الموضوع: ازاى اروح القلعه ؟

انت عايز القلعه ولا مستشفى الصدر؟
مش مشكله ... المشكله ان اى وصفه هيكون فيها زخانيق و انت ممكن تتوه ... نصيحتى خليك فى اللى انت عارفه
ممكن اديك وصفه تانيه قد تكون الزحمه فيها اقل شويه بس برضه طويله و هتعتمد على انت هتروح فى حدود الساعه كام ؟
بص يا باشا انت تطلع دائرى فى اتجاه مدينة السلام (هتعدى من تحت الدائرى و تاخد اول مطلع يمين) و تفضل ماشى و تنزل نفق السلام و تمشى حوالى 10 كيلو هتلاقى مدخل للمطار و بعديه نزلة يمين تنزلها (نزلة الماظه) و تكمل شويه و تطلع كوبرى و تكمل هتعدى من تحت كوبرى و تاخد يوترن و ترجع من جنب الكوبرى يمين (كأنك دخلت شمال من اتجاهك الاصلى) كده انت فى الاوتوستراد هتمشى طوالى شويه حلوين هتعدى من عند سيتى ستارز و اول عباس و اشارة رابعه (شارع الطيران) و المنصه و متطلعش كوبرى اكتوبر و تكمل من تحته
و اول ما تعدى من تحته هتلاقى فندق الجبل الاخضر للقوات المسلحه وبعديه مستشفى الصدر فى اليمين

ممكن و انت فى شبرا تسأل ازاى تطلع على رمسيس و من هناك تاخد شارع رمسيس على العباسيه و تطلع الكوبرى فى العباسيه و تنزل عند اكاديمية الشرطه القديمه و طوالى تحت كوبرى اكتوبر لحد الاوتوستراد تخش يمين هتكون وصلت

ربنا معاك ... لو هتيجى فى الصيام و الصبح يبقى الدنيا هتكون سهله ان شاء الله