمامك وكل سنة وانت طيب

اقتباس:

---

المشاركة الأصلية كتبت بواسطة khaled_saga

ااااااسف يا هيما بجد انا لسه شايف ردك فى الموضوع ده حالا!!
انا ضحكت جدا على موضوع بركة ده هههههههه بدل ما تبص عليه بس اديك عملت تجربة عملى بنفسك :w6266d
الموضوع اتحل الحمد لله لقيت الدراع فى مركز خدمة الصحراوى اللى بعد البوابات واشتريت واحد استبن كمان عشان لما يتكسر تانى :breakpc2:
الف شكر يا هيما على اهتمامك وكل سنة وانت طيب

---

طيب هو حضرتك جبته بكام وقاعد أد إيه علشان يجيلك وفي الفترة دية كنت بتفتحو الزاي ؟ ألف شكر

مهم تمنه كام

اقتباس:

---

المشاركة الأصلية كتبت بواسطة hanysamirzaki

طيب هو حضرتك جبته بكام وقاعد أد إيه علشان يجيلك وفي الفترة دية كنت بتفتحو الزاي ؟ ألف شكر

---

بص حضرتك انا بتعامل مع مركز خدمة ابو رواش وفضلت شهر ونص اكلمهم يقولوا مش موجود لحد ما قربة المية حصل فيها شرخ قولت لازم اروح بقا اشوف حل فطلعت على ابورواش ملقتهاش لكن قالولى انها موجودة فى المركز اللى بعد البوابات فروحت على هناك علاطول وكانت اول مرة اروح (مكنتش كلمتهم قبل كده ولا اعرف الدراع موجود ولا لأ) فقولت بالمرة أسأل على الدراع لقيته فعلا موجود قومت مغيره بالمرة.
تمنه 27 ج وتركيبه تقريبا 10 ج يعنى كله قول 40 ج
فى الفترة دى كنت بلزقه بلزق امير (الانبوبة البيضة الصغيرة دى) وكنت بحاول افتحه بحنية بس كان كتير بيتكسر والزقه ويرجع يتكسر والزقه حتى لما كان بيتكسر كنت بقاوح مع الجزء الباقى منه وافتحه بس بطلوع الروح وايدى كانت بتتجرح طبعا منه وطبعا كان موضوع صعب ومقرف.
ده رقم مركز خدمة الصحراوى كلمهم واسال على الدراع: 01068888836

اقتباس:

---

المشاركة الأصلية كتبت بواسطة khaled_saga

بص حضرتك انا بتعامل مع مركز خدمة ابو رواش وفضلت شهر ونص اكلمهم يقولوا مش موجود لحد ما قربة المية حصل فيها شرخ قولت لازم اروح بقا اشوف حل فطلعت على ابورواش ملقتهاش لكن قالولى انها موجودة فى المركز اللى بعد البوابات فروحت على هناك علاطول وكانت اول مرة اروح (مكنتش كلمتهم قبل كده ولا اعرف الدراع موجود ولا لأ) فقولت بالمرة أسأل على الدراع لقيته فعلا موجود قومت مغيره بالمرة.
تمنه 27 ج وتركيبه تقريبا 10 ج يعنى كله قول 40 ج
فى الفترة دى كنت بلزقه بلزق امير (الانبوبة البيضة الصغيرة دى) وكنت بحاول افتحه بحنية بس كان كتير بيتكسر والزقه ويرجع يتكسر والزقه حتى لما كان بيتكسر كنت بقاوح مع الجزء الباقى منه وافتحه بس بطلوع الروح وايدى كانت بتتجرح طبعا منه وطبعا كان موضوع صعب ومقرف.
ده رقم مركز خدمة الصحراوى كلمهم واسال على الدراع: 01068888836

---

ألف شكر فعلا أنا حاولت معاه كتير قوي ومش راضي يفتح وعاوز احط بنزين ومش عارف عموما ألف شكر على الرد